ISAIAH 23:11 - Edisana ñwed Abasi Ibom

¹¹ Enye ekemenere ubɔk esie ke enyɔŋ inyaŋ, enyeŋe mme idut: Jehovah ama ɔnɔ uyo abaŋa Canaan, ete ebiat mkpɔsɔŋ obio esie.

ISAIAH 23:11 Referans Kwoze

EXODUS 14:21

Ndien Moses emenere ubɔk esie ke enyɔŋ inyaŋ; ndien Jehovah anam inyaŋ asaŋa ke ofim ikɔrabak, ke ofuri okoneyo oro, onyuŋ esin inyaŋ asat, ndien mmɔŋ abahare.

JOHN 2:16

onyuŋ ɔdɔhɔ mme anyam-ibiom ete, Etaŋ ŋkpɔ emi enyɔŋɔ; ekunim ufɔk Ete Mi ke ufɔk mbubine.

MARK 11:17

Ndien Enye ekpep onyuŋ ɔdɔhɔ mmɔ ete, Nte iwetke ite, ufɔk Mi eyekere ete, ufɔk akam kpukpru mme idut? Edi mbufo emanam enye akabare edi itie mbon-ŋwo.

ZECHARIAH 14:21

Ndien kpukpru eso ke Jerusalem ye ke Judah eyedi ndisana ŋkpɔ Jehovah mme udim: ndien kpukpru mme awa-uwa eyedi edida mmɔ, enyuŋ etem ŋkpɔ ke esit. Ndien ke usen oro baba Canaanite kiet ididuhe aba ke ufɔk Jehovah mme udim.

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

NAHUM 1:14

Jehovah omowuk abaŋa fi, ete ke ididaha aba enyiŋ fo baba itɔ ke isɔŋ: nyesibe edisɔi ye editara mbiet mfep ke ufɔk mme abasi fo: nyenim udi fo; koro afo edide obukpo.

EZEKIEL 31:16

Ŋkenyeŋe mme idut ke uyom iduɔ esie, ke nnamde enye ɔsuhɔre ke udi, ye mmɔ emi esuhɔrede eduk ke obube: ndien mmɔ emi edude ke idak isɔŋ ekop ndɔŋesit, kpa kpukpru eto Eden, ata nti ye ndimek eto Lebanon, kpukpru mmɔ eke ekeŋwɔŋde mmɔŋ.

EZEKIEL 26:10

Uwak mme horse esie eyenam ntɔŋ mmɔ ofuk fi: uyom mme horse ye eke wheel ye chariot eyenyeŋe ibibene fo, ke ini enye edidukde ke inua-otop fo, kpa nte mmɔ eke edukde ke obio eke ɔbuŋɔde.

JEREMIAH 47:7

Afo edinam didie ana suŋ, ke ini Jehovah otobode enye abaŋa Ashkelon ye mben inyaŋ? Do ke enye ɔdɔŋ enye utom.

ISAIAH 25:2

Koro afo amakabare obio onim ke ibom-bom; onim obio ibibene ke ŋwure: onim akwa ufɔk isen owo, ete okudi aba obio; ididiɔŋke enye ke nsinsi.

ISAIAH 23:3

Ndien mkpasip Shihor odu akamba mmɔŋ, ukpeŋe akpa mmɔŋ oduk enye ke ubɔk; ndien enye edi ebiet urua mme idut.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 2:19

Ndien mmɔ eyeduk ke aba itiat, ye ke ndudu isɔŋ, ebaŋa ndik Jehovah, ye ubom ubɔŋ esie, ke ini enye adahade ke enyɔŋ ndidikhe isɔŋ.

ŊWED MME PSALM 71:3

Nim idem fo nɔ mi nte akwa itiat iduŋ, eke ŋkade do kpukpru ini: afo omowuk ete enyaŋa mi; koro afo edide akwa itiat mi ye ɔkpɔsɔŋ ufɔk mi.

ŊWED MME PSALM 46:6

Mme idut eyomo, mme obio esehere: enye emenere uyo esie, isɔŋ eyetara.

GENESIS 9:25

Ndien enye ɔdɔhɔ ete, Osuk ɔdiɔk ɔnɔ Canaan; enye eyedi ofin ifin nditɔ ete esie.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ISAIAH 13:13

Mmɔdo nyesin ikpa-enyɔŋ enyek, eyenyuŋ enyeŋe isɔŋ esio ke ebiet esie efep, ke iyaresit Jehovah mme udim, ye ke usen ikaŋ iyaresit esie.

ISAIAH 14:26

Emi edi uduak emi ekeduakde ebaŋa ofuri ererimbot: emi onyuŋ edi ubɔk emi enyanarede ke enyɔŋ kpukpru mme idut.

ISAIAH 19:5

Ndien mmɔŋ eyesat ke inyaŋ, akpa mmɔŋ eyenyuŋ asat okure.

ISAIAH 23:10

Saŋa ke isɔŋ fo be, nte akpa mmɔŋ, O adiaha Tarshish! ubɔp-ŋkpɔ iduhe aba.

ISAIAH 50:2

Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

EZEKIEL 26:4

Ndien mmɔ eyebiat ibibene Tyre, enyuŋ ewuri mme tower esie: ndien nyekpɔri enye ntan esie mfep, nnyuŋ nnim enye ke edisat itiat.