ISAIAH 27:10 - Edisana ñwed Abasi Ibom

¹⁰ Koro obio ibibene edide ndobo, iduŋ eke ewɔrɔde enyuŋ ekpɔŋde nte wilderness: do ke eyen enaŋ edita mbiet, do ke enye edinyuŋ ɔsuhɔre ana, onyuŋ ata ŋkɔk esie ama.

ISAIAH 27:10 Referans Kwoze

ISAIAH 17:2

Mmɔ emekpɔŋ mme obio Aroer, mmɔ eyedi ke eke otu ufene, ndien mmɔ esuhɔre ena, ndien baba owo kiet idinamke mmɔ ndik.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

ISAIAH 17:9

Ke usen oro mkpɔsɔŋ obio esie oro ekekpɔŋde ebak nditɔ Israel, eyebiet se ekpɔŋde ke mfuhɔ ikɔt, ye ke edikoŋ ŋkɔk: ndien enye (obio) eyebiara.

EZEKIEL 36:4

ikpo obot Israel, mbufo ekop ndien uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ye ikpɔ obot ye ŋkpri, ye mme udiɔŋ mmɔŋ, ye mme ebedeŋ, ye mme ikpikpu ndon, ye mme obio emi ekekpɔŋde, emi ekedide se mme idut emi esuhɔde ekan ekuk, ebumede enyuŋ esakde.

ŊWED ESEME 5:18

Mme fox esaŋa ke enyɔŋ obot Zion, koro enye osobode.

ŊWED ESEME 1:4

Ɔkpɔ-usuŋ Zion etuaŋa, koro baba owo kiet midige ke ederi: kpukpru inua otop esie emebiara, mme oku esie eseme, nditɔ-iban esie etie ke mfuhɔ, ŋkpɔ onyuŋ odoro enye.

ISAIAH 64:10

Ndisana obio fo emekabare edi wilderness, Zion edi wilderness, Jerusalem edi ndon.

ISAIAH 25:2

Koro afo amakabare obio onim ke ibom-bom; onim obio ibibene ke ŋwure: onim akwa ufɔk isen owo, ete okudi aba obio; ididiɔŋke enye ke nsinsi.

ISAIAH 7:25

Ndien ama edi kpukpru ikpɔ obot emi efuŋde ke udɔk, udukaha do ubak akpap ye ikɔt ŋkukim: ndien enye eyedi ebiet eke edidɔŋde enaŋ eka do, ye eke ŋkpri ufene edidigide.

ISAIAH 7:21

Ndien ama ekem ke usen oro, owo eyebɔk abak uman enaŋ kiet ye erɔŋ iba:

ISAIAH 32:19

edim itiat eyedep, ke ini akai ɔduɔde; obio eyenyu ŋ ɔsuhɔre ana ke itihere ebiet.

ISAIAH 35:1

WILDERNESS ye nsat-isɔŋ eyedara; desert eyenyuŋ ebre, onyuŋ asiaha ikɔŋ nte rose.

ISAIAH 49:21

Ndien afo eyedɔhɔ ke esit fo, ete, Anie akaman mme mmɔ emi ɔnɔ mi, ndien ami ŋkanana nditɔ, nnyuŋ ndi ada, ndi ibuot-ekɔŋ, ye owo eke etaŋde efep? Anie ɔkɔbɔk mme mmɔ emi? Sese, ami nsuk ikpɔŋ ke idem mi: mme mmɔ emi eto mmɔŋ?

JEREMIAH 25:37

Mmɔ enyuŋ esobo mme iduŋ ifure, ebaŋa ikaŋ iyaresit Jehovah.

JEREMIAH 52:27

Ndien edidem Babylon ɔtɔ mmɔ owot ke Riblah, ke isɔŋ Hamath; onyuŋ ataŋ Judah ke isɔŋ mmɔ efep.

ISAIAH 24:10

Ikpikpu obio amanuaha mbak-mbak: emekɔbi kpukpru ufɔk, owo idukke duk.