ISAIAH 26:16 - Edisana ñwed Abasi Ibom

¹⁶ O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

ISAIAH 26:16 Referans Kwoze

HOSEA 5:15

Nyenyɔŋ ŋka ebiet mi tutu mmɔ eda ufen, enyuŋ eyom iso mi: ke ini ukut mmɔ, mmɔ eyebak eyom mi.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.

HOSEA 7:14

Ndien mmɔ isemeke inɔ mi ke esit mmɔ, edi ena ke bed mmɔ etuaŋa: esop idem ebaŋa ibokpot ye obufa wine, ekabare enam ikɔ ye ami.

ŊWED ESEME 2:19

Daha ke enyɔŋ tua ke okoneyo ke eritɔŋɔ efen, ŋwaŋade esit fo nte mmɔŋ ke iso Ɔbɔŋ: menere ubɔk fo nɔ enye baŋa ukpɔŋ nditɔ ɔwɔŋ fo, emi eduɔŋɔde mba ke biɔŋ ke ibuot kpukpru mme efak.

JEREMIAH 22:23

O andiduŋ Lebanon, emi enamde efɔk fo ke mme cedar, editua fi mbɔm didie ke ini ndutuhɔ ye ubiak, nte eke aŋwan uman, edisimde fi?

ISAIAH 37:3

Ndien mmɔ edidɔhɔ enye, ete, Ntem ke Hezekiah ɔdɔhɔ, ete, Usen ukut, ye eke nduari, ye eke esuene edi emi: koro nditɔ emekpere uman ndien odudu uman iduhe.

ŊWED MME PSALM 142:2

Ŋwaŋa ekikere mi ke iso esie; mbuk ukut mi ke iso esie.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

ŊWED MME PSALM 42:4

Nyeti ŋkpɔ emi, nnyuŋ ŋŋwaŋa ukpɔŋ mi ke idem mi, ke ini ndisaŋade ke akwa otu owo, ntiene mmɔ ŋka ke ufɔk Abasi, ke mkpo idara ye ekɔm, ke otu akwa udim eke enimde ederi.

1 SAMUEL 1:15

Ndien Hannah ɔbɔrɔ ete, Ih ih ɔbɔŋ mi; ami ndi ŋwan emi esit ɔdiɔkde mi: ŋŋwɔŋke wine, nnyuŋ ŋŋwɔŋke mmin, edi mmaŋwaŋa esit mi ke iso Jehovah.

NUMBERS 21:7

Ndien kpukpru owo etiene Moses, ekedɔhɔ ete, Nnyin imenam idiɔk: koro nnyin inamde ikɔ ye Jehovah ye afo; kpe Jehovah ubɔk ete enye ɔbɔ nnyin urukikɔt emi efep.

JEREMIAH 2:27

Ke edɔhɔ eto, ete, Afo edi ete mi; enyuŋ edɔhɔ itiat, ete, Afo ekaman mi: koro mmɔ emekabare ekɔt enɔ mi, ikabakede iso: ndien ke ini ukut mmɔ, mmɔ eyedɔhɔ, ete, Daha ke enyɔŋ di nyaŋa nnyin.

JUDGES 10:15

Ndien nditɔ Israel edɔhɔ Jehovah, ete, Nnyin ima inam idiɔk ido: nam nnyin ŋkpɔ ekededi eke afo amade; edi, mbɔk, kam nyaŋa nnyin mfin emi.

ŊWED MME PSALM 27:8

(Ke ini afo ɔdɔhɔde, ete) “Mbufo eyom iso mi,” esit mi ɔdɔhɔ fi ete, “Nyeyom iso fo, O Jehovah.”

ŊWED MME PSALM 77:3

Nti Abasi, ndien ntua: ntie ŋkere, ndien ukpɔŋ akpa mi. [Selah.]

ŊWED MME PSALM 78:34

Ke ini enye owotde mmɔ, mmɔ eyom enye ndien;

JEREMIAH 29:12

Ndien mbufo eyefiori ekot mi, enyuŋ eka ekekpe mi ubɔk, ndien nyekop uyo mbufo.