ISAIAH 20:5 - Edisana ñwed Abasi Ibom

⁵ Ndien ndik ye but eyenam mmɔ ebaŋa Ethiopia iberedem mmɔ, ye Egypt ubɔŋ mmɔ.

ISAIAH 20:5 Referans Kwoze

ISAIAH 30:5

But anam kpukpru mmɔ abaŋa idut emi mikemeke ndidoro mmɔ, mmɔ ikemeke ndiŋwam nnyuŋ ndoro mmɔ, koro edide ŋkpɔ but ye esuene ŋko.

ISAIAH 30:3

Ndien odudu Pharaoh eyekabare edi ŋkpɔ but mbufo, mbuɔtidem ke mfut Egypt eyenyuŋ akabare edi esuene.

1 ŊWED CORINTH 3:21

Ntre ke owo okubure mbure ke owo; koro kpukpru ŋkpɔ enyenede mbufo;

JEREMIAH 17:5

Ntem ke Jehovah ɔdɔhɔ, ete, Osuk ɔdɔdiɔk ɔnɔ owo eke edibuɔtde idem ye owo, onyuŋ onimde obukidem ke ubɔk esie, esit esie onyuŋ ɔwɔŋɔrede ɔkpɔŋ Jehovah.

2 NDIDEM 18:21

Sese, afo ke ɔbuɔt idemfo ke esaŋ nnyanyaŋa emi anuahade, kpa Egypt, emi owo ekpeberi idemesie ke esit, eyeduk enye ke ubɔk okim: ntem ke Pharaoh edidem Egypt etie kpukpru mmɔ eke ebuɔtde idem mmɔ ye enye.

ISAIAH 36:6

Sese, afo ke eberi edem ke mbuŋɔ esaŋ nnyanyaŋa-isantim emi, kpa Egypt; emi owo ama ebere ke esit, eyeduk enye ke ubɔk, onyuŋ okim enye: ntem ke Pharaoh edidem Egypt etie ye kpukpru mmɔ eke eberede idem ye enye.

ISAIAH 30:7

Ndien eriŋwam emi Egypt aŋwamde eyewɔrɔ ikpikpu ye ukpɔk: oro esin nsiode enye emi enyiŋ, Mbon mbure, mmɔ etie suŋ.

ISAIAH 2:22

Mbufo ekubuɔt aba idem ye owo, emi ibifik esie odude enye ke ibuo: koro ebat enye ke nso?

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 36:9

Afo edinam didie, ndien, ekeme ndisin etubom kiet ke otu ŋkpri ikɔt ete mi akabare iso? Afo ebere idem fo ndien ye Egypt ke ikɔ chariot ye horse!

ISAIAH 37:9

Ekem, enye okop ebaŋa Tirhakah edidem Ethiopia, ete, Enye ɔmɔwɔrɔ edi ekɔŋ ye afo. Ndien ke adaŋemi enye okopde, enye ɔdɔŋ mme isuŋutom ke ɔtɔ Hezekiah, ete,

JEREMIAH 46:25

Jehovah mme udim Abasi Israel ɔdɔhɔ, ete, Sese, ami mmɔŋ nda ufen ntiene Amon emi otode ke No, ye Pharaoh ye Egypt ye mme abasi mmɔ, ye ndidem mmɔ; kpa Pharaoh ye mmɔ eke ebuɔtde idem mmɔ ye enye.

EZEKIEL 29:16

Ndien mmɔ ididige aba iberedem ufɔk Israel, ke enam mmɔ eti idiɔk ido mmɔ, koro mmɔ ekabarede ebine mmɔ: ndien mmɔ eyefiɔk ete ke ami ndi Ɔbɔŋ Jehovah.

NAHUM 3:9

Ethiopia ye Egypt edi odudu esie, ndien enye anana ibat; Put ye mme Lubim eŋwam fi.

ZEPHANIAH 2:12

Mbufo ŋko nditɔ Ethiopia edi se ofut mi ediwotde.