ISAIAH 39:7 - Edisana ñwed Abasi Ibom

⁷ Baba ŋkpɔ kiet idisuhɔke. Ndien mmɔ eyeda ndusuk nditɔ fo, eke editode fi ke idem, eke afo edibonde, efep; ndien mmɔ eyedi eunuch ke ufɔk edidem Babylon.

ISAIAH 39:7 Referans Kwoze

2 CHRONICLES 36:10

Ekem ke ukabare isua Nebuchadnezzar ɔdɔŋ ekeda enye edi ke Babylon, ye ŋkpɔ-uto ufɔk Jehovah, onyuŋ ada Zedekiah eyen-ete esie onim ke edidem Judah ye Jerusalem.

2 NDIDEM 24:12

Ekem Jehoiachin edidem Judah ɔwɔrɔ etiene edidem Babylon, enye, ye eka esie, ye ikɔt esie, ye ikpɔ owo esie, ye ndidaha esie: ndien edidem Babylon ada enye ke ɔyɔhɔ isua ubɔŋ esie itiaita.

JEREMIAH 39:7

Enye onyuŋ etibi Zedekiah enyin, ndien ɔkɔbi ke ŋkpɔkɔbi okpoho, man ada enye aka Babylon.

2 CHRONICLES 36:20

Ndien enye ataŋ mmɔ eke ofut ɔsuhɔde, ɔnyɔŋ ke Babylon; ndien mmɔ edi ikɔt esie, ye eke nditɔ esie, tutu edidem Persia ada ubɔŋ:

2 CHRONICLES 33:11

Ekem Jehovah ada mme etubom udim-ekɔŋ edidem Assyria edi etiene mmɔ, ndien mmɔ emum Manasseh ke uwem, enyuŋ ekɔbi enye ufat-ubɔk ndien eda enye enyɔŋ ke Babylon.

2 NDIDEM 24:15

Ntre ke enye ada Jehoiachin ɔnyɔŋ ke Babylon, ye eka edidem, ye iban edidem, ye ndidaha esie, ye ikpɔ owo isɔŋ, ke enye ataŋ ke Jerusalem, ɔnyɔŋ ke Babylon.

2 NDIDEM 24:10

Ke ini oro ikɔt Nebuchadnezzar edidem Babylon edɔk edi ke Jerusalem edikan obio ekuk.