ISAIAH 27:12 - Edisana ñwed Abasi Ibom

¹² Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

ISAIAH 27:12 Referans Kwoze

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

ISAIAH 56:8

Ɔbɔŋ Jehovah, emi obonde nditɔ Israel eke ekebinde efep, ete, Nyesuk mbon (owo efen) nnɔ enye, ŋkɔrɔ ye nditɔ esie emi ema ekebono.

NEHEMIAH 1:9

ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.

JOHN 10:16

Mmonyuŋ nnyene mme erɔŋ eŋwen, emi mitoho ke ufɔk-erɔŋ emi; nnyene ndida mmɔ ŋko ndi, ndien mmɔ eyekop uyo Mi; ndien mmɔ eyekabare edi otu-erɔŋ kiet, Ekpeme-erɔŋ kiet eyenyuŋ odu.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

LUKE 15:4

Ewe owo ke otu mbufo edinyene erɔŋ ikie, ndien kiet osop, idikpɔŋke anaŋ ye efurenaŋ ke desert, ibine erɔŋ oro osopde, tutu okut.

AMOS 9:9

Jehovah ɔdɔhɔ. Koro, sese, ami nyewuk, nyenyuŋ nsak ufɔk Israel nsin ke otu kpukpru mme idut, kpa nte emi esakde (ŋkpɔ) ke usak-ŋkpɔ, ndien baba ŋkeŋe kiet ididuɔhɔ ke isɔŋ.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

ISAIAH 17:6

Ndien ndusuk eyesuhɔ ke esit, kpa nte ke etetde olive, olive ita mme iba ke nsom edikoŋ ŋkɔk, inaŋ mme ition ke ŋkɔk eti mfri eto; emi edi uyo Jehovah Abasi Israel.

ŊWED MME PSALM 72:8

Ndien enye eyeda ubɔŋ ɔtɔŋɔde ke inyaŋ kiet tutu osim eken, onyuŋ ɔtɔŋɔde ke akpa tutu osim ke utit isɔŋ.

ŊWED MME PSALM 68:22

Ɔbɔŋ ɔdɔhɔ ete, Nyeda (mmɔ) ke Bashan mfiak ndi: nyeda (mmɔ) ke udem inyaŋ mfiak ndi:

ISAIAH 49:5

Ndien ke emi, emi edi uyo Jehovah emi okobotde mi ke itie-eyen onim ke owo esiemɔ, man nda Jacob mfiak nsɔk enye; edi iditaŋke Israel ibon; edi ami nyennyene ukpono ke iso Jehovah, Abasi mi omonyuŋ edi odudu mi.

JEREMIAH 44:28

Ndien esisit eke ebɔhɔde ofut eyeto ke isɔŋ Egypt efiak ke isɔŋ Judah, ndien ofuri Judah eke esuhɔde, eke edide ke isɔŋ Egypt ndiduŋ do eyefiɔk ikɔ eke edidade, mme okim, mme eke mmɔ.

EZEKIEL 20:34

Nyenyuŋ nda ɔkpɔsɔŋ ita, ye edimenere ubɔk, ye ifuresit eke eŋwaŋade, nsio mbufo ke otu mme idut mfep, nnyuŋ ntaŋ mbufo ke mme obio emi mbufo esuanade ke esit, mbon.

EZEKIEL 20:41

Mbufo eyeda ufuɔŋkpɔ enem mi esit, ke ini nsiode mbufo ke otu mme idut oro mfep, nnyuŋ ntaŋ mbufo ke mme obio emi ŋkasuande mbufo ke otu mmɔ, mbon; ndien eyenim mi ke edisana ke otu mbufo ke enyin mme idut.

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

EZEKIEL 47:19

Ndien edem usuk ese usuk ɔtɔŋɔ ke Tamar aka ke mmɔŋ Meriboth-kadesh, oto aka ke akpa Egypt tutu osim ke akwa inyaŋ. Ndien emi edi adaŋa edem usuk ese usuk.

ZECHARIAH 8:7

Ntem ke Jehovah mme udim ɔdɔhɔ, ete, Sese, ami nyenyaŋa ikɔt mi ke idut edem usiaha-utin, ye ke idut usop-utin mfep; nnyuŋ nda mmɔ ndi,

JOSHUA 15:4

ndien ebe aka Azmon, ndien ediwɔrɔ ke akpa Egypt; ndien adaŋa oro etre ke mben inyaŋ. Emi edidi adaŋa mbufo ke edem usuk.

1 NDIDEM 8:65

Ndien ke ini oro Solomon ye ofuri Israel nde, kpa akwa esop, ɔtɔŋɔde ke ebiet emi edukde Hamath tutu osim ke akpa Egypt, enam usɔrɔ ke iso Jehovah Abasi nnyin, ke usen itiaba, ye usen itiaba, kpa usen duopenaŋ.