ISAIAH 41:4 - Edisana ñwed Abasi Ibom

⁴ Anie ekesin okonyuŋ anam, ke okot mme emana toto ke eritɔŋɔ? ami Jehovah, akpa, emi nnyuŋ ndude ke akpatre; ami ndi Enye.

ISAIAH 41:4 Referans Kwoze

ERIYARARE 22:13

Ami ndi Alpha ye Omega, mbemiso ye akpatre, ntɔŋɔ ye utit.

ISAIAH 48:12

Kop uyo mi, O Jacob, ye Israel, emi ŋkotde; ami ndi enye; ami ndi mbemiso, ami ŋko ndi akpatre.

ERIYARARE 1:17

Ndien ke adaŋemi ŋkutde Enye, nduɔ Enye ke ukot nte akpa-mkpa. Ndien Enye odori mi ubɔk nnasia Esie ke idem, ete, Kufehe;

ISAIAH 41:26

Anie owo eketiŋ ke eritɔŋɔ, man nnyin ifiɔk? ye ke eset, man nnyin idɔhɔ ite, Enen? Ŋkɔm baba owo kiet eke etiŋde iduhe, ŋkɔm baba owo kiet eke obupde iduhe, ŋkɔm baba owo kiet eke okopde ikɔ mbufo iduhe.

ISAIAH 46:10

Emi nsiakde akpatre ke akpa, ndien ke eset nsiak se minamke kaŋa, nte ke uduak mi eyeda, ndien nyenam kpukpru se mmade.

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

UTOM MME APOSTLE 17:26

Enye anam kpukpru mme idut eto ke ekpuk kiet ewɔrɔ ediduŋ ke ofuri iso isɔŋ: onyuŋ edi Enye onim iduɔk ini uwem mmɔ ye adaŋa ebiet iduŋ mmɔ;

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ISAIAH 42:24

Anie ɔnɔ Jacob ke ŋkpɔ nnama, anie onim Israel ke ŋkpɔ mbume? Nte idige Jehovah, emi nnyin iduede enye, ndien minyimeke ndisaŋa ke usuŋ esie, minyuŋ ikopke mme ewuhɔ esie?

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ISAIAH 40:12

Anie odomo mmɔŋ ke eka-ubɔk esie, onyuŋ ada eka-ubɔk odomo enyɔŋ, onyuŋ akama ntan isɔŋ ke udomo-ŋkpɔ, onyuŋ odomo udop ikpɔ obot ke scales, ye ekpri obot ke balance?

UTOM MME APOSTLE 15:18

Ntem ke Jehovah, emi anamde owo efiɔk ŋkpɔ emi toto ke eritɔŋɔ ererimbot, ɔdɔhɔ.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

ISAIAH 40:26

Emenere enyin mbufo ke enyɔŋ, enyuŋ ese! Anie okobot mme mmɔ emi? Anie ada otu mmɔ ɔwɔrɔ ke ibat mmɔ? Enye osio kpukpru mmɔ enyiŋ: koro nsɔŋidem esie okponde, enye onyuŋ ɔsɔŋ odudu; baba owo mmɔ kiet isopke.

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

ŊWED MME PSALM 102:27

edi afo edi kpasuk enye, ndien isua fo idikurede.

ISAIAH 41:3

Enye eyebine mmɔ, eyesaŋa ebe ke ifure; idisaŋake ke usuŋ ke ukot esie.

ISAIAH 43:13

Ndien ŋko toto ke usen oro ami ndi enye; ndien baba owo kiet eke ekemede ndisio ke ubɔk mi iduhe; nyenam ŋkpɔ, ndien anie owo edikabare enye?

ŊWED MME PSALM 102:28

Nditɔ ikɔt fo eyebigi, ubɔŋ mmɔ eyenyuŋ eseɔŋɔ eda fi ke iso.

ISAIAH 41:20

man mmɔ ekut enyuŋ efiɔk, enyuŋ enim ibuot ke esit, enyuŋ etim efiɔk, ke ini kiet, ete ke ubɔk Jehovah akanam emi, Edisana Abasi Israel okonyuŋ obot enye.