ISAIAH 39:8 - Edisana ñwed Abasi Ibom

⁸ Ndien Hezekiah ɔdɔhɔ Isaiah, ete, Ikɔ Jehovah emi afo ɔdɔhɔde ɔfɔn. Enye onyuŋ ɔdɔhɔ ete, Koro emem ye akpanikɔ eyedu ke eyo mi.

ISAIAH 39:8 Referans Kwoze

2 CHRONICLES 32:26

Ekem Hezekiah osuk idem abaŋa mmenere esit esie, enye ye mme andiduŋ Jerusalem; ndien iyaresit Jehovah inamke mmɔ ke eyo Hezekiah.

2 CHRONICLES 34:28

Ami, ŋko mmokop. Sese, ami nyemen fi ŋkonim ye mme usɔ, eyenyuŋ enim fi ke udi fo ke ifure, enyin fo idinyuŋ ikwe kpukpru ŋkpɔ emi ndidade ntiene ebiet emi, ye mme andiduŋ ke esit. Ndien mmɔ eda ikɔ efiak eketiŋ enɔ edidem.

1 PETER 5:6

Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

ZECHARIAH 8:16

Mme mmɔ emi edi ŋkpɔ eke mbufo edinamde: etiŋ akpanikɔ kiet ye kiet; enyuŋ ekpe ikpe akpanikɔ ye emem ke inua-otop mbufo:

ŊWED ESEME 3:39

Owo uwem edinam didie eseme, owo anam didie eseme (ufen) idiɔk ido esie?

ŊWED ESEME 3:22

Ima Jehovah esin nnyin ikutak, koro mbom esie mikureke.

ŊWED MME PSALM 39:9

Ntie imum, ntatke inua mi: koro edide afo akanam.

ŊWED JOB 1:21

Enye onyuŋ ɔdɔhɔ ete: Ŋkoto iferi ke idibi eka mi ŋwɔrɔ, nyenyuŋ mfiak do iferi: edi Jehovah ɔkɔnɔ, Jehovah onyuŋ ɔbɔ; ekɔm enyiŋ Jehovah.

2 SAMUEL 15:26

edi edieke enye ɔdɔhɔde ntem, ete, Mmaŋa fi: se mi mi, yak enye anam mi nte enye amade.

1 SAMUEL 3:18

Ndien Samuel emen kpukpru ikɔ oro etiŋ ɔnɔ enye, inyuŋ idipke enye baba kiet. Ndien enye ɔbɔrɔ ete, Ke edi Jehovah: yak enye anam se ifɔnde enye ke enyin.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.