ISAIAH 20:4 - Edisana ñwed Abasi Ibom

⁴ kpasuk ntre ke edidem Assyria edida mbuot ekɔŋ ke Egypt, ye mbon ntaŋ-mfep ke Ethiopia, nditɔwɔŋ ye ŋkani iren, ɔnyɔŋ iferi ye ukot ikpikpu, ifuhi onyuŋ ɔfuhɔre mmɔ anam Egypt ŋkpɔ but.

ISAIAH 20:4 Referans Kwoze

ISAIAH 19:4

Ndien nyeda Egypt nsin ke ubɔk ɔsɔŋ-ido ete; ɔsɔŋ-ubɔk edidem eyenyuŋ akan mmɔ; emi edi uyo Ɔbɔŋ Jehovah mme udim.

JEREMIAH 13:26

Ndien ŋko ami nyesio fi ɔfɔŋ-idem fo ke idem, nda mfuk fi iso, ndien owo eyekut esuene fo.

JEREMIAH 13:22

Ndien emi afo ɔdɔhɔde ke esit fo, ete, “Nsinam ŋkpɔ emi etienede mi?” Uwak mme idiɔk ido fo esin efuhɔre ɔfɔŋ-idem fo, enyuŋ eyarare fi nditiŋ-ikpat.

ERIYARARE 3:18

mmɔnɔ fi item nte edep ke ubɔk Mi gold eke etemde asana ke ikaŋ, man enyene inyene; ye afia edisine-ŋkpɔ ada esine ke idem, mbak but iferi fo ediyarare; ye ibɔk enyin ada eyet enyin fo, man okut usuŋ.

MICAH 1:11

andiduŋ Shaphir, saŋa be, iferi ye but: andiduŋ Zaanan iwɔrɔke; eseme Beth-ezel ɔbɔ mbufo idaha esie.

EZEKIEL 30:18

Usen eyekim ke Tehaphnehes ŋko, ke ini mbuŋde ɔkpɔnɔ Egypt do: ndien iseri odudu esie eyetre ke esit: ama edi enye, idiɔk enyɔŋ eyefuk enye, eyenyuŋ etaŋ nditɔ-iban esie enyɔŋɔ.

JEREMIAH 46:26

Nyenyuŋ nda mmɔ nsin ke ubɔk mmɔ eke eyomde uwem mmɔ, ye ke ubɔk Nebuchadrezzar edidem Babylon, ye ke ubɔk ikɔt esie; ndien ke ini oro ebede owo eyeduŋ ke esit kpa nte ke eset: emi edi uyo Jehovah.

ISAIAH 47:3

Eyefuhɔre iferi fo, eyenyuŋ ekut but fo ŋko: nyesio usiene, ndinyuŋ nsoboke ye owo baba kiet.

ISAIAH 3:17

mmɔdo Ɔbɔŋ eyenam etiŋe ibuot nditɔ-iban edi ibɔ, Jehovah eyenyuŋ ɔfuhɔre mmɔ iferi.

2 SAMUEL 10:4

Ndien Hanun omum ikɔt David, okporo mmɔ ubak ntaŋebek, onyuŋ osibe ɔfɔŋ-idem mmɔ ibio, kpa ke mbommbom, ndien asana mmɔ ayak.

ISAIAH 47:2

Da mme itiat ukɔk, nyuŋ kɔk ndom-uyo: fuhɔre ɔfɔŋ iso fo, sio ewura, fuhɔre ukot, saŋa ke akpa mmɔŋ be.

JEREMIAH 46:19

O adiaha emi oduŋde ke Egypt, nam ŋkpɔ ntaŋ-mfep nnɔ idem fo: koro Noph eyekabare edi ŋkpɔ nsobo, eyenyuŋ abiara, ndien owo eke oduŋde ididuhe.

AMOS 9:7

Jehovah ɔdɔhɔ, ete, Nte mbatke mbufo, nditɔ Israel, nte nditɔ Ethiopia? Nte ŋkadaha Israel ke isɔŋ Egypt ndɔk? ye mme Philistine ke Caphtor? ye Syria ke Kir?

NAHUM 3:10

Mmɔ eketaŋ enye efep ŋko, enye aka nte mbuot ekɔŋ: mmɔ enyuŋ esuok nditɔ-wɔŋ esie mbak-mbak ke mbuot kpukpru efak: enyuŋ esin afia ebaŋa mbɔŋ esie, enyuŋ ekɔŋ kpukpru ikpɔ owo esie ke ŋkpɔkɔbi.

ZEPHANIAH 2:12

Mbufo ŋko nditɔ Ethiopia edi se ofut mi ediwotde.

1 CHRONICLES 19:4

Ndien Hanun omum ikɔt David, okporo mmɔ idet, onyuŋ osibe mmɔ ɔfɔŋidem mbio-mbio ke ifuhi, ndien asana mmɔ ayak.

ISAIAH 31:2

Edi enye ŋko ɔfiɔk ŋkpɔ, onyuŋ ada idiɔk-ŋkpɔ edi, enye ikabakede uyo esie; edi adaha ke enyɔŋ ɔtɔhɔ ye ufɔk mme oburobut owo, ye mmɔ emi eŋwamde mme anam-idiɔk.

ISAIAH 31:3

Edi Egypt edi owo, idige Abasi; ndien mme horse mmɔ edi obukidem, idige spirit. Ndien Jehovah eyemenere ubɔk esiemɔ, ndien owo eke aŋwamde eyetuak ukot, ndien owo eke enye aŋwamde eyenyuŋ ɔduɔ, ndien eyesobo kpukpru mmɔ ɔtɔ kiet.