ISAIAH 27:6 - Edisana ñwed Abasi Ibom

⁶ Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

ISAIAH 27:6 Referans Kwoze

ISAIAH 37:31

Ndien ubak ufɔk Judah emi ɔbɔhɔde onyuŋ ɔsuhɔde eyetɔŋɔ ntak omum oruŋ esie ke isɔŋ, onyuŋ oŋwum idem ke enyɔŋ:

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

HOSEA 2:23

Nyenyuŋ ntɔ enye ke isɔŋ nnɔ idem mi nnyuŋ ntua Lo-ruhamah mbɔm: nnyuŋ ndɔhɔ Lo-ammi, nte, Afo edi ikɔt mi; ndien enye eyedɔhɔ mi, ete, Abasi mi.

ISAIAH 60:22

Ekpri eyekabare edi tɔsin, esisit eyenyuŋ akabare edi ɔkpɔsɔŋ idut: ami Jehovah nyenam enye awara ke ekem ini esie.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

ŊWED MBON GALATIA 3:29

Edi edieke mbufo edide eke Christ, mbufo enyuŋ edi nditɔ Abraham; nte uŋwɔŋɔ edide, mbufo edi mme ada-udeme nyene.

JEREMIAH 30:19

Ndien ekɔm ye uyo mmɔ emi ebrede mbre eyewɔrɔ ke otu mmɔ: nyenyuŋ nnam mmɔ ewak, ndien mmɔ ididige esisit. Nyenyuŋ nnam ekpono mmɔ, ndien mmɔ idikprike.

ISAIAH 6:13

Edi ɔyɔhɔ ubak duop eyesuk odu enye (isɔŋ) ke esit, ndien emi eyetɔŋɔ ntak edi se editade, kpa nte terebinth, ye nte ofriyo, eke etak odude ke esit, ke ekpide mmɔ eduɔk: etak esie (oro) eyedi edisana mkpasip.

ŊWED JOB 37:12

Ndien eyut enye ekabare ke item esie: enyuŋ enam kpukpru se enye owukde ke iso ofuri isɔŋ.

ISAIAH 4:2

Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

ISAIAH 35:1

WILDERNESS ye nsat-isɔŋ eyedara; desert eyenyuŋ ebre, onyuŋ asiaha ikɔŋ nte rose.

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

EZEKIEL 36:8

Edi mbufo, ikpɔ obot Israel, eyesiaha ŋkɔk mbufo, enyuŋ eŋwum mfri mbufo enɔ ikɔt mi Israel: koro mmɔ esaŋade ekpere.

EZEKIEL 36:10

enyuŋ etɔ mbufo ke isɔŋ: nyenyuŋ nnam owo ewak ke enyɔŋ mbufo, kpa ofuri ufɔk Israel kpukpru: owo eyenyuŋ eduŋ ke mme obio; enyuŋ ediɔŋ mme ŋwure: