ISAIAH 41:1 - Edisana ñwed Abasi Ibom

¹ O ISUO, mbufo edop uyo enɔ mi; ndien mme idut eyekop obufa nsɔŋidem: mmɔ eyesaŋa ekpere, ndien eyedɔhɔ ikɔ: nnyin iyedi ikpe ɔtɔ kiet.

ISAIAH 41:1 Referans Kwoze

ISAIAH 1:18

Jehovah ɔdɔhɔ ete, Mbufo edi ndien, nnyin ikpe ikɔ: mme idiɔk ido mbufo ekpetie nte iduot, eyefia nte snow; ekpeyibe nte crimson, eyekabare nte idet erɔŋ.

HABAKKUK 2:20

baba ibifik inyuŋ iduhe enye ke esit. Ndien Jehovah odu ke edisana temple esie: ofuri ererimbot, dop uyo ke iso esie.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

ISAIAH 34:1

MBUFO mme idut edi edikop; mbufo mme obio enyuŋ ekpaŋ utɔŋ: yak ererimbot ye se iyɔhɔde ke esit ekop; ye isɔŋ ye se itibede ke esit.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ŊWED JOB 38:3

Bɔbɔ ndien mbɔhɔ ke isin fo nte eren-owo, ndien nyebup fi: ndien sian mi.

ISAIAH 50:8

Enye eke akaŋde mi emekpere; anie editɔhɔ ye ami? Yak nnyin ida ɔtɔ kiet: anie edi owo utɔk mi?

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

ISAIAH 40:31

edi mmɔ eke eberede ye Jehovah eyekop obufa nsɔŋidem; eyedɔk ke mba nte ntrukpom; eyefeŋe, ndien idikpɔtke; eyesaŋa, edi idikpaha mba.

ISAIAH 41:5

Mme isuo ekut, enyuŋ edige; mme utit ererimbot enyek idem, esaŋa ekpere enyuŋ edi.

ISAIAH 43:9

Kpukpru mme idut emebono ɔtɔ kiet, mme obio emenyuŋ esop idem: anie ke otu mmɔ editiŋ emi, onyuŋ anam nnyin ikop mbemiso ŋkpɔ? Yak mmɔ enɔ ntiense mmɔ, enyuŋ ekaŋ idem mmɔ: ndien yak mmɔ ekop, enyuŋ edɔhɔ, ete, Akpanikɔ.

ISAIAH 43:26

Nam mi nti: yak nnyin ikpe ikɔ ɔtɔ kiet: afo tiŋ man akaŋ idem fo.