ISAIAH 26:8 - Edisana ñwed Abasi Ibom

⁸ Nnyin ŋko imebet fi, O Jehovah, ke usuŋ mme ikpe fo; enyiŋ fo, ye se edade eti fi, edɔŋ nnyin ke ukpɔŋ.

ISAIAH 26:8 Referans Kwoze

ISAIAH 33:2

O Jehovah, fɔn ido ye nnyin; nnyin imebet fi: di ubɔk mmɔ ke usenubɔk, ye erinyaŋa nnyin ŋko ke ini ukut.

ŊWED MME PSALM 65:6

Emi adade nsɔŋ-idem esie ɔsɔŋ owuk ikpɔ obot; ke ɔbɔbɔ odudu:

EXODUS 3:15

Ndien Abasi ɔtɔŋɔ ntak ɔdɔhɔ Moses ete, Ntem ke afo edidɔhɔ nditɔ Israel, ete, Jehovah Abasi mme ete mbufo, Abasi Abraham, ye Abasi Isaac, ye Abasi Jacob, ɔdɔŋ mi utom ke ɔtɔ mbufo; emi edi enyiŋ mi ke nsinsi, emi onyuŋ edi se edade eti mi ke kpukpu emana.

2 ŊWED THESSALONICA 3:5

Ɔbɔŋ akpakam onyuŋ ɔwɔŋɔre mbufo esit esin ke ima Abasi ye ime Christ.

ŊWED MBON ROME 8:25

Edi edieke nnyin idoride enyin ibaŋa se nnyin mikwe, adaŋoro nnyin itie ke ime ibet ŋkpɔ oro.

UTOM MME APOSTLE 1:4

Ndien ke ini Enye osobode ɔtɔ kiet ye mmɔ, Enye ɔnɔ mmɔ uyo ete ekukpɔŋ Jerusalem, edi etie ebet se Ete ɔkɔŋwɔŋɔde ndinɔ; emi mbufo ekokopde ke inua Mi:

ISAIAH 56:1

NTEM ke Jehovah ɔdɔhɔ ete, Mbufo enim ikpe, enyuŋ enam se inende: koro erinyaŋa mi emekpere ndidi, edinen ido mi omonyuŋ ekpere ndiyarare.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ISAIAH 12:4

Ndien mbufo eyedɔhɔ ke usen oro, ete, Mbufo ekɔm Jehovah, eseme ekot enyiŋ esie, emen se enye anamde etaŋa enɔ mme idut, eti owo ete ke enyiŋ esie okoŋ.

IKWƆ SOLOMON 5:8

Mmowuk mbufo, O nditɔ-iban Jerusalem, mbufo ema ekut ama, mi mbufo edidɔhɔ enye didie? (Edɔhɔ ete) ke ami mmɔŋ ndɔŋɔ ima.

ŊWED MME PSALM 106:3

Ɔfɔfɔn ɔnɔ mmɔ eke ekpemede se inende; (ɔfɔfɔn ɔnɔ) owo eke anamde eti ido kpukpru ini.

ŊWED MME PSALM 84:2

Okure Jehovah ɔdɔŋ mi ukpɔŋ tutu akpa mba; esit mi ye obukidem mi ekwɔ enɔ Abasi uwem.

ŊWED MME PSALM 73:25

Ami nnyene anie ke enyɔŋ?

ŊWED MME PSALM 18:23

Nnyuŋ mfɔn mma ye enye, nnyuŋ ŋkpeme idem mi mbak ndinam idiɔk ido mi.

2 SAMUEL 23:5

Koro nte ufɔk mi itiehe ntem ye Abasi? Koro enye amanam nsinsi ediomi ye ami, emi ediɔŋde ke kpukpru ŋkpɔ, enyuŋ enimde: koro nte enye idinamke ofuri erinyaŋa mi ye ima esit mi etibe?

NUMBERS 36:13

Mme mmɔ emi edi mme ewuhɔ ye mme item emi Jehovah akadade ubɔk Moses eteme nditɔ Israel, ke una-isɔŋ Moab, ke mben Jordan Jericho.

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

MALACHI 4:4

Mbufo eti mbet Moses owo mi emi ŋketemede enye ke Horeb nnɔ ofuri Israel, kpa mme ewuhɔ ye mme item.

MICAH 7:7

Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ŊWED MME PSALM 130:5

Mbebet Jehovah, ukpɔŋ mi ke ebebet; ami nnyuŋ ndori enyin ke ikɔ esie.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

ISAIAH 25:1

JEHOVAH, afo edi Abasi mi, nyekpono fi, nyetoro enyiŋ fo; koro afo anamde mme utibe ŋkpɔ; kpa uduak eyo oko, ata akpan akpanikɔ.

ISAIAH 26:13

O Jehovah Abasi nnyin, mbɔŋ efen ema etiene fi enyene nnyin: edi nnyin iyetoro fi, kpa enyiŋ fo ikpɔŋ-ikpɔŋ.

ISAIAH 49:23

Ndien ndidem eyedi mme andikɔ fi, iban mmɔ eyenyuŋ enɔ fi eba: mmɔ eyetuk iso ke isɔŋ enɔ fi, enyuŋ edei ɔkɔp ukot fo; ndien afo eyefiɔk ete ke ami ndi Jehovah, emi but midinamke mmɔ eke eberede idem ye ami.

ISAIAH 51:4

Ikɔt mi, mbufo ekpaŋ utɔŋ enɔ mi; mbio-obio mi, mbufo enyuŋ ekop uyo mi: koro ewuhɔ eyeto mi ɔwɔrɔ, nyenyuŋ ŋwuk ikpe mi nnim ke uŋwana mme idut.

MICAH 4:5

Koro kpukpru mme idut eyesaŋa ke enyiŋ abasi mmɔ; nnyiŋ iyenyuŋ isaŋa ke enyiŋ Jehovah Abasi nnyin ke nsinsi-nsinsi.

ŊWED MME PSALM 42:2

Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?