ISAIAH 28:1 - Edisana ñwed Abasi Ibom

¹ IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

ISAIAH 28:1 Referans Kwoze

HOSEA 7:5

Ke usen edidem nnyin mbɔŋ esin enye ɔdɔŋɔ ke ufiop wine: enye etiene mbon nsahi anyan ubɔk esie.

ISAIAH 28:7

Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.

AMOS 6:6

eke eŋwɔŋde bowl wine, enyuŋ eyetde akpan aran ke idem: edi ikereke nditaha Joseph.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

AMOS 2:12

Ndien mbufo ekenɔ mme Nazirite wine eŋwɔŋ, enyuŋ ewuk mme prophet, ete, “Mbufo ekutiŋ prophecy.”

AMOS 2:8

Mmɔ enyuŋ enyanare ena ke edisine-ŋkpɔ ubiɔŋ ke ŋkaŋ kpukpru itie-uwa; enyuŋ eŋwɔŋ wine mbon isop ke ufɔk mme abasi mmɔ.

HOSEA 6:10

Ke ufɔk Israel, ŋkut mkpɔ mkpa-idem: use Ephraim odu do: Israel emedehe.

HOSEA 5:5

Ndien iseri Israel etiŋ abaŋa enye ke iso esie: Israel ye Ephraim ŋko eyeduɔŋɔ ke mme ukwaŋ-ŋkpɔ mmɔ; ndien Judah eyenyuŋ ɔduɔ ye mmɔ.

HOSEA 4:11

Use ye wine ye obufa wine eda (mmɔ) esit.

ISAIAH 9:9

Ndien ofuri obio, kpa Ephraim, ye mme andiduŋ Samaria, emefiɔk, emi edɔhɔde ke iseri ye mkpon-esit, ete,

ISAIAH 8:4

Koro ke eyenɔwɔŋ emi mika-ifiɔkke nte okotde, ete, Ete mi, ye eka mi! mmɔ eyemen inyene Damascus, ye mbume Samaria, ebiom ke iso edidem Assyria.

ISAIAH 5:22

Ifɔnke fɔn inɔ mmɔ eke enamde uko ke eriŋwɔŋ wine, enyuŋ edide mkpɔsɔŋ owo ke eribuak mmin:

ISAIAH 5:11

Ifɔnke fɔn inɔ mmɔ eke ebakde edaha ke usenubɔk ebine mmin: ebigi ke okoneyo, wine obubere mmɔ ibuot!

MME ŊKE 23:29

Anie okut ukut? Anie okut mfuhɔ? Anie enyene eŋwan? Ekikere anam anie? Anie ada unan ikpikpu? Enyin okim anie?

2 CHRONICLES 28:6

Ndien Pekah enyen Remaliah owot tɔsin owo itie ikie ye edip ke Judah, ke usen kiet, kpukpru mmɔ mbon-uko: koro mmɔ ekekpɔŋde Jehovah Abasi mme ete mmɔ.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

LEVITICUS 26:19

Nyenyuŋ mbuŋ iseri odudu fo; nnyuŋ nnam ikpa-enyɔŋ mbufo etie nte ukwak, ye isɔŋ mbufo nte okpoho.

HOSEA 5:9

Ephraim eyedi nditaha ke usen ufen: mmasian mme esien Israel se miditreke ndidi.

ISAIAH 9:8

Ɔbɔŋ ɔnɔ uyo esɔk Jacob, ndien enye ɔduɔ ke otu Israel.

ISAIAH 9:11

Ndien Jehovah ɔmɔŋ emenere mme asua Rezin ke enyɔŋ akan enye, onyuŋ edemere mme asua esie:

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 6:4

eke enade ke bed oduk-enin, enyuŋ enyanarede ena ke mkpana mmɔ, enyuŋ etade nditɔ-erɔŋ eke etode ke ŋkpri ufene, ye nditɔ-enaŋ eke etode ke ebiet ŋkuhɔ;

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.