ISAIAH 26:11 - Edisana ñwed Abasi Ibom

¹¹ Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 26:11 Referans Kwoze

MME HEBREW 10:27

ye ikaŋ-ikaŋ iyaresit eke edifɔbɔde mmɔ emi eŋwanade ye Abasi.

MICAH 5:9

Afo eyemenere ubɔk fo aŋwana ye mbon-utɔk fo, ndien eyesibe kpukpru mme asua fo efep.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

UTOM MME APOSTLE 28:27

Koro esit mmɔ emi amakabare odobi, Utɔŋ onyuŋ odobi mmɔ ndikop ikɔ, Mmɔ emenyuŋ ebɔp enyin; Mbak mmɔ edida enyin mmɔ ekut usuŋ, Eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ enyuŋ ekabare, Ndien Ami ŋkɔk mmɔ.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

JEREMIAH 44:28

Ndien esisit eke ebɔhɔde ofut eyeto ke isɔŋ Egypt efiak ke isɔŋ Judah, ndien ofuri Judah eke esuhɔde, eke edide ke isɔŋ Egypt ndiduŋ do eyefiɔk ikɔ eke edidade, mme okim, mme eke mmɔ.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

ISAIAH 60:14

Ndien nditɔ mmɔ emi ekefikde fi, eyedi edinuhɔ enɔ fi; kpukpru mmɔ emi ekesinde fi ke ndek eyenyuŋ enuhɔ ke ikpat ukot fo; ndien mmɔ eyekot fi, ete, “Obio Jehovah, Zion Edisana Abasi Israel.”

ISAIAH 44:18

Mmɔ ifiɔkke, inyuŋ inimke ibuot: koro enye emesiri mmɔ enyin, man ekukut; esiri esit mmɔ, man ekudi ɔniɔŋ.

ISAIAH 44:9

Kpukpru mmɔ eke esɔide mbiet edi ikpikpu; ŋkpɔ inemesit mmɔ idinyuŋ idoroke udori; ndien ntiense mmɔ kpa idem mmɔ idikwe, idinyuŋ ifiɔkke, man but anam mmɔ.

ISAIAH 18:3

Mbufo kpukpru emi eduŋde ke ekondo, enyuŋ etiede ke isɔŋ, ke ini edimenerede banner ke enyɔŋ ikpɔ obot, mbufo ekut; ndien ke ini efuride ukorowo, mbufo ekop.

ISAIAH 11:13

Ndien ufup Ephraim eyetre, eyenyuŋ esibe mme asua Judah efep; Ephraim idifibeke Judah ufup, Judah idinyuŋ ituhɔke Ephraim.

ŊWED MME PSALM 86:17

Nam idiɔŋɔ mfɔn ye ami; ndien mme asua mi eyekut, enyuŋ ekop esuene: koro afo, Jehovah, aŋwamde mi, onyuŋ ɔdɔŋde mi esit.

ŊWED MME PSALM 21:8

Ubɔk fo eyesim kpukpru mme asua fo: ubɔk nnasia fo eyesim mbio utɔk fo.

ŊWED MME PSALM 10:12

Daha ke enyɔŋ, O Jehovah, menere ubɔk fo ke enyɔŋ, O Abasi: kufre mbon ukut.

ŊWED JOB 34:27

Oto koro mmɔ ekefiakde ekpɔŋ enye, minyuŋ ikereke usuŋ esie baba kiet;

1 SAMUEL 6:9

Ndien mbufo ese, enye ama ɔdɔk ke usuŋ adaŋa esie aka Bethshemesh, edi enye akanam nnyin akamba idiɔk-ŋkpɔ emi: midige ntre, nnyin iyefiɔk ite ke idige ubɔk esie akamia nnyin; ke edi ŋkpɔ eke okokoide okoi anam nnyin.

EXODUS 9:14

Koro isaŋ emi, ami nyenam kpukpru mme idiɔk-ŋkpɔ mi eduk fi ke esit, ye ikɔt fo, ye mbio-obio fo: man afo ɔfiɔk nte baba kiet mibietke mi ke ofuri ererimbot.

LUKE 16:23

Ndien ke Hades enye odu ke ndutuhɔ, onyuŋ emenere enyin esie okut Abraham anyan ebiet, ye Lazarus ke ikpanesit esie.

ŊWED MME PSALM 78:63

Ikaŋ ata mkparawa mmɔ; ndien mmɔ itoroke nditɔ-iban mmɔ.

ISAIAH 1:31

Ndien ŋkpɔsɔŋ owo eyekabare edi mfube, ŋkpɔ eke enye anamde eyenyuŋ edi ebua ikaŋ, ndien mmɔ mbiba eyeta ikaŋ, baba owo kiet eke onimede idinyuŋ iduhe.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

ISAIAH 10:17

Ndien uŋwana Israel eyekabare edi ikaŋ, Edisana Abasi esie eyenyuŋ edi edemikaŋ: ndien eyefɔp onyuŋ ata akpap ye ikɔt ŋkukim esie ke usen kiet;

ISAIAH 37:32

koro mmɔ eke esuhɔde eyeto ke Jerusalem, ubak eke ɔbɔhɔde eyenyuŋ oto ke obot Zion: ufup Jehovah mme udim edinam emi.

ISAIAH 42:13

Jehovah eyewɔrɔ nte owo uko, eyedemere ufup nte owo ekɔŋ: enye eyefiori, eyefiori akamba; eyesɔŋɔ idem akan mme asua esiemɔ.

ISAIAH 59:17

Ndien enye esine edinen ido ke idem nte edisine-ŋkpɔ, onyuŋ ayara ndun erinyaŋa ke ibuot: onyuŋ esine ɔfɔŋ-idem usiene ke edisine-ŋkpɔ, onyuŋ ada ufup ofuk idem nte ekura.

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

ISAIAH 66:15

Koro, sese, Jehovah eyedi ke ikaŋ, mme chariot esie eyenyuŋ edi nte oyobio ndikabare iyaresit edi ifiopesit, nnyuŋ ŋkabare nduari esie edi edemikaŋ.

ISAIAH 66:24

Ndien mmɔ eyewɔŋɔ, ekese okpo mmɔ emi ekesɔŋde ibuot ye ami: koro ndɔŋ mmɔ midikpaha, ikaŋ mmɔ midinyuŋ inimeke; ndien mmɔ eyedoro kpukpru obukidem ndidien.

MICAH 7:16

Mme idut eyekut mi, ndien but ofuri odudu mmɔ eyenam mmɔ: mmɔ eyeda ubɔk mmɔ edori ke inua, utɔŋ mmɔ eyebakare edi inan.

ŊWED MME PSALM 28:5

Koro mmɔ mikereke utom Jehovah, ye se ubɔk esie enamde, enye eyewuri mmɔ; ndien idibɔpke mmɔ.

ISAIAH 10:16

Mmɔdo Ɔbɔŋ, Ɔbɔŋ mme udim, eyenɔ ndiɔk-idem esɔk mbon ubom mmɔ; ndien eyesak ke idak ubɔŋ mmɔ nte ikaŋ asakde.

ISAIAH 66:5

Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.