ISAIAH 26:5 - Edisana ñwed Abasi Ibom

⁵ koro enye ɔmɔsuhɔre mmɔ emi eduŋde ke edikoŋ ebiet, kpa edikoŋ obio: enye eyeduɔk enye; eyeduɔk enye ke isɔŋ; eyenam enye ana ke ntan.

ISAIAH 26:5 Referans Kwoze

ERIYARARE 18:2

Ndien enye ofiori ke ɔkpɔsɔŋ uyo ete, Akwa Babylon ɔmɔduɔ, ɔmɔduɔ, omonyuŋ akabare edi iduŋ mme demon, ye itie udibe kpukpru spirit ndek, ye itie-udibe kpukpru ndidehe inuen eke owo esuade:

JEREMIAH 51:37

Ndien Babylon eyekabare edi ibombom ibombom, ye iduŋ mme dragon, ye ŋkpɔ mkpa-idem, ye ŋkpɔ nsi, eke baba owo kiet eke oduŋde miduhe.

JEREMIAH 51:64

Nyuŋ dɔhɔ, ete, Babylon eyedeŋ ntem, idinyuŋ itoho ke idiɔk ŋkpɔ emi ami ndade ntiene enye; ndien mmɔ eyekpa mba. Mme ikɔ Jeremiah esim ebiet emi.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 47:1

SUHƆRE, nyuŋ tie ke ntan, adiaha Babylon eyenɔwɔŋ, tie ke isɔŋ; ebekpo iduhe, adiaha mme Chaldean: koro mmɔ midikotke aba fi, ite, Mmem-mmem, ye edinem.

ISAIAH 32:19

edim itiat eyedep, ke ini akai ɔduɔde; obio eyenyu ŋ ɔsuhɔre ana ke itihere ebiet.

ISAIAH 14:13

Ndien afo ɔkɔdɔhɔ ke esit fo, ete, “Nyedɔk ke enyɔŋ, nyemenere ebekpo mi nnim ke enyɔŋ ŋkan ntantafiɔŋ Abasi: nnyuŋ ntie ke obot emi mmɔ esopde esop, ke edem edere-edere:

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ŊWED MME PSALM 79:8

Oh kuti mme idiɔk ido mbon eset unɔ nnyin: wara nam ŋkpɔ ufɔn fo osim nnyin: koro nnyin imakabare ikpri eti-eti.

ISAIAH 25:2

Koro afo amakabare obio onim ke ibom-bom; onim obio ibibene ke ŋwure: onim akwa ufɔk isen owo, ete okudi aba obio; ididiɔŋke enye ke nsinsi.

ŊWED ESEME 2:2

Ɔbɔŋ omosobo kpukpru mme iduŋ Jacob, inyuŋ ituaha owo mbɔm: enye omowuri mkpɔsɔŋ ebiet adiaha Judah ke ifuresit esie; anam mmɔ esim isɔŋ: enye asa-bare itie edidem esie ye mbɔŋ esie.

EZEKIEL 26:11

Enye eyeda ikpat mme horse esie edigi kpukpru efak fo: eyewot mbio-obio fo ke ofut, onyuŋ ɔduɔk mkpɔsɔŋ adaha fo ke isɔŋ.

ISAIAH 24:10

Ikpikpu obio amanuaha mbak-mbak: emekɔbi kpukpru ufɔk, owo idukke duk.

EZEKIEL 28:17

Uyai fo emenere fi esit ke enyɔŋ, afo amabiat ifiɔk fo abaŋa ubɔŋ fo: mmɔŋ nduɔk fi ke isɔŋ, mmɔŋ nda fi nnim ke iso ndidem, man ese fi.