ISAIAH 24:11 - Edisana ñwed Abasi Ibom

¹¹ Eseme wine ke aŋwa; ofuri idaresit omokure, idara ererimbot amatak.

ISAIAH 24:11 Referans Kwoze

HOSEA 7:14

Ndien mmɔ isemeke inɔ mi ke esit mmɔ, edi ena ke bed mmɔ etuaŋa: esop idem ebaŋa ibokpot ye obufa wine, ekabare enam ikɔ ye ami.

LUKE 16:25

Edi Abraham ɔdɔhɔ enye ete, Eyen mi, ti nte afo okokutde ufɔn fo ke ini uwem fo, ye nte Lazarus okonyuŋ okutde idiɔk: edi kemi enye ke okop idɔŋesit mi, edi afo ke odu ke ndutuhɔ.

JOEL 1:15

Mbɔm usen oro! koro usen Jehovah emekpere, enye eyenyuŋ edi nte nsobo eke otode Ata Ɔkpɔsɔŋ.

JEREMIAH 48:33

Enyuŋ esioŋo idara ye mbre ke eti iŋwaŋ ye ke isɔŋ Moab efep; mma nnyuŋ nnam wine etre ke ebiet udigi: owo ididigike ye mkpo: mkpo ididige mkpo.

ISAIAH 32:13

Akpap ye ŋkukim eyekɔri ke isɔŋ ikɔt mi; ye ke kpukpru ufɔk mbre ke obio idara.

ISAIAH 16:10

Emenyuŋ esio idaresit ye mbre ke eti iŋwaŋ efep; ndien mmɔ idikwɔhɔ ikwɔ, idinyuŋ ifiorike, ke mme iŋwaŋ vine: andidigi ididigike aba wine ke itie udigi: ami nnam mkpo odop.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

ISAIAH 8:22

Ndien mmɔ eyewuk enyin ese isɔŋ; ndien sese nnanenyin ye ekim, ekim ukut, eyenyuŋ ebin enye esin ke ɔkpɔsɔŋ ekim.

MME ŊKE 31:6

Da mmin nɔ owo eke oyomde ndikpa: nyuŋ da wine nɔ mmɔ eke esit ayatde mmɔ.

ŊWED MME PSALM 144:14

man enaŋ nnyin ebiom mbiomo eti-eti; baba ŋkpɔ kiet okubiara, okunyuŋ osop; baba eseme okunyuŋ odu ke aŋwa nnyin.

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

JEREMIAH 46:12

Mme idut emekop esuene fo, mfiori fo omonyuŋ ɔyɔhɔ ke isɔŋ: koro owo uko atuakde owo uko ke idem, mbiba eduɔ ɔtɔ kiet.

JOEL 1:12

Vine amasat: eto fig ŋko etie meŋe-meŋe: pomegranate, ye eyop ŋko, ye apple, kpa kpukpru eto iŋwaŋ, emesat; koro idara asatde ke otu nditɔ owo.

ISAIAH 32:10

osuk isua kiet ye udori, mbufo iban ndue-idem eyetimere: koro utet vine eyekpa, eritaŋ ididige.