ISAIAH 34:1 - Edisana ñwed Abasi Ibom

¹ MBUFO mme idut edi edikop; mbufo mme obio enyuŋ ekpaŋ utɔŋ: yak ererimbot ye se iyɔhɔde ke esit ekop; ye isɔŋ ye se itibede ke esit.

ISAIAH 34:1 Referans Kwoze

1 ŊWED CORINTH 10:26

koro isɔŋ ye se iyɔhɔde ke esit enyene Ɔbɔŋ.

ISAIAH 43:9

Kpukpru mme idut emebono ɔtɔ kiet, mme obio emenyuŋ esop idem: anie ke otu mmɔ editiŋ emi, onyuŋ anam nnyin ikop mbemiso ŋkpɔ? Yak mmɔ enɔ ntiense mmɔ, enyuŋ ekaŋ idem mmɔ: ndien yak mmɔ ekop, enyuŋ edɔhɔ, ete, Akpanikɔ.

ISAIAH 41:1

O ISUO, mbufo edop uyo enɔ mi; ndien mme idut eyekop obufa nsɔŋidem: mmɔ eyesaŋa ekpere, ndien eyedɔhɔ ikɔ: nnyin iyedi ikpe ɔtɔ kiet.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

JEREMIAH 22:29

O isɔŋ! isɔŋ! isɔŋ! kop uyo Jehovah.

ISAIAH 33:13

Mbufo ko ekop se nnamde; mbufo mi enyuŋ ediɔŋɔ odudu mi.

DEUTERONOMY 32:1

MBUFO mme enyɔŋ ekpaŋ utɔŋ, ndien nyedɔhɔ; O isɔŋ, nyuŋ kop ikɔ inua mi.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ISAIAH 18:3

Mbufo kpukpru emi eduŋde ke ekondo, enyuŋ etiede ke isɔŋ, ke ini edimenerede banner ke enyɔŋ ikpɔ obot, mbufo ekut; ndien ke ini efuride ukorowo, mbufo ekop.

ŊWED MME PSALM 96:10

Mbufo edɔhɔ ke otu mme idut, ete, ke Jehovah edi edidem: ererimbot onyuŋ ɔsɔŋ ada, idisehekede: enye eyekpe mme idut nte enende.

ŊWED MME PSALM 50:1

ABASI ibom, kpa Jehovah, ɔdɔhɔ, onyuŋ okot ererimbot ɔtɔŋɔde ke edem usiaha-utin tutu osim ke edem emi enye osopde.

ŊWED MME PSALM 24:1

ISƆŊ ye se iyɔhɔde ke esit enyene Jehovah, ererimbot, ye mme andiduŋ enye.

JUDGES 5:31

O Jehovah, nam kpukpru mme asua fo etak ntem! Edi mmɔ eke emade enye ebiet nte utin asiahade ke odudu esie. Ndien isɔŋ ana suŋ ke ofuri isua aba.

JUDGES 5:3

Ndidem mbufo ekop! Mbɔŋ, mbufo ekpaŋ utɔŋ! Ami, kpa ami, nyekwɔ nnɔ Jehovah; nyekwɔ ikwɔ nnɔ Jehovah Abasi Israel.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

EZEKIEL 38:17

Ntem ke Ɔbɔŋ Jehovah ɔdɔhɔ, ete, Nte afo edi enye emi ŋkɔdɔhɔde ke ini eset, ke ubɔk ikɔt mi mme prophet Israel emi eketiŋde prophecy ke ini oro, ofuri isua, ete ke ndida fi ntiene mmɔ?

OBADIAH 1:1

NKUKUT OBADIAH. Ntem ke Ɔbɔŋ Jehovah ɔdɔhɔ abaŋa Edom; ete, Nnyin imekop etop emi otode Jehovah; emenyuŋ edɔŋ mme isuŋ utom ke otu mme idut, ete, Mbufo edaha ke enyɔŋ, nnyin idaha ke enyɔŋ ika ekɔŋ ye enye.

ISAIAH 63:1

ANIE edi emi otode ke Edom edi? Esine ediyibe ɔfɔŋ-idem oto ke Bozrah? Enye emi esinede ɔfɔŋ-idem ubɔŋ, ke asaŋa ke uwak odudu esie? Edi ami, emi ndɔhɔde nte enende, nsɔŋɔ ke erinyaŋa.

JEREMIAH 49:7

Eke Edom. Ntem ke Jehovah mme udim ɔdɔhɔ, ete, Nte eti ibuot iduhe aba ke Teman? Nte item amatak ke otu mbon asian?