ISAIAH 4:2 - Edisana ñwed Abasi Ibom

² Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

ISAIAH 4:2 Referans Kwoze

ZECHARIAH 6:12

nyuŋ dɔhɔ enye, ete, Ntem ke Jehovah mme udim ɔdɔhɔ, ete, Sese, owo emi Nsekhe edide enyiŋ esie; ndien enye eyesehe ke ɔtɔ esie, onyuŋ ɔbɔp temple Jehovah;

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

ZECHARIAH 3:8

Mbufo ekop ndien, afo Joshua akwa oku, ye mme nsaŋa fo emi etiede fi ke iso: koro mmɔ edide mbon idiɔŋɔ: koro, sese, nyeda owo mi Nsekhe nduk.

ISAIAH 27:6

Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

JEREMIAH 33:15

Ke mme usen oro, ye ke ini oro, ke ndinam edinen nsehe otibe ɔnɔ David; ndien enye eyenam edinen ikpe ke ererimbot.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

OBADIAH 1:17

Edi ubɔhɔ eyedu ke obot Zion, enye eyenyuŋ edi edisana; ufɔk Jacob eyenyuŋ eda udeme mmɔ.

JEREMIAH 44:14

ndien baba owo kiet ke otu nditɔ Judah eke esuhɔde eke ekade do ekeduŋ ke isɔŋ Egypt idibɔhɔke, idinyuŋ isuhɔke, man efiak ke isɔŋ Judah, emi mmɔ edoride esit ndifiak ŋka ŋkoduŋ do; koro mmɔ midifiakke ke midige nte mbon itɔk.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 53:2

Ndien enye okotibe nte nsehe ke iso esie, ye nte oruŋ eke otode edisat isɔŋ: enye inyeneke ubɔŋ, inyuŋ inyeneke uyai; ndien nnyin ise enye, edi inyeneke ŋwut-idem eke nnyin ikoyomde enye.

ŊWED MME PSALM 72:16

Uwak ibokpot eyedu ke isɔŋ ke nsom ikpɔ obot; mfri esie eyenyeŋe nte Lebanon: ndien mbio-obio eyesehe nte mbiet iŋwaŋ.

2 PETER 1:16

Koro nnyin ikeyireke ikpikpu mbuk, eke owo edade mbufiɔk etibi, ke adaŋemi nnyin inamde mbufo efiɔk odudu ye eridi Ɔbɔŋ nnyin Jesus Christ; edi nnyin ke idem nnyin iketie ise ubom Esie.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

LUKE 21:36

Edi mbufo etaba idap kpukpru ini, enyuŋ ekpe ubɔk, man mbufo ekpekeme ndibɔhɔ kpukpru ŋkpɔ oro ediwɔrɔde, nnyuŋ nda ke iso Eyen Owo.

MATTHEW 24:22

Ndien ke mikpesibeke mme usen oro emuhɔ, baba owo kiet ikpɔbɔhɔke; edi kabaŋa ndimek ikɔt Abasi eyesibe mme usen oro emuhɔ.

ZECHARIAH 9:17

Koro enye ɔfɔn didie! enye onyuŋ eye didie! Ibokpot eyenam mkparawa ekɔri, obufa wine eyenyuŋ anam nditɔ-iban ekpon.

JOEL 3:18

Ndien ama ekem ke usen oro, ikpɔ obot eyetɔi obufa wine, ŋkpri obot eyenyuŋ efiɔrɔ mmɔŋ-eba; kpukpru akpa mmɔŋ Jerusalem eyefiɔrɔ mmɔŋ, idim eyenyuŋ oto ke ufɔk Jehovah ekebit itihere Shittim.

EZEKIEL 7:16

Ndien mbon itɔk mmɔ eyebɔhɔ; enyuŋ edu ke ikpɔ obot ebiet mme ibiom itihere; kpukpru mmɔ eseme, owo kiet kiet ke idiɔk ido mmɔ.

JEREMIAH 44:28

Ndien esisit eke ebɔhɔde ofut eyeto ke isɔŋ Egypt efiak ke isɔŋ Judah, ndien ofuri Judah eke esuhɔde, eke edide ke isɔŋ Egypt ndiduŋ do eyefiɔk ikɔ eke edidade, mme okim, mme eke mmɔ.

ISAIAH 45:8

Mbufo mme heaven ke enyɔŋ ekeŋe, yak mbubit enyɔŋ enyuŋ eŋwaŋa edinen ido: yak isɔŋ ɔkubɔre, yak erinyaŋa ye edinen ido esiaha, yak enye oŋwum mmɔ ini kiet: ami Jehovah mbot enye.

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ŊWED MME PSALM 67:6

Isɔŋ omoŋwum mbuŋwum esie; Abasi, kpa Abasi nnyin eyediɔŋ nnyin.

EXODUS 28:2

Nyuŋ nam edisana edisine-ŋkpɔ ubɔŋ ye uyai nɔ Aaron eyen-uka.

ISAIAH 26:1

NDIEN ke usen oro mmɔ eyekwɔ ikwɔ emi ke isɔŋ Judah, ete, Nnyin imenyene ɔkpɔsɔŋ obio; Abasi onim erinyaŋa ke ibibene ye ɔkɔ ekɔŋ.

ISAIAH 60:15

Utu ke ekpɔŋ fi enyuŋ esua fi, owo minyuŋ isaŋake ibe fi, nyenim fi ke nsinsi ubɔŋ, idara ediwak emana.

ISAIAH 61:11

Koro kpa nte isɔŋ osioŋode ŋkpɔ emi ɔkɔride ke esit, ye nte iŋwaŋ ŋko onyuŋ otibede se etɔde ke esit: kpa ntre ke Ɔbɔŋ Jehovah edinam edinen ido ye itoro etibe ke iso kpukpru mme idut.

EZEKIEL 34:29

Ndien nyenam se etɔde ɔkɔri ɔnɔ mmɔ ɔwɔrɔ etop, ndien mmɔ iditakke aba ke biɔŋ ke isɔŋ, idinyuŋ ibiomke aba esuene mme idut.

EZEKIEL 36:8

Edi mbufo, ikpɔ obot Israel, eyesiaha ŋkɔk mbufo, enyuŋ eŋwum mfri mbufo enɔ ikɔt mi Israel: koro mmɔ esaŋade ekpere.

MALACHI 3:17

Ndien Jehovah mme udim ɔdɔhɔ ete, Mmɔ eyedi ata inyene mi ke usen emi ami ndoride; ndien nyetua mmɔ mbɔm, kpa nte owo atuade eyen esie ke anamde ŋkpɔ ɔnɔ enye mbɔm.