ISAIAH 2:9 - Edisana ñwed Abasi Ibom

⁹ Ntre ke owo ɔsuhɔre, ɔbɔŋ onyuŋ ɔduɔ: kufen mmɔ, ndien.

ISAIAH 2:9 Referans Kwoze

ISAIAH 5:15

Ndien owo ɔsuhɔre, ɔbɔŋ onyuŋ ɔduɔ, enyuŋ etuk mbon iseri enyin:

ŊWED MBON ROME 3:23

koro kpukpru owo ema enam idiɔk-ŋkpɔ, enyuŋ etaba ubɔŋ Abasi.

MARK 3:29

edi owo ekededi eke editiŋde ikɔ-isuŋi adian Edisana Spirit inyeneke erifen ke nsinsi, edi edue isop eke odotde ubiom-ikpe ke nsinsi:

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

NEHEMIAH 4:5

kunyuŋ ufuk mme ukwaŋ-ŋkpɔ mmɔ, kunyuŋ usɔhi mme idiɔk ido mmɔ ke iso fo ufep: koro mmɔ edade uyat-uyat ŋkpɔ etiene mmɔ eke ebɔpde.

JOSHUA 24:19

Ndien Joshua ɔdɔhɔ kpukpru owo, ete, Mbufo ikwe nte enamde ŋkpɔ enɔ Jehovah: koro enye edide edisana Abasi; enye edi Abasi ufup; enye idifenke mme ukwaŋ-ŋkpɔ mbufo ye mme idiɔk ido mbufo.

ŊWED MBON COLOSSAE 2:23

Mme owo ebat oruk mme item oro ke ɔniɔŋ, sia mmɔ esaŋade ye erituak ibuot eke owo ke idemesie aduakde ndinam, ye nsuhɔre-idem ye ɔkpɔsɔŋ ntuk-idem; edi mmɔ inyeneke udori baba esisit; mmɔ ededek obukidem.

JEREMIAH 18:23

Ndien afo, Jehovah, ɔmɔfiɔk ofuri uduak emi mmɔ eduakde ebaŋa mi, ete iwot mi; kusio isop ubaŋa idiɔk ido mmɔ, kunyuŋ usɔhi oburobut ido mmɔ ke iso fo ufep, edi yak mmɔ etuak eduɔŋɔ ke iso fo; nam ye mmɔ ke ini iyaresit fo.

ISAIAH 57:9

Afo omonyuŋ aka ɔtɔ edidem ye aran, onyuŋ ada ediwak ufuɔŋkpɔ fo: onyuŋ ɔdɔŋ mme isuŋ fo utom ke anyan ebiet, onyuŋ ɔduɔk idem tutu osim ke hell.

ŊWED MME PSALM 62:9

Mbon ubuene edi kpasuk ikpikpu: mbon inyene edi nsu: esine ke balance, eyedɔk: mmɔ edi ata ikpikpu ŋkpɔ.

ŊWED MME PSALM 49:2

ekpaŋ utɔŋ: nditɔ ifin ye nditɔ owo ŋko, ye mbɔŋ ye mme ubuene.

ŊWED MBON COLOSSAE 2:18

Ekuyak baba owo kiet obiom mbufo ikpe nte enye amama, ke ikɔ nsuhɔre-idem, ye erituak ibuot nnɔ mme angel; oruk owo emi ebure mbure ke ŋkukut, enyuŋ ekohore idem ke ikpikpu ekikere obukidem;

ŊWED MME PSALM 59:5

Demere, disobo ye ami, nyuŋ se. Ndien afo, O Jehovah Abasi mme udim, Abasi Israel, demere, nyuŋ ka kese kpukpru mme idut: kutua baba owo mmɔ kiet emi enamde idiɔk ke abiaŋa mbɔm. [Selah.]

ISAIAH 5:16

edi Jehovah mme udim okoŋ ke ikpe, enyuŋ ekut ete ke Abasi Ata Edisana asana ke edinen ido.