ISAIAH 34:2 - Edisana ñwed Abasi Ibom

² Koro Jehovah ayatde esit ye kpukpru mme idut, onyuŋ ofutde esit ye kpukpru mme udim ekɔŋ mmɔ: enye omonim mmɔ ɔnɔ nsobo; ɔnɔ mmɔ, ete eda ekewot.

ISAIAH 34:2 Referans Kwoze

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

ZECHARIAH 14:3

Ndien Jehovah eyewɔrɔ aka ekeŋwana ekɔŋ ye mme idut oro, kpa nte ke usen oro enye aŋwanade, ke usen ekɔŋ.

ISAIAH 30:25

Ndien ke kpukpru ikpɔ obot, ye ke kpukpru edikoŋ obot, ke akpa ye idim mmɔŋ edidu ke usen akwa obom, ke mme tower eduɔŋɔde.

ISAIAH 13:5

Ke eto ke anyan idut, ke utit enyɔŋ edi, Jehovah ye ŋkpɔ ikpahesit esiemɔ, ete isobo ofuri isɔŋ.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 20:9

Ndien mmɔ esuana eyɔhɔ ke ofuri iso isɔŋ, enyuŋ ekanare nna nti ikɔt Abasi ye obio emi Abasi amade ekuk: edi ikaŋ oto ke enyɔŋ ɔsuhɔre edita mmɔ.

ŊWED MBON ROME 1:18

Koro iyaresit Abasi oto eke heaven ayarade adian kpukpuru unana uteŋe Abasi ye ukwaŋido owo, emi edade ukwaŋido ebiɔŋɔ akpanikɔ;

ISAIAH 10:5

Ifɔnke fɔn inɔ Asshur, eto iyaresit mi, ndien esaŋ ke ubɔk mmɔ edi eke ifuresit mi.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 26:20

Ikɔt mi, mbufo eka ekeduk ke mme ubet mbufo, enyuŋ eberi itim mbufo ebaha idem mbufo: edibe ini esisit ntem, tutu ikpahesit ebe.

ISAIAH 61:2

ŋkwɔrɔ isua mfɔnido Jehovah, ye usen usiene Abasi nnyin; ndɔŋ kpukpru mme atua-eyet esit;

ISAIAH 63:6

Ndien nyedigi mme idut ke iyaresit mi, nnyuŋ nnam mmɔ eŋwɔŋ eyuhɔ ke ifuresit mi, nnyuŋ nnam enyam mmɔ ɔsuhɔre ke isɔŋ.

ISAIAH 65:12

mmen mbufo nnim nnɔ ofut, kpukpru mbufo eyenyuŋ enuhɔ enɔ afai: koro ami ŋkotde, edi mbufo iyereke; ndɔhɔ, edi mbufo ikopke; mbufo enyuŋ enam se idiɔkde mi ke enyin, enyuŋ emek se mme-mmaŋa.

ISAIAH 66:14

Ndien mbufo eyekut, ndien esit mbufo eyedara, mme ɔkpɔ mbufo eyenyuŋ efiari nte mbiet: ndien ikɔt Jehovah eyediɔŋɔ ubɔk esie, ndien enye eyefut esit ye mme asua esie.

JEREMIAH 25:32

Ntem ke Jehovah mme udim ɔdɔhɔ ete, Sese, idiɔk-ŋkpɔ oto ke idut kiet osim idut eken, akwa oyobio eyenyuŋ edemere ke ŋkaŋ ererimbot.

JEREMIAH 25:33

Ndien mmɔ eke Jehovah ediwotde ke usen oro eyetɔŋɔ ke utit ererimbot ena esim ke utit ererimbot: idituaha mmɔ, idinyuŋ itaŋke, idinyuŋ ibukke, mmɔ eyetie nte ifum ke iso isɔŋ.

EXODUS 8:14

Ndien etaŋ mmɔ ekubi otu; ndien isɔŋ etebe.

JOSHUA 11:20

Koro okotode Jehovah, maan enye ɔsɔŋ mmɔ esit ndiŋwana ekɔŋ ye Israel, man enye osobo mmɔ, kpa nte Jehovah eketemede Moses.

ŊWED MME PSALM 2:5

Ndien enye ɔdɔhɔ ye mmɔ ke iyaresit esie, onyuŋ ada ikaŋ ifuresit esie esin mmɔ ndik.

ISAIAH 66:16

Koro Jehovah adade ikaŋ ye ofut esie ɔtɔhɔ ye ofuri obukidem: ndien mmɔ eke Jehovah owotde ewak.

JEREMIAH 25:31

Uyom eyewɔrɔ okosim ke utit ererimbot: koro Jehovah enyenede utɔk ye mme idut, eyekpe ikpe ye ofuri obukidem; eyeda mme idiɔk owo ɔnɔ ofut. Jehovah ɔdɔhɔ.

EZEKIEL 36:5

Mmɔdo ntem ke Ɔbɔŋ Jehovah ɔdɔhɔ, ete, Nditreke ndida ikaŋ ufup mi ndɔhɔ ikɔ mbaŋa mme idut emi esuhɔde, nnyuŋ mbaŋa ofuri Edom, emi ekenimde isɔŋ mi enɔ idem mmɔ, ete ida enye inyene, ofuri esit adat mmɔ, ukpɔŋ mmɔ onyuŋ ese ke ndek, man mben isɔŋ esie edi ŋkpɔ mbume.