ISAIAH 3:16 - Edisana ñwed Abasi Ibom

¹⁶ Ndien Jehovah ɔdɔhɔ, ete Koro nditɔ-iban Zion etaŋde idem, enyuŋ esaŋade etop itɔŋ, enyuŋ esuande enyin use, ewetde isaŋ esaŋa, ikpat mmɔ enyuŋ esiorode uyo:

ISAIAH 3:16 Referans Kwoze

ISAIAH 4:4

Ke ini Ɔbɔŋ edidade spirit ikpe ye spirit ufɔp eyet nditɔ-iban Zion ndek ke idem efep, onyuŋ osio Jerusalem iyip ke esit efep.

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

IKWƆ SOLOMON 3:11

Mbufo nditɔ-iban Zion ewɔŋɔ ese edidem Solomon ayarade anyanya emi eka esie akayarade enye ke usen ndɔ esie, ye ke usen idaresit esie.

MME ŊKE 30:13

Emana odu: ekoŋ didie enyin mmɔ! Didie ke mmɔ etan enyin!

LUKE 23:28

Edi Jesus ɔwɔŋɔre ese mmɔ, onyuŋ ɔdɔhɔ mmɔ ete, Nditɔ-iban Jerusalem, ekutua Mi; etua idem mbufo ye nditɔ mbufo.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

ISAIAH 24:4

Ererimbot atua, akpa ekondo eyemere, akpa, ata ikpɔ mbon ererimbot eyemere.

ISAIAH 3:18

Ke usen oro Ɔbɔŋ eyesio ndaŋ uyai efep, ye ɔkɔrɔ-ekpaŋ,

ISAIAH 1:8

Ndien adiaha Zion osuk nte efe ke iŋwaŋ-vine, nte ataya ke iŋwaŋ-ikpan, nte obio eke ekukde.

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

ISAIAH 3:1

KORO, sese, Ɔbɔŋ Jehovah mme udim Ɔmɔŋ emen iberesit ye iberedem ke Jerusalem ye ke Judah efep, ofuri iberesit ke uyo, ye ofuri iberesit ke mmɔŋ,

ISAIAH 3:4

Ndien nyenim nditɔwɔŋ ke mbɔŋ mmɔ, mme abak-inua eyenyuŋ ekara mmɔ.

ISAIAH 3:17

mmɔdo Ɔbɔŋ eyenam etiŋe ibuot nditɔ-iban edi ibɔ, Jehovah eyenyuŋ ɔfuhɔre mmɔ iferi.

MME ŊKE 21:4

Ntan-enyin, ye mkponesit, ye utuen-ikaŋ mme idiɔk owo emediɔk.