ISAIAH 32:16 - Edisana ñwed Abasi Ibom

¹⁶ Ndien eti ikpe eyeduŋ ke wilderness, edinen ido eyenyuŋ etie ke eti iŋwaŋ.

ISAIAH 32:16 Referans Kwoze

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 42:4

Esit ididuɔhɔ enye, idem idinyuŋ ikpaha enye, tutu enye onim ikpe ke ererimbot: mme isuo eyenyuŋ ebet mme ewuhɔ esie.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

ISAIAH 28:6

onyuŋ edi spirit ikpe mmɔ eke etiede ke itie ikpe, onyuŋ edi odudu mmɔ eke ebinde ekɔŋ efep ke inua-otop.

ISAIAH 33:5

Jehovah emenere ke enyɔŋ: koro enye oduŋde ke edikoŋ ebiet: enye amada ikpe ye edinen ido ɔyɔhɔ ke Zion.

ISAIAH 42:11

Wilderness ye mme obio esie eyemenere uyo, mme nna emi Kedar oduŋde: mme andiduŋ akwa itiat eyefiori, mmɔ eyetie ke enyɔŋ ikpɔ obot esio mkpo.

ISAIAH 48:18

Afo akpakam akpaŋ utɔŋ ke mbet mi! ndien emem fo ekpebiet akpa mmɔŋ, edinen ido fo ekpebiet mbufut inyaŋ.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.