ISAIAH 30:5 - Edisana ñwed Abasi Ibom

⁵ But anam kpukpru mmɔ abaŋa idut emi mikemeke ndidoro mmɔ, mmɔ ikemeke ndiŋwam nnyuŋ ndoro mmɔ, koro edide ŋkpɔ but ye esuene ŋko.

ISAIAH 30:5 Referans Kwoze

JEREMIAH 2:36

Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

ISAIAH 30:7

Ndien eriŋwam emi Egypt aŋwamde eyewɔrɔ ikpikpu ye ukpɔk: oro esin nsiode enye emi enyiŋ, Mbon mbure, mmɔ etie suŋ.

ISAIAH 30:16

Ndien mbufo ekedɔhɔ, ete, Ih ih, koro nnyin iyeda horse ifeŋe; mmɔdo mbufo eyefeŋe: nnyin iyenyuŋ idoro ke mme ɔsɔp-ukot; mmɔdo mmɔ eke ebinede mbufo eyesɔp ukot.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

ISAIAH 36:6

Sese, afo ke eberi edem ke mbuŋɔ esaŋ nnyanyaŋa-isantim emi, kpa Egypt; emi owo ama ebere ke esit, eyeduk enye ke ubɔk, onyuŋ okim enye: ntem ke Pharaoh edidem Egypt etie ye kpukpru mmɔ eke eberede idem ye enye.