ISAIAH 22:12 - Edisana ñwed Abasi Ibom

¹² Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

ISAIAH 22:12 Referans Kwoze

JOEL 2:17

Yak mme oku, mme anam-ŋkpɔ Jehovah, etua eyet ke ufɔt etehe ye itie-uwa; yak mmɔ enyuŋ edɔhɔ ŋko, ete, O Jehovah tua ikɔt fo mbɔm, kunyuŋ uda udeme fo usin ke ŋkpɔ but, man mme idut ekara mmɔ: mmɔ ekpenam didie edɔhɔ ke otu mme idut, ete, Enye Abasi mmɔ?

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

MICAH 1:16

Sin ibɔ, nyuŋ fat idet baŋa edima nditɔ fo: nam ufaŋ ibɔ fo aŋwaŋa nte ntrukpom: koro etaŋde mmɔ efep ekpɔŋ fi.

JAMES 5:1

DA mbufo mbon inyene, etuaŋa, enyuŋ esio mkpo ebaŋa nditaha eke edisimde mbufo.

AMOS 8:10

ndien nyekabare usɔrɔ mbufo nsin ke ntuaŋa, ye kpukpru ikwɔ mbufo nsin ke eseme; ndien nyeda ɔfɔŋ-ikpo nsine kpukpru owo ke isin; nnyuŋ ndori ibɔ ke kpukpru ibuot, nnyuŋ nnim enye ke ntuaŋa ikpɔŋ eyen: ndien utit esie eyedi ndot-ndot usen.

JONAH 3:6

Ndien ke adaŋemi uyo oro osimde edidem Nineveh, enye adaha ke ebekpo esie, onyuŋ osio ɔfɔŋ-idem esie ke idem efep, ndien esine ɔfɔŋ-ikpo, onyuŋ ɔsuhɔre etie ke ntɔŋ.

ISAIAH 15:2

Mmɔ edɔk ke Bayith, ye ke Dibon, ye mme edikoŋ obot, man etua eyet: Moab ke atua ke Nebo, ye ke Medeba: ibɔ odu ke kpukpru ibuot mmɔ, emekporo kpukpru ntaŋebek.

ECCLESIASTES 3:11

Enye ama anam kpukpru ŋkpɔ eye ke ini mmɔ: ama onyuŋ esin mmɔ asian ke esit, koro edieke asian miduhe, owo ikemeke ndikut ŋkpɔ emi Abasi anamde, ɔtɔŋɔde ke ibuot tutu osim utit.

ECCLESIASTES 3:4

ini eke etuade, ye ini eke esakde; ini eke esemede, ye ini eke enekde;

ŊWED JOB 1:20

Ndien Job adaha ke enyɔŋ, awai ekura esie, onyuŋ okporo ibuot esie, ndien ɔduɔ ke isɔŋ, atuak ibuot.

NEHEMIAH 9:9

ndien afo okokut ukut mme ete nnyin ke Egypt, okonyuŋ okop eseme mmɔ ke mben Ididuot Inyaŋ;

EZRA 9:3

Ndien ke ini ŋkopde ikɔ emi, ŋwai edisine-ŋkpɔ mi, ye ekura mi nnyuŋ ndibere idet ibuot mi, ye eke ntaŋebek mi, ndien nsuhɔre ntie ke mkpa-idem.

2 CHRONICLES 35:25

Jeremiah onyuŋ ewet ikwɔ-eyet abaŋa Josiah: ndien kpukpru mme ɔkwɔ-ikwɔ iren ye iban edɔhɔ ebaŋa Josiah ke ikwɔ-eyet mmɔ tutu osim mfin emi, enyuŋ enim mmɔ ke ido ke Israel: ndien, sese, ekewet mmɔ ke otu mme ikwɔ-eyet.

ISAIAH 3:24

Ndien ama ekem, uwak eyewɔrɔ ke ibuot ufuɔŋ, uruk eyenyuŋ ɔwɔrɔ ke ibuot ubɔp-isin; ye ibɔ, ke ibuot edidɔk idet; ye ukune ɔfɔŋ ikpo ke ibuot akamba ɔfɔŋidem; ye nde ikaŋ ke ibuot uyai.

ISAIAH 26:10

Ɔkpɔfɔn ido ye idiɔk owo, enye idikpepke se inende; enye eyenam ukwaŋ-ŋkpɔ ke isɔŋ mmɔ eke enende, idinyuŋ ikwe ubom Jehovah.

ISAIAH 29:1

MBƆM Ariel, Ariel, obio emi David okoduŋde! Mbufo ekɔt isua ke isua; eyak mme ini ederi ekanare ekuk.

ISAIAH 32:11

Mbufo iban unana ekikere enyek idem: iban ndue-idem, mbufo etimere; esioŋo ŋkpɔ ke idem, etie iferi, ebɔbɔ ŋkpɔ ke isin.

ISAIAH 58:3

“Nnyin inam didie itre udia, ndien afo mukwe? ituk ukpɔŋ nnyin, ndien afo mufiɔkke?” Sese, mbufo ekut inemesit ke usen utre-udia mbufo, enyuŋ ekpak ofuri utom mbufo.

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

JEREMIAH 7:29

O Jerusalem, fat idet fo nyuŋ duɔk; nyuŋ menere eseme ke ŋkokoŋo ebiet: koro Jehovah amasua onyuŋ ɔduɔk emana emi enye ayatde esit ye mmɔ.

JEREMIAH 16:6

Ŋkpri ye ikpɔ eyenyuŋ ekpaŋa ke isɔŋ emi: mmɔ idibuhɔke, ndien idituaha ibaŋa mmɔ, idinyuŋ ikpihi idem, inyuŋ ikporoke ibuot ibaŋa mmɔ:

JEREMIAH 16:8

Kunyuŋ uka ufɔk udia utie ye mmɔ, udia ŋkpɔ unyuŋ uŋwɔŋ:

EZEKIEL 27:31

ndien mmɔ eyenam ibɔ ebaŋa fi, enyuŋ ebɔbɔ ɔfɔŋ-ikpo ke idem, ndien mmɔ eyetua eyet ebaŋa fi ke edidoro esit, ye ke ndot-ndot eseme.

DANIEL 5:1

BELSHAZZAR edidem akanam akwa udia ɔnɔ tɔsin ikpɔ owo esie, onyuŋ ɔŋwɔŋ wine ke iso tɔsin oro.

HOSEA 9:1

O ISRAEL, kudat esit ukaha nte mme idut: koro afo ɔmɔkpɔŋ Abasi fo anam use: afo amama utip ke kpukpru ɔtɔ ubek-ibokpot.

JOEL 1:8

Tua nte eyen-aŋwan eke esinede ɔfɔŋ-ikpo atuade abaŋa ebe uyen esie.

ISAIAH 37:1

EDIKEM, adaŋemi, edidem Hezekiah okopde, enye onyuŋ awai edisine-nkpɔ esiemɔ, onyuŋ ofuk idem ke ɔfɔŋ ikpo, ndien oduk ke ufɔk Jehovah.

ISAIAH 37:2

Ndien enye ada Eliakim, eyen Hilkiah emi akarade ufɔk, ye Shebna ewet-ŋwed, ye mbiowo mme oku, emi efukde ɔfɔŋ ikpo ke idem, ɔdɔŋ mmɔ utom ke ebiet Isaiah prophet, eyen Amoz.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme: