ISAIAH 33:2 - Edisana ñwed Abasi Ibom

² O Jehovah, fɔn ido ye nnyin; nnyin imebet fi: di ubɔk mmɔ ke usenubɔk, ye erinyaŋa nnyin ŋko ke ini ukut.

ISAIAH 33:2 Referans Kwoze

ISAIAH 59:16

Ndien enye okut ete ke owo baba kiet iduhe, onyuŋ eyik koro baba esine-ufɔt miduhe: ndien ubɔk esie anyaŋa ɔnɔ enye: edinen ido esiemɔ onyuŋ omum enye akama.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ŊWED MME PSALM 60:11

Di, nyaŋa nnyin sio ke ukut: koro erinyaŋa eke owo anyaŋade edi ikpikpu.

ŊWED MME PSALM 62:8

Mbufo kpukpru owo, ebuɔt idem ye enye kpukpru ini; enwaŋa esit mbufo ke iso esie: Abasi edi ebiet ubɔhɔ nnyin. [Selah.]

ŊWED MME PSALM 62:1

UKPƆŊ mi odop ɔnɔ Abasi ikpɔŋ-ikpɔŋ: erinyaŋa mi oto enye.

ŊWED MME PSALM 46:1

ABASI edi ebiet-ubɔhɔ nnyin ye odudu nnyin, Enye edi andinyaŋa eke ekperede nnyin eti-eti ke nnanenyin.

EXODUS 14:27

Ndien Moses emenere ubɔk esie ke enyɔŋ inyaŋ, ndien, ke akade ke usiere, inyaŋ afiak ɔyɔhɔ nte akam esiyɔhɔde; ndien nditɔ Egypt efeŋe ekesobo ye enye; ndien Jehovah otimere nditɔ Egypt ke ufɔt inyaŋ.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

ŊWED ESEME 3:23

Mmɔ edi mbufa kpukpru usenubɔk: akpanikɔ fo omokpon.

JEREMIAH 14:8

Idorienyin Israel, emi anyaŋade enye ke ini ukut, nsinam afo ebietde esen owo ke isɔŋ, ye nte owo isaŋ eke owukde (tent) ndidaŋ ke okoneyo?

ISAIAH 40:10

Sese, Ɔbɔŋ Jehovah eyeda odudu edi, ubɔk esie eyenyuŋ akara ɔnɔ enye: sese, utip esie odu ye enye, ŋkpɔ-eyen-utom onyuŋ odu enye ke iso.

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

ISAIAH 26:8

Nnyin ŋko imebet fi, O Jehovah, ke usuŋ mme ikpe fo; enyiŋ fo, ye se edade eti fi, edɔŋ nnyin ke ukpɔŋ.

ISAIAH 25:4

Koro afo edide ɔkpɔsɔŋ ebiet owo unana, ɔkpɔsɔŋ ebiet eyen ubuene ke nnanenyin esie, ubɔhɔ edim, ufuk eyo, koro oyobio mbon afai ebietde edim eke ɔbɔŋde ibibene.

ŊWED MME PSALM 123:2

Sese, nte enyin ifin esede ubɔk mme ete mmɔ, nte enyin ofin aŋwan esede ubɔk eka esie, kpa ntre ke enyin nnyin ese Jehovah Abasi nnyin, tutu enye ɔfɔn ido ye nnyin.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

ŊWED MME PSALM 90:15

Dat nnyin esit nte mme usen emi afo ɔtuhɔde nnyin esaŋade, ye mme isua emi nnyin ikutde idiɔk.

ŊWED MME PSALM 62:5

O ukpɔŋ mi, dop nɔ Abasi ikpɔŋ-ikpɔŋ: koro idorienyin mi otode enye.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 46:5

Abasi odu enye ke esit; enye idisehekede: Abasi eyenyeŋa enye ke ata usenubɔk.

ŊWED MME PSALM 37:39

Ndien edi Jehovah anyaŋa nti owo: enye edi odudu mmɔ ke ini ukut.

ŊWED MME PSALM 25:3

Kuyak baba owo mmɔ kiet eke ebetde fi okut but: nam mmɔ eke ebiaŋade ke ikpikpu ekut but.

ŊWED MME PSALM 143:8

Nam ŋkop ima fo ke usenubɔk: koro mbuɔtde idem mi ye afo: wut mi usuŋ eke ŋkpasaŋade; koro mmenerede ukpɔŋ mi nse fi.

ŊWED MME PSALM 27:1

JEHOVAH edi uŋwana mi, ye erinyaŋa mi; ndifehe anie?

ISAIAH 17:10

Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

ISAIAH 37:3

Ndien mmɔ edidɔhɔ enye, ete, Ntem ke Hezekiah ɔdɔhɔ, ete, Usen ukut, ye eke nduari, ye eke esuene edi emi: koro nditɔ emekpere uman ndien odudu uman iduhe.

ISAIAH 51:5

Edinen ido mi emekpere; erinyaŋa mi ɔmɔwɔrɔ, ubɔk mi eyenyuŋ ekpe ikpe mme idut; mme isuo eyebet mi, enyuŋ edori enyin ke ubɔk mi.

ŊWED MME PSALM 33:22

O Jehovah, yak ima fo odoro nnyin ke idem, kpa nte nnyin idoride fi enyin.

ISAIAH 8:17

Ndien nyebet Jehovah emi odipde ufɔk Jacob iso esie, nyenyuŋ ndori enye enyin mi.