ISAIAH 23:12 - Edisana ñwed Abasi Ibom

¹² Enye onyuŋ ɔdɔhɔ ete, Afo udubreke aba mbre, afo eyen-aŋwan emi etukde, adiaha Zidon: daha ke enyɔŋ, be ka ke Kittim; edi do ŋko afo ududuɔkke odudu.

ISAIAH 23:12 Referans Kwoze

ERIYARARE 18:22

Owo idikopke aba mme ebre harp ye mme ɔkwɔ-ikwɔ ye mme ofri-ifiom ye mme ofri-ukorowo, nte enamde uyom ke esit fo; idinyuŋ ikwe aba mbon-usɔ, eke enamde ubɔk-usɔ ekededi, ke esit fo;

ISAIAH 47:1

SUHƆRE, nyuŋ tie ke ntan, adiaha Babylon eyenɔwɔŋ, tie ke isɔŋ; ebekpo iduhe, adiaha mme Chaldean: koro mmɔ midikotke aba fi, ite, Mmem-mmem, ye edinem.

EZEKIEL 27:6

Eda ofriyo ke Bashan enam udeŋ fo; enam deck fo ke oduk enin esine ke box eke otode ke isuo Kittim.

ŊWED ESEME 4:15

Mmɔ efiori ekot mmɔ, ete, Mbufo edaŋa, ke edehe, edaŋa, edaŋa, ekutuk! koro mmɔ efeŋede, enyuŋ ediyo, edɔhɔ ke otu mme idut, ete, Mmɔ ididuŋke aba.

ŊWED ESEME 1:15

Ɔbɔŋ ese kpukpru mbon uko mi ke ufɔt mi ke ndek: enye okot owo esop idem ebaŋa mi, man enuak mkparawa mi. Ɔbɔŋ ama edigi udigi-wine adiaha Judah eyenɔwɔŋ.

ŊWED ESEME 1:3

Emetaŋ Judah efep ebaŋa ukut ye ɔkpɔsɔŋ ufin: enye etie ke otu mme idut ikwe nduɔk-odudu: kpukpru mmɔ eke ebinede enye emesim enye ke mbaba esie.

JEREMIAH 46:11

O adiaha Egypt eyenɔwɔŋ, dɔk ke Gilead ka da balsam: afo eyenam ibɔk awak ke ikpikpu; idige nte ekɔkde fi.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

ISAIAH 47:5

O Adiaha mme Chaldean, tie ke ndobo, nyuŋ duk ke ekim: koro mmɔ midikotke aba fi, ite, Ɔbɔŋ aŋwan ekondo.

ISAIAH 37:22

ikɔ emi ke Jehovah ɔdɔhɔ abaŋa enye ete, Adiaha Zion eyenɔwɔŋ esin fi ke ndek, onyuŋ asak fi nsahi; adiaha Jerusalem enyeŋe ibuot ke edem fo.

ISAIAH 23:7

Nte emi edi obio mbre mbufo? ukai esie edi toto ke ata eset; ukot esie eyeda enye aka okuduŋ anyan ebiet.

JOSHUA 11:8

Ndien Jehovah emen mmɔ esin Israel ke ubɔk, ndien mmɔ ewot mmɔ, enyuŋ ebine mmɔ tutu esim ke akwa Zidon, ye ke Misrephoth-maim, ye ke itihere Mizpeh ke edem usiaha-utin; enyuŋ ewot mmɔ, tutu isuhɔke baba nsuhɔ kiet inɔ mmɔ.

NUMBERS 24:24

Ndien ubom mbakara eto ke edem Kittim, edifik Asshur, enyuŋ efik Eber, ndien eyesobo enye ŋko ke nsinsi.

GENESIS 49:13

Zebulun eyeduŋ ke mben inyaŋ; enye eyenyuŋ odu ke itie ubom; adaŋa esie eyenyuŋ osim ke Zidon.

JEREMIAH 2:10

Mbufo ebe ndien, eka ke mme isuo Kittim ekese; enyuŋ edɔŋ utom ke Kedar, enyuŋ etim ekere, enyuŋ ese mme oruk ŋkpɔ ntem mmɔdo.

DANIEL 11:30

Ndien mme ubom mbakara Kittim eyedi ekɔŋ ye enye: ndien esit eyeduɔ enye, enye eyenyuŋ afiak onyuŋ akpaha esit abaŋa edisana ediomi: ntre ke enye edinam: enye eyefiak onyuŋ onim ibuot esie abaŋa mmɔ emi ekpɔŋde edisana ediomi.

GENESIS 10:4

Ndito Javan ŋko; Elisha, ye Tarshish, ye Kittim, ye Dodanim.