ISAIAH 23:1 - Edisana ñwed Abasi Ibom

¹ UYO Abasi emi abaŋa Tyre. Mbufo ubom mbakara Tarshish etuaŋa: koro enye abiarade, ufɔk iduhe, eriduk iduhe: etie ke isɔŋ Kittim eyarare emi enɔ mmɔ.

ISAIAH 23:1 Referans Kwoze

GENESIS 10:4

Ndito Javan ŋko; Elisha, ye Tarshish, ye Kittim, ye Dodanim.

JEREMIAH 47:4

kabaŋa usen eke edide ndisobo kpukpru mme Philistine, nnyuŋ nsibe kpukpru mme andiŋwam eke esukhɔde ke Tyre ye Zidon mfep: koro Jehovah mmɔŋ osobo mme Philistine, kpa nditɔ isuo Caphtor emi esuhɔde.

JEREMIAH 25:22

ye kpukpru ndidem Tyre, ye kpukpru ndidem Zidon, ye ndidem isuo emi edude ke edem inyaŋ oko:

ISAIAH 2:16

onyuŋ abaŋa kpukpru ubom mbakara Tarshish, ye kpukpru ŋkpɔ-uto eke enemde owo esit.

JEREMIAH 2:10

Mbufo ebe ndien, eka ke mme isuo Kittim ekese; enyuŋ edɔŋ utom ke Kedar, enyuŋ etim ekere, enyuŋ ese mme oruk ŋkpɔ ntem mmɔdo.

ISAIAH 23:12

Enye onyuŋ ɔdɔhɔ ete, Afo udubreke aba mbre, afo eyen-aŋwan emi etukde, adiaha Zidon: daha ke enyɔŋ, be ka ke Kittim; edi do ŋko afo ududuɔkke odudu.

1 NDIDEM 22:48

Jehoshaphat ɔkɔŋ ubom mbakara: ete eka ke Ophir ndida gold ndi: edi mmɔ ikaha ka; koro mme ubom oro ebomode ke Ezion-geber.

1 NDIDEM 10:22

Koro edidem enyenede ubom-mbakara Tarshish eke ewatde ye ubom Hiram ke akwa mmɔŋ: mme ubom Tarshish ebiom gold, ye silver, ye oduk-enin, ye ebɔk, ye peacock, edi ini kiet ke isua ita.

DANIEL 11:30

Ndien mme ubom mbakara Kittim eyedi ekɔŋ ye enye: ndien esit eyeduɔ enye, enye eyenyuŋ afiak onyuŋ akpaha esit abaŋa edisana ediomi: ntre ke enye edinam: enye eyefiak onyuŋ onim ibuot esie abaŋa mmɔ emi ekpɔŋde edisana ediomi.

EZEKIEL 26:1

EDIKEM ke ɔyɔhɔ isua duop-ekiet, ke akpa usen ɔfiɔŋ, uyo Jehovah osim mi, ete,

JEREMIAH 25:15

Koro ntem ke Jehovah Abasi Israel ɔdɔhɔ mi, ete, Bɔ mi cup wine ifuresit emi ke ubɔk, nyuŋ da enye nɔ kpukpru mme idut oro ami ŋkɔdɔŋde fi utom ke otu mmɔ, ete eŋwɔŋ.

ISAIAH 60:9

Koro mme isuo ke ebet mi, mme ubom mbakara Tarshish ebet ke mbemiso, man eda nditɔ mi ke anyan idut edi, silver mmɔ ye gold mmɔ ŋko, esɔk enyiŋ Jehovah Abasi fo, ye Edisana Abasi Israel; koro enye abanade fi.

ISAIAH 24:10

Ikpikpu obio amanuaha mbak-mbak: emekɔbi kpukpru ufɔk, owo idukke duk.

ISAIAH 15:8

Koro eseme mmɔ akanarede adaŋa Moab okuk; ntuaŋa esie omosim ke Eglaim, ntuaŋa esie omonyuŋ osim ke Beer-elim.

ŊWED MME PSALM 48:7

Afo eyeda ofum ikɔrabak obuŋ ubom Tarshish.

2 CHRONICLES 9:21

Koro ubom edidem akade Tarshish ye ikɔt Huram: mme ubom Tarshish edi ini kiet ke isua ita, ini kiet ke isua ita, ebiom gold, ye silver ye oduk-enin, ye ebɔk, ye mme peacock.

1 NDIDEM 5:1

EKEM Hiram edidem Tyre ɔdɔŋ mme isuŋ esie utom ke ɔtɔ Solomon: koro enye okokopde ete ke ema ekeyet enye aran enim ke edidem ke ibuot ete esie: koro Hiram ekedide ufan David kpukpru ini.

JOSHUA 19:29

tutu osim akwa Zidon; ndien adaŋa oro ɔwɔŋɔre aka Ramah; ye ɔkpɔsɔŋ obio Tyre; ndien adaŋa ɔwɔŋɔre aka Hosah; ndien utit esie ɔwɔrɔ ke inyaŋ ekpere edem Achzib:

NUMBERS 24:24

Ndien ubom mbakara eto ke edem Kittim, edifik Asshur, enyuŋ efik Eber, ndien eyesobo enye ŋko ke nsinsi.

LUKE 10:13

Eyedɔdiɔk ɔnɔ fi Chorazin! eyedɔdiɔk ɔnɔ fi Bethsaida! koro edieke ekpanamde ke Tyre ye sidon utom odudu emi ekanamde ke esit mbufo, mmɔ ekpakabare esit anyan ini esine ɔfɔŋ-ikpo, enyuŋ etie ke ntɔŋ.

ISAIAH 23:6

Mbufo ebe eka Tarshish; mbufo mme andiduŋ mben inyaŋ etuaŋa.

EZEKIEL 26:2

Eyen owo, koro Tyre ɔdɔhɔde abaŋa Jerusalem, ete, Aha! enyin-usuŋ mme idut ɔmɔbuŋɔ enye amakabare etiene mi: ami nyeyuhɔ, enye omosobo.

EZEKIEL 27:6

Eda ofriyo ke Bashan enam udeŋ fo; enam deck fo ke oduk enin esine ke box eke otode ke isuo Kittim.

EZEKIEL 27:30

ndien mmɔ eyeda uyo mmɔ enam ekop ebaŋa fi, enyuŋ eseme ndot-ndot, enyuŋ emen ntan eduɔk ke ibuot mmɔ, enyuŋ emiaŋa ke ntɔŋ:

JONAH 1:3

Ndien Jonah adaha ke enyɔŋ, ete ifehe ika Tarshish, ikpɔŋ iso Jehovah, ndien enye ɔsuhɔre aka Joppa, okokut ubom mbakara kiet emi oyomde ndika Tarshish; ndien enye ɔnɔ utip ubom, onyuŋ ediere ke esit, ete itiene mmɔ ika Tarshish, ikpɔŋ iso Jehovah.