ISAIAH 34:3 - Edisana ñwed Abasi Ibom

³ Ndien eyemen mmɔ eke ekpaŋade afai, eduɔŋɔ, ndien utebe mme okpo mmɔ eyedɔk, iyip mmɔ eyenyuŋ anam ikpɔ obot etara.

ISAIAH 34:3 Referans Kwoze

JOEL 2:20

Ndien nyesio idut edem edere mfep ŋkpɔŋ mbufo anyan usuŋ, nnyuŋ mbin enye nsin ke edisat ye ikpikpu isɔŋ, iso esie eyese inyaŋ edem usiaha-utin, edem esie eyenyuŋ ese inyaŋ edem usop-utin, ndien utebe esie eyedɔk, uŋwak esie eyenyuŋ ɔdɔk, koro enye anamde ikpɔ ŋkpɔ.

EZEKIEL 39:4

Afo eyeduɔ ke ikpɔ obot Israel, kpa afo ye ofuri udim fo, ye mbon emi edude ye afo: nyeda fi nnɔ inuen kpukpru oruk mba, ye unam ikɔt, eta.

ISAIAH 34:7

Mme editim eyesuhɔre ye mmɔ ŋko, ye mme abak enaŋ ye nyara enaŋ; ndien isɔŋ mmɔ eyeŋwɔŋ iyip ɔyuhɔ, ikpɔŋ unam eyenyuŋ anam ntan-isɔŋ mmɔ esehe.

ERIYARARE 14:20

Ndien edigi mmɔ ke obube udigi-wine ke edem obio; iyip onyuŋ ɔwɔrɔ ke obube udigi-wine ɔdɔk okosim ke ukpaha-inua enaŋ-mbakara, onyuŋ ɔfiɔrɔ osim thousand furlong kiet ye ikie itiokiet.

AMOS 4:10

Ŋkɔdɔŋ idiɔk udɔŋɔ etiene mbufo, kpa nte ŋkanamde ke Egypt: ŋwot mkparawa mbufo ke ofut, nnyuŋ ntaŋ mme horse mbufo mfep; nnyuŋ nnam utebe nna-ekɔŋ mbufo ɔdɔk oduk mbufo ke ibuo: edi mbufo ifiakke edem itiene mi; uyo Jehovah edi emi.

EZEKIEL 39:11

Ndien ama ekem ke mme usen oro nyeda ebiet ubuk owo do ke Israel nnɔ Gog, kpa ebedeŋ mmɔ eke esaŋade ebe ke edem inyaŋ emi utin asiahade: enye onyuŋ akpan mmɔ eke esaŋade ebe: ndien do ke mmɔ edibuk Gog ye ofuri otu owo esie; enyuŋ esio enye enyiŋ, Hamon-gog.

EZEKIEL 38:22

Ndien nyeda idiɔk udɔŋɔ ye iyip ŋkpe ikpe ye enye; nnyuŋ nnam akwa edim, ye edim itiat, ye ikaŋ, ye brimstone, edep enye ke idem, ye ke idem mme udim esie, ye ke idem ediwak mme idut emi edude ye enye.

EZEKIEL 35:6

Mmɔdo Ɔbɔŋ Jehovah ɔdɔhɔde ete, Ma uwem mi, ŋkɔm nyetim fi nnim nnɔ iyip, ndien iyip eyebine fi: ŋkɔm afo asua iyip, ndien iyip eyebine fi.

EZEKIEL 14:19

Mmennyuŋ ndɔŋ idiɔk udɔŋɔ utom ke isɔŋ oro; nnyuŋ nda iyip ŋŋwaŋa enye ifuresit mi ke esit, man nsibe owo ye unam mfep ke esit:

JEREMIAH 22:19

Eyebuk enye nte ebukde ass, eke edudide enyuŋ eduɔkde ko ekpɔŋ enyin-usuŋ Jerusalem.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 66:24

Ndien mmɔ eyewɔŋɔ, ekese okpo mmɔ emi ekesɔŋde ibuot ye ami: koro ndɔŋ mmɔ midikpaha, ikaŋ mmɔ midinyuŋ inimeke; ndien mmɔ eyedoro kpukpru obukidem ndidien.

JEREMIAH 25:33

Ndien mmɔ eke Jehovah ediwotde ke usen oro eyetɔŋɔ ke utit ererimbot ena esim ke utit ererimbot: idituaha mmɔ, idinyuŋ itaŋke, idinyuŋ ibukke, mmɔ eyetie nte ifum ke iso isɔŋ.

NAHUM 3:3

mbon horse ke edɔk: ofut esem: eduat emineŋ: afai okpon; mme okpo ewak; mme okpo ekan ibat: etuak ukot ke mme okpo mmɔ eduɔŋɔ.

EZEKIEL 32:4

Ndien nyekpɔŋ fi ke isɔŋ, nyeduɔk fi ke isɔŋ, nnyuŋ nnam kpukpru mme inuen enyɔŋ esɔrɔ fi ke idem, nnyuŋ nda fi nyuhɔ mme unam ofuri ererimbot.