ISAIAH 23:13 - Edisana ñwed Abasi Ibom

¹³ Se isɔŋ mme Chaldee; obio emi ikoduhe: Assyria ɔtɔŋɔ ndibɔp enye nnɔ mbon ikɔt; mmɔ eneŋere mme tower mmɔ ewuk: ewuri ikpɔ ufɔk esie; owo onim enye ke ŋkpɔ nditaha.

ISAIAH 23:13 Referans Kwoze

UTOM MME APOSTLE 7:4

Ndien enye ɔwɔrɔ ke isɔŋ mme Chaldean edi ediduŋ ke Haran: ndien ke ini ete esie ama akakpa, Abasi osio enye do, ada enye edi ke isɔŋ emi mbufo eduŋde ke esit ke emi:

HABAKKUK 1:6

Koro, sese, ami mmɔŋ ndemere mme Chaldean, ndot-ndot ye owowo idut oro asaŋade ke ntaŋwaŋ ebiet ererimbot, ndida ebiet iduŋ emi minyeneke enye.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

EZEKIEL 29:18

Eyen owo, Nebuchadrezzar edidem Babylon ekesin mbon-ekɔŋ esie enam akwa utom ebaŋa Tyre: kpukpru ibuot ekabare edi ibɔ, kpukpru afara enyuŋ eyaŋade: ndien enye ye mbon-ekɔŋ esie ikwe ŋkpɔ-eyen-utom ke Tyre, nte ekemde ye utom oro enye akanamde abaŋa enye:

ISAIAH 13:19

Ndien Babylon, uyai mme idut, mbana ye ŋkpɔ iseri mme Chaldee, eyebiet nsobo oro Abasi okosobode Sodom ye Gomorrah.

ISAIAH 10:7

Edi enye idikereke ntem, esit esie idinyuŋ iduakke ntem; koro odude enye ke esit ndisobo nnyuŋ nsibe ediwak mme idut mfep.

ISAIAH 10:5

Ifɔnke fɔn inɔ Asshur, eto iyaresit mi, ndien esaŋ ke ubɔk mmɔ edi eke ifuresit mi.

ŊWED MME PSALM 72:9

Mme andiduŋ ikɔt eyenuhɔ ke iso esie; ndien mme asua esie eyedei ntan.

ŊWED JOB 1:17

Ke adaŋemi enye osuk ɔdɔhɔde, owo efen oduk edidɔhɔ, ete, Mme Chaldean etim idem esin ke mbak ita, ndien ebumere etaŋ mme camel enyɔŋ, enyuŋ ewot mkparawa fo ke iso ofut: ndien suk ami ikpɔŋ-ikpɔŋ mbɔhɔ nditiŋ nnɔ fi.

2 CHRONICLES 33:11

Ekem Jehovah ada mme etubom udim-ekɔŋ edidem Assyria edi etiene mmɔ, ndien mmɔ emum Manasseh ke uwem, enyuŋ ekɔbi enye ufat-ubɔk ndien eda enye enyɔŋ ke Babylon.

2 NDIDEM 20:12

Ke ini oro Berodach-baladan, eyen Baladan, edidem Babylon, ɔnɔ ŋwed ye enɔ esɔk Hezekiah; koro enye okokopde ete ke Hezekiah ɔkɔdɔŋɔ.

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

GENESIS 11:31

Ndien Terah ada Abram eyen esie, ye Lot eyen Haran, eyen eyen esiemɔ, ye Sarai ukot esie, ŋwan Abram eyen esie; ndien mmɔ etiene mmɔ edaha ke Ur mme Chaldee, ete ika isɔŋ Canaan ndien mmɔ edisim Haran, enyuŋ eduŋ do.

GENESIS 11:28

Ndien Haran ebem Terah ete esie iso akpa ke isɔŋ emana esie, ke Ur mme Chaldee.

GENESIS 11:9

Mmɔdo enyiŋ esie ekerede Babel; koro Jehovah etimerede usem ofuri ererimbot do: Jehovah onyuŋ anam mmɔ edaha do esuana ke iso ofuri ererimbot.

GENESIS 2:14

Ndien ɔyɔhɔ akpa inaŋ edi Euphrates.

ISAIAH 13:21

Edi mme unam ikɔt eyesuhɔre ena do; ikurikut eyeyɔhɔ ke mme ufɔk mmɔ; nditɔ-iban mme ostrich eyenyuŋ eduŋ do, odusu ebot eyenyuŋ enek do.

ISAIAH 18:6

Eyekpɔŋ mmɔ ɔtɔ kiet enɔ mme inuen obot, ye mme unam ikɔt: ndien mme inuen eyesɔrɔ ke esit ke nda-eyo, kpukpru mme unam ikɔt eyenyuŋ ena ke esit ke ukwɔ.

ISAIAH 43:14

Ntem ke Jehovah, andifak mbufo, Edisana Abasi Israel, ɔdɔhɔ ete, Ŋkɔdɔŋ utom ke Babylon mbaŋa mbufo, nnyuŋ nsuhɔre mbon itɔk kpukpru mmɔ; ye mme Chaldean, mkpo mmɔ odu ke ubom mmɔ.

EZEKIEL 23:23

mmɔ edi nditɔ Babylon ye kpukpru mme Chaldean, Pekod, ye Shoa, ye Koa, kpukpru nditɔ Assyria ŋko; ndimek mkparawa eke owo amade, kpukpru mmɔ edi ikpɔ owo ye mbɔŋ, kpukpru mmɔ edi mme etubom mbon-ekɔŋ ye mme odoro horse eke enyenede etop.