ISAIAH 26:15 - Edisana ñwed Abasi Ibom

¹⁵ Afo anam idut ɔtɔt, O Jehovah, anam idut ɔtɔt; ada ukpono; anam kpukpru adaŋa isɔŋ etara.

ISAIAH 26:15 Referans Kwoze

ISAIAH 9:3

Afo amanam idut ɔtɔt, amanam idaresit esie okpon: mmɔ edat esit ke iso fo, kpa nte edatde esit ke ini ukpeŋe, kpa nte ebrede ke ini mmɔ edemede mbume.

JOHN 17:1

JESUS etiŋ mme ikɔ emi; ndien emenere enyin ese enyɔŋ, onyuŋ ɔdɔhɔ ete, Ete, ini emedi; nɔ Eyen Fo ubɔŋ, man Eyen Fo ɔnɔ Fi ubɔŋ;

JOHN 15:8

Ete Mi ada ubɔŋ ke eriŋwum emi mbufo eŋwumde mfri ekese: ntem ke mbufo edidi mbet Mi.

EZEKIEL 36:24

Nyenyuŋ mmen mbufo mfep ke mme idut, nnyuŋ ntaŋ mbufo ke kpukpru mme obio; ndien nda mbufo ndi ke isɔŋ mbufo

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 30:19

Ndien ekɔm ye uyo mmɔ emi ebrede mbre eyewɔrɔ ke otu mmɔ: nyenyuŋ nnam mmɔ ewak, ndien mmɔ ididige esisit. Nyenyuŋ nnam ekpono mmɔ, ndien mmɔ idikprike.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 33:17

Enyin fo eyese edidem ke uyai esie; eyekut anyan idut.

NEHEMIAH 9:23

Afo onyuŋ anam nditɔ mmɔ ewak nte ntantafiɔŋ enyɔŋ, onyuŋ ada mmɔ oduk ke isɔŋ oro afo ɔkɔŋwɔŋɔde ɔnɔ mme ete mmɔ, ete ke mmɔ eyeduk ekeda.

DEUTERONOMY 10:22

Mme usɔ, owo ata ye duop esuhɔde ke Egypt; ndien ke emi Jehovah Abasi fo ama anam fi awak nte ntantafiɔŋ enyɔŋ.

NUMBERS 23:10

Anie abat obu Jacob, ye ibat ɔyɔhɔ Israel inaŋ? Ŋkpakam mkpa mkpa eti owo, utit mi akam onyuŋ etie nte esie!

GENESIS 12:2

ndiwutde fi: ndien nyenam fi akabare edi akamba idut, nnyuŋ ndiɔŋ fi, nnyuŋ nnam enyiŋ fo okpon; afo eyenyuŋ edi se ediɔŋde:

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

ISAIAH 10:22

Koro okposuk edi nte nditɔ fo, O Israel, ewakde nte ntan inyaŋ, esisit mmɔ ikpɔŋ edifiak: nsobo ɔmɔwuhɔ eke edinamde edinen ikpe ɔyɔhɔ nte mmɔŋ.

ISAIAH 6:12

Jehovah onyuŋ emen owo efep onim anyan ebiet, enyuŋ ekpɔŋ akamba ubak ke ufɔt isɔŋ.

2 NDIDEM 23:27

Jehovah onyuŋ ɔdɔhɔ, ete, Nyemen Judah ŋko ke iso mi mfep, kpa nte ŋkemende Israel mfep, nyenyuŋ mmen obio emi ŋkemekde, kpa Jerusalem, ye ufɔk emi ŋkɔdɔhɔde, nte ke enyiŋ mi edidu do, nduɔk.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

1 NDIDEM 8:46

Adaŋemi mmɔ ediduede fi, (koro owo baba kiet eke miduehe fi miduhe), ndien afo ama ayat esit ye mmɔ, onyuŋ ayak mmɔ ɔnɔ mme asua mmɔ, ndien mmɔ eke emumde mmɔ etaŋ mmɔ efep, enyɔŋ ke isɔŋ mme asua mmɔ, edide anyan usuŋ, onyuŋ edide mkpet-mkpet;

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

GENESIS 13:16

Nyenyuŋ nsin ubon fo edi nte ntan isɔŋ: koro ini owo ekeme ndibat ntan isɔŋ, ndien ekeme ndibat ubon fo nde.

ŊWED JOB 12:23

Enye anam obio ekpon, ndien osobo mmɔ: anam mme idut etɔt, ndien ataŋ mmɔ ɔnyɔŋ.

ISAIAH 40:5

ndien ubɔŋ Jehovah eyeyarare, kpukpru owo ɔtɔ kiet eyenyuŋ ekut enye: koro uyo Jehovah ɔdɔhɔde.