ISAIAH 42:1 - Edisana ñwed Abasi Ibom

¹ SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 42:1 Referans Kwoze

LUKE 3:22

enyɔŋ eberere, ndien Edisana Spirit ɔsuhɔre ke mbiet ibiom edidoro Enye ke idem: ndien uyo oto ke enyɔŋ, ete, Afo edi edima eyen Mi; mmenem esit eti-eti ye Afo.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ISAIAH 52:13

Sese, owo mi eyenam ɔniɔŋ ɔniɔŋ, eyeforo, eyedoro ke enyɔŋ, onyuŋ okoŋ eti-eti.

ŊWED MBON PHILIPPI 2:7

edi Enye akaŋwaŋa idem Esie, ada mbiet ofin, owut idem nte owo; ndien sia Enye ɔwɔrɔde edi ke ido owo,

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

ŊWED MBON COLOSSAE 1:13

emi okosiode nnyin ke odudu ekim, esin ke Obio Ubɔŋ Eyen Ima Esie:

ŊWED MBON EPHESUS 1:4

Abasi ekemek nnyin ke Enye ndien ediwuk adaha ererimbot, ete nnyin ikpasana inyuŋ inana ndo ke iso Imɔ.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

ISAIAH 59:21

Ndien Jehovah ɔdɔhɔ ete, Ama edi ami, emi edi ediomi mi ye mmɔ: spirit mi emi odorode fi ke idem, ye ikɔ mi emi nsinde fi ke inua, idikpɔŋke inua fo, ye inua nditɔ fo, ye inua nditɔ nditɔ fo, ke emi ye ke nsinsi: emi edi uyo Jehovah.

1 PETER 2:6

Koro ewet ntem ke Ŋwed Abasi, ete, Sese, mmonim akwa Itiat ke Zion, Edimek Itiat, ɔsɔŋ-urua Itiat inuk; Owo eke ɔbuɔtde idem ye Enye ididiaha but.

UTOM MME APOSTLE 28:28

Efiɔk emi ndien, ete, enɔ erinyaŋa Abasi emi esɔk mme Gentile: mmɔ eyenyuŋ ekpaŋ utɔŋ ekop.

UTOM MME APOSTLE 9:15

Edi Ɔbɔŋ ete enye, Kam ka: koro enye edi anam-utom eke mmekde, nte akama enyiŋ Mi aka ke iso mme Gentile ye mbɔŋ, ye nditɔ Israel:

LUKE 9:35

Uyo onyuŋ oto ke ikpa-enyuŋ ɔwɔrɔ, ete, Emi edi Eyen Mi, emi mmekde: ekop uyo Esie.

ZECHARIAH 3:8

Mbufo ekop ndien, afo Joshua akwa oku, ye mme nsaŋa fo emi etiede fi ke iso: koro mmɔ edide mbon idiɔŋɔ: koro, sese, nyeda owo mi Nsekhe nduk.

ISAIAH 2:4

Ndien enye eyekpe ikpe ke otu mme idut, onyuŋ ebiere ikɔ ɔnɔ ediwak obio: ndien mmɔ eyeda ofut mmɔ edom ŋkpɔ ufuŋ isɔŋ, eda eduat mmɔ edom ikwa udiɔŋ vine: idut idimenke ofut itiene idut, mmɔ idinyuŋ ikpepke aba ekɔŋ.

UTOM MME APOSTLE 11:18

Edi ke ini mmɔ ekopde ŋkpɔ emi, mmɔ edop uyo, enyuŋ enɔ Abasi itoro, ete, Ama edi ntre ndien, Abasi ayak mme Gentile ŋko ekabare esit eduk uwem.

JOHN 16:32

Sese, ini ke edi, onyuŋ ededi ama, eke mbufo edisuanade, kpukpru mbufo edinyuŋ enyɔŋde ke ebiet mbufo, edinyuŋ ekpɔŋde Mi ikpɔŋ: edi ntiehe ikpɔŋ, koro Ete odude ye Ami.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

ISAIAH 32:16

Ndien eti ikpe eyeduŋ ke wilderness, edinen ido eyenyuŋ etie ke eti iŋwaŋ.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

LUKE 4:19

Nnyuŋ ŋkwɔrɔ isua mfɔn-ido Jehovah.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

ISAIAH 41:9

afo emi ŋkadade ke mme utit ererimbot, nnyuŋ ŋkotde fi ke ŋkaŋ esie edi, nnyuŋ ndɔhɔ fi, nte, Afo edi owo mi, mmemek fi, nnyuŋ nsuaha fi:

ISAIAH 42:2

Enye idifiorike, idinyuŋ imenekede uyo esiemɔ, inyuŋ iyakke ekop uyo esie ke efak.

HAGGAI 2:23

Jehovah mme udim ɔdɔhɔ, ete, Ke usen oro nyeda fi Zerubbabel eyen Shealtiel, owo mi, Jehovah ke ɔdɔhɔ, nnyuŋ nnim fi seal: koro mmemek fi, ke edi uyo Jehovah mme udim.

ŊWED MME PSALM 72:4

Enye eyekpe ikpe mbon eke etuhɔde; eyenyaŋa nditɔ unana, onyuŋ anuak owo utuk.

ŊWED MME PSALM 89:4

Mmomum ubon fo ŋkama ke nsinsi, nnyuŋ nnam ebekpo fo ɔsɔŋɔ ada ke ofuri emana.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

ISAIAH 63:1

ANIE edi emi otode ke Edom edi? Esine ediyibe ɔfɔŋ-idem oto ke Bozrah? Enye emi esinede ɔfɔŋ-idem ubɔŋ, ke asaŋa ke uwak odudu esie? Edi ami, emi ndɔhɔde nte enende, nsɔŋɔ ke erinyaŋa.