ISAIAH 21:1 - Edisana ñwed Abasi Ibom

¹ UYO Abasi emi abaŋa wilderness inyaŋ. Kpa nte oyobio otode ke usuk, kpa ntre ke enye oto ke wilderness, ke isɔŋ ndik, edi.

ISAIAH 21:1 Referans Kwoze

ISAIAH 14:23

Uyo Jehovah edi emi. Nyenyuŋ nnim enye ke se ebiɔŋ adade enyene, ye ke mkpɔdiɔhɔ-mmɔŋ: nnyuŋ nda ifiet nsobo ŋkpɔri enye mfep. Uyo Jehovah mme udim edi emi.

JEREMIAH 51:42

Inyaŋ ibom ɔmɔdɔk osim Babylon: akwa odut esie ofuk enye.

ISAIAH 13:1

UYO Abasi emi ke Isaiah eyen Amoz okokut abaŋa Babylon.

ZECHARIAH 9:14

Ndien eyekut Jehovah ke enyɔŋ mmɔ, ndien idaŋ esie eyewɔrɔ nte obuma: ndien ɔbɔŋ Jehovah eyefuri ukorowo, onyuŋ asaŋa ke oyobio Teman.

ISAIAH 17:1

UYO Abasi emi abaŋa Damascus. Sese, Damascus amakabare, idige aba obio, edi ibombom ŋwure.

DANIEL 11:40

Ama ekem ke utit ini, edidem usuk eyenuk enye: edidem edere eyenyuŋ ada chariot, ye mbon horse, ye ubom mbakara ediwak, obumere anam enye nte oyobio; ndien enye eyeduk ke mme idut oro, onyuŋ ofuk mmɔ, onyuŋ asaŋa ebe.

EZEKIEL 31:12

Ndien isen owo, kpa mme idut emi enyenede ndik, emekpi enye, emenyuŋ ekpɔŋ enye: ŋkɔk esie emeduɔŋɔ ke ikpɔ obot, ye ke kpukpru itihere, ikɔŋ esie enyuŋ ebuŋɔ ke mben kpukpru idim idut emi, ndien kpukpru mme idut ererimbot emeto ke mfut esie esuhɔre, enyuŋ ekpɔŋ enye.

EZEKIEL 30:11

Eyeda enye ye ikɔt esie ŋko, kpa mme idut emi enyenede ndik, edi ndisobo idut oro. Mmɔ eyesioŋo ofut mmɔ eda enam Egypt enyuŋ eda mmɔ emi eduɔŋɔde afai eyɔhɔ ke idut oro.

ŊWED JOB 37:9

Oyobio oto ke usuk-usuk; tuep onyuŋ oto ke edem edere.

ISAIAH 5:28

emi idaŋ mmɔ esɔpde, kpukpru utiga mmɔ enyuŋ enuhɔ, ebat mbara ukot mme horse mmɔ ke afransi, mme wheel mmɔ enyuŋ ebiet oyobio:

EZEKIEL 1:4

Ndien ŋkut, ndien, sese, ofum idio oto ke edem edere edi, akamba obubit enyɔŋ ye ikaŋ eke emineŋde, uyama onyuŋ akan enye okuk, ufɔt-ufɔt esie onyuŋ ebiet enyin edisem okpoho, ke ufɔt ikaŋ oro.

EZEKIEL 38:9

Ndien afo eyedɔk nte oyobio, eyedi nte obubit enyɔŋ, eyedi se ifukde isɔŋ, afo ye kpukpru mme udim fo, ye ediwak owo ŋko.

ISAIAH 13:13

Mmɔdo nyesin ikpa-enyɔŋ enyek, eyenyuŋ enyeŋe isɔŋ esio ke ebiet esie efep, ke iyaresit Jehovah mme udim, ye ke usen ikaŋ iyaresit esie.

ISAIAH 14:1

KORO Jehovah eyedɔŋ Jacob esit, onyuŋ ɔtɔŋɔ ntak emek Israel, onyuŋ onim mmɔ ke isɔŋ mmɔ: ndien isen owo eyedian idem ye mmɔ, enyuŋ esop idem mmɔ ye ufɔk Jacob.

ISAIAH 14:14

nyedɔk ŋkan ŋkokoŋo mbubit enyɔŋ; nyenim idem mi nte Ata Edikoŋ.”

ISAIAH 47:1

SUHƆRE, nyuŋ tie ke ntan, adiaha Babylon eyenɔwɔŋ, tie ke isɔŋ; ebekpo iduhe, adiaha mme Chaldean: koro mmɔ midikotke aba fi, ite, Mmem-mmem, ye edinem.

JEREMIAH 51:1

NTEM ke Jehovah ɔdɔhɔ, ete, Sese, ami mmɔŋ ndemere ofum nsobo nnam Babylon ye mme andiduŋ ke otu mmɔ emi enamde ikɔ ye ami;

JEREMIAH 51:51

But akanam nnyin, koro nnyin ikokopde esuene: but okofuk nnyin iso: koro isen owo ekedukde ke edisana ebiet ufɔk Jehovah.