ISAIAH 42:11 - Edisana ñwed Abasi Ibom

¹¹ Wilderness ye mme obio esie eyemenere uyo, mme nna emi Kedar oduŋde: mme andiduŋ akwa itiat eyefiori, mmɔ eyetie ke enyɔŋ ikpɔ obot esio mkpo.

ISAIAH 42:11 Referans Kwoze

ISAIAH 32:16

Ndien eti ikpe eyeduŋ ke wilderness, edinen ido eyenyuŋ etie ke eti iŋwaŋ.

ISAIAH 60:7

Kpukpru otu ufene Kedar eyebono ke ɔtɔ fo, okukim Nebaioth eyenam ŋkpɔ enɔ fi: eyedɔk ke itie-uwa mi nte ŋkpɔ inem; nyenyuŋ mbana ediye ufɔk mi.

NAHUM 1:15

Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

ISAIAH 52:7

Ukot owo eti mbuk eye didie ke enyɔŋ ikpɔ obot! ukot owo eke ɔkwɔrɔde emem, eke obukde eti ŋkpɔ, eke ɔkwɔrɔde erinyaŋa; ɔdɔhɔ Zion, ete, Abasi fo ada ubɔŋ! (Kop!)

ISAIAH 35:6

Ndien mbuŋɔ eyenek nte edop, edeme imum eyenyuŋ ɔkwɔ: koro mmɔŋ asiahade ke wilderness, idim ŋko ke desert.

ISAIAH 21:16

Koro ntem ke Ɔbɔŋ ɔdɔhɔ mi, ete, Osuk kaŋa isua kiet, nte mme isua owo eke anamde utom ke utip esaŋade, ndien ofuri ubɔŋ Kedar eyekure.

ISAIAH 16:1

MBUFO eda eyen erɔŋ andinyene obio etɔŋɔ ke Sela tutu esim ke wilderness, enɔ esɔk ke obot adiaha Zion. Ndien ama ekem,

ŊWED MME PSALM 120:5

Mbɔm mi, koro ndaŋde ke Meshech, nnyuŋ nduŋde ŋkpere mme tent Kedar!

GENESIS 25:23

enye aka okobup Jehovah. Ndien Jehovah ɔdɔhɔ enye ete, Idut iba edu fi ke idibi, mbio iba eyenyuŋ edianare ke nsia fo; ndien idut kiet eyesɔŋ akan idut eken; ebiowo eyenyuŋ etie nte ofin eyenɔwɔŋ.

JEREMIAH 49:16

Ndik fo ye iseŋ esit fo emebiaŋa fi, afo emi oduŋde ke nsiaha itiat, emi adade enyɔŋ obot enyene: koro afo onimde efɔk fo ke enyɔŋ nte ntrukpom, nyesio fi ke esit nsuhɔre: uyo Jehovah edi emi.

JEREMIAH 48:28

Mbufo mme andiduŋ Moab ekpɔŋ mme obio, ndien eduŋ ke itiat, enyuŋ etie nte ibiom eke anamde efɔk esie ke odudu inua obube.

JEREMIAH 21:13

Sese, ami mmɔŋ nnam ikɔ ye afo, O andiduŋ ebedeŋ, ye akwa itiat una-isɔŋ, Jehovah ɔdɔhɔ; mbufo emi edɔhɔde ete, Anie edisuhɔre ke ɔtɔ nnyin? Anie edinyuŋ oduk ke ebiet iduŋ nnyin?

ISAIAH 43:19

Sese, ami mmɔŋ nnam obufa ŋkpɔ, ke emi ke editibe: nte mbufo idifiɔkke enye? Ŋkɔm nyenim usuŋ ke wilderness, ye akpa mmɔŋ ke desert.

ISAIAH 35:1

WILDERNESS ye nsat-isɔŋ eyedara; desert eyenyuŋ ebre, onyuŋ asiaha ikɔŋ nte rose.

OBADIAH 1:3

Iseri esit fo ememenere fi ke enyɔŋ; afo oduŋ ke ndudu ikpɔ itiat: ebiet iduŋ esie omokoŋ; enye ɔdɔhɔ ke esit esie, ete, Anie edisuhɔre mi onim ke isɔŋ?

ISAIAH 40:3

Kop! uyo andifiori ke wilderness, ete, Mbufo ediɔŋ usuŋ Jehovah, emenere ɔkpɔ-usuŋ enɔ Abasi nnyin ke desert.

ISAIAH 12:5

Ebre enɔ Jehovah, koro enye anamde ikpɔ ŋkpɔ: emefiɔk emi ke ofuri ererimbot.

JEREMIAH 49:31

Jehovah ɔdɔhɔ, ete, Mbufo edaha ke enyɔŋ edɔk ke ɔtɔ idut ndue idem, emi eduŋde ke mfre idem, mmɔ inyeneke itim ye eto usin usuŋ, mmɔ eduŋ ke idem mmɔ ikpɔŋ.

EZEKIEL 27:21

Arabia ye kpukpru mbɔŋ Kedar edi mbon urua fo: mmɔ eda ŋkpri nditɔ ufene ye okukim erɔŋ ye okpo ebot enyam enɔ fi.