ISAIAH 24:16 - Edisana ñwed Abasi Ibom

¹⁶ Nnyin itie ke utit ererimbot ikop ikwɔ, ete “Nɔ eti owo ubɔŋ.” Edi ami ndɔhɔ nte, Ɔdiɔk mi, ɔdiɔk mi, ifɔnke fɔn inɔ mi! mbon ŋwo ke ewoŋwo: mbon ŋwo ke ewo ŋwo.

ISAIAH 24:16 Referans Kwoze

ISAIAH 21:2

Ke ewut mi ɔkpɔsɔŋ ŋkukut; andibume ke obume, andibiat ke abiat. Elam, dɔk: Media, kankuk. Mmanam ofuri eseme esie odop.

JEREMIAH 5:11

Koro ufɔk Israel ye ufɔk Judah emenam abiaŋa ye ami eti-eti: uyo Jehovah edi emi.

ISAIAH 33:1

IFƆNKE fɔn inɔ fi emi obumede, ndien mibumeke fi; emi onyuŋ owode ŋwo, ndien miwoho ŋwo ye afo! ke ini afo etrede ndibume eyebume fi; ama onyuŋ owo ŋwo ama, eyewo ŋwo ye afo.

JEREMIAH 3:20

Ŋkɔm, kpa nte ŋwan abiaŋade ebe esie ɔkpɔŋ enye, kpasuk ntre ke mbufo, O ufɔk Israel, ebiaŋa mi; Jehovah ɔdɔhɔ.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.

UTOM MME APOSTLE 13:47

Koro Ɔbɔŋ eteme nnyin ntre ete, Mmonim Fi ke uŋwana mme idut, Man afo akpada erinyaŋa edi tutu osim ke utit ererimbot.

MARK 13:27

Ndien Enye eyesio mme angel ɔdɔŋ editaŋ ndimek ikɔt Esie eto ke ikpehe ofim mbinaŋ ebon ɔtɔ kiet, ɔtɔŋɔde ke ata utit isɔŋ tutu osim ata utit ikpa-enyɔŋ.

HABAKKUK 1:3

Nsinam afo owutde mi idiɔk ido, onyuŋ esede ukut? Nsobo ye afai enyuŋ edu mi ke iso; utɔk onyuŋ odu, eŋwan onyuŋ emen idem.

MICAH 5:4

Ndien enye eyeda edibɔk ke odudu Jehovah, ke ubɔŋ enyiŋ Jehovah Abasi esie; ndien mmɔ eyebigi: koro ke emi ke enye edikpon tutu osim utit ererimbot.

HOSEA 6:7

Ndien mmɔ ebiet owo, ke ebiat ediomi: do ke mmɔ ekebiaŋa mi.

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

ŊWED ESEME 1:2

Enye atua eyet eti-eti ke okoneyo, mmɔŋeyet esie onyuŋ eyere enye ke mfuk: baba owo kiet eke ɔdɔŋde enye esit iduhe ke otu kpukpru mmɔ eke emade enye: kpukpru mme ufan esie ebiaŋa enye emekabare edi mme asua esie.

JEREMIAH 12:6

Koro nditɔ-usɔ ye ufɔk usɔ, kpa mmɔ ebiaŋade fi; enyuŋ efiori ekot fi ɔkpɔsɔŋ; kunim uyo mmɔ ke akpanikɔ: koro mmɔ edɔhɔde eti ikɔ ye afo.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

ISAIAH 48:8

Afo ukokopke ŋko; unyuŋ ufiɔkke ŋko; utɔŋ fo ikonyuŋ itarake tutu ko: koro ŋkɔfiɔkde nte ke afo eyebiaŋa eti-eti; afo onyuŋ ekere anam-idiɔk toto nte akamamana.

ISAIAH 28:5

Ke usen oro Jehovah mme udim eyekebare edi diadem uyai, ye anyanya ubɔŋ ikɔt esie eke esuhɔde;

ISAIAH 26:15

Afo anam idut ɔtɔt, O Jehovah, anam idut ɔtɔt; ada ukpono; anam kpukpru adaŋa isɔŋ etara.

ISAIAH 17:4

Ndien ama ekem ke usen oro, ubɔŋ Jacob eyekabare ekpri, mfɔn-idem esie eyenyuŋ akabare edi ndiɔk-idem.

ISAIAH 10:16

Mmɔdo Ɔbɔŋ, Ɔbɔŋ mme udim, eyenɔ ndiɔk-idem esɔk mbon ubom mmɔ; ndien eyesak ke idak ubɔŋ mmɔ nte ikaŋ asakde.

ŊWED MME PSALM 106:15

Ndien enye ɔnɔ mmɔ se eyomde; edi esin mmɔ ndiɔkidem ke ukpɔŋ.

ŊWED MME PSALM 98:3

Enye emeti ima esie ye akpanikɔ esie emi enye enyenede ye ufɔk Israel: kpukpru mme utit ererimbot emekut erinyaŋa Abasi nnyin.

ŊWED MME PSALM 67:7

Abasi eyediɔŋ nnyin; ndien kpukpru mme idut ererimbot eyebak enye.

ŊWED MME PSALM 58:10

Edinen owo eyedara, koro enye okutde usiene: enye eyeyet ikpat esie ke iyip mme idiɔk owo.

ŊWED MME PSALM 2:8

Beŋe mi, ndien nyenɔ fi mme idut ke udeme fo, nyenɔ mme utit ererimbot, nte afo ada enyene.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

JEREMIAH 12:1

O JEHOVAH, afo enenen: koro nyekpe ikpe ye afo: yak ndɔhɔ ye afo mbaŋa ikpe: mme idiɔk owo enam didie ekut unen ke usuŋ mmɔ? Kpukpru mbon nsu enam didie etie ke ifure?

LEVITICUS 26:39

Ndien mme mmɔ emi edisuhɔde ke otu mbufo eyeyemere ke idiɔk ido mmɔ ke isɔŋ mme asua mbufo; ndien mmɔ eyenyuŋ eyemere ke idiɔk-ŋkpɔ mme ete mmɔ ŋko.

ŊWED MME PSALM 65:8

Ndien ndik mme idiɔŋɔ fo anam mme andiduŋ mme utit isɔŋ. Afo anam usiere ye mbubreyo ekwɔ ikwɔ.

ŊWED MME PSALM 119:158

Ŋkut mbon abiaŋa, ndien efek mi: mmɔ eke minimke ikɔ fo.

ISAIAH 11:12

Ndien enye eyemenere banner ke enyɔŋ ɔnɔ mme idut, onyuŋ obon nditɔ Israel emi ekebinde efep, ndien nditɔ Jacob emi esuanade ke enye editaŋ ke edem isɔŋ mbinaŋ.

ISAIAH 42:10

Mbufo ekwɔ obufa ikwɔ enɔ Jehovah, ye itoro esie ke utit ererimbot, mbufo emi esuhɔde ke inyaŋ, ye se iyɔhɔde ke esit, mbufo mme isuo ye mme andiduŋ mmɔ.

HABAKKUK 1:13

Afo amasana enyin akan nte okutde idiɔk, unyuŋ ukemeke ndise utuk: nsinam afo esede mbon abiaŋa, onyuŋ odopde uyo ke ini idiɔk owo osobode owo eke enende akan enye;

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.