ISAIAH 22:16 - Edisana ñwed Abasi Ibom

¹⁶ Afo enyene nso mi? onyuŋ enyene anie mi, eke esinde fi otibi udi ɔnɔ idem fo mi? Enye otibi udi esiemɔ ke enyɔŋ, otuŋ iduŋ ke itiat ɔnɔ idem esie.

ISAIAH 22:16 Referans Kwoze

MATTHEW 27:60

onim ke obufa udi esiemɔ, emi enye okotuŋde ke itiat; onyuŋ akpat akambia itiat eberi ke iso usuŋ udi, ɔnyɔŋ.

2 CHRONICLES 16:14

Ndien mmɔ ebuk enye ke udi esiemɔ, emi enye okotibide ɔnɔ idem esie ke obio David, enyuŋ enim enye ke bed emi kpukpru oruk ufuɔŋkpɔ abuahade ke usɔ ubuak-ufuɔŋkpɔ ɔyɔhɔde ke esit; ndien mmɔ efɔp ŋkpɔ eti-eti enɔ enye.

2 SAMUEL 18:18

Ndien Absalom ama akada adaha emi odude ke ebedeŋ edidem, onim ɔnɔ idemesie, ke eyo uwem esie: koro enye ɔkɔdɔhɔde ete, Ami nnyeneke eyen-eren eke edinamde eti enyiŋ mi: enye onyuŋ ada enyiŋ esie osio adaha oro: enye onyuŋ ekere adaha Absalom tutu osim mfin emi.

ŊWED JOB 3:14

Ye ndidem, ye mme ɔnɔ-item ererimbot, emi ekediɔŋde ŋwure enɔ idem mmɔ;

MICAH 2:10

Mbufo edaha ke enyɔŋ eka: koro midige ebiet nduɔk-odudu (mbufo) edi emi: koro enye edehede, eyesobo (mbufo), ndien nsobo oro eyediɔk eti-eti.

ISAIAH 52:5

Jehovah onyuŋ ɔdɔhɔ, ete, Nso ŋkpɔ ke nnyene mi, ndien, emi emende ikɔt mi efep ke ikpikpu? Jehovah ɔdɔhɔ, ete, Mmɔ emi ekarade mmɔ efiori, enyuŋ esuk esuene enyiŋ mi ke kpukpru ini ke ofuri usen.

ISAIAH 14:18

Kpukpru ndidem mme idut, kpukpru mmɔ, ena ke ubɔŋ, kiet kiet ke ufɔk mmɔ:

GENESIS 50:5

Pharaoh, ete, Ete mi anam mi ŋŋwɔŋɔ, ete, Sese, ami mmɔŋ ŋkpa: ke udi mi oro ŋketibide nnɔ idem mi ke isɔŋ Canaan, ke afo edibuk mi do. Mmɔdo, mbɔk, yak ndɔk ŋkɔbuk ete mi, ndien

ISAIAH 14:19

edi emesio fi ke udi fo eduɔk, nte ŋkɔk eto eke etopde eduɔk, ɔfuhɔ mme ɔduɔŋɔ obom, kpa mmɔ emi ekimde mmɔ ke ofut, emi esuhɔrede esim ke mme itiat obube; nte okpo eke edigide ke ukot.

ISAIAH 22:17

Sese, Jehovah ɔmɔŋ ɔduɔk fi ɔkpɔsɔŋ eriduɔk, onyuŋ omum fi ata erimum.