ISAIAH 2:18 - Edisana ñwed Abasi Ibom

¹⁸ Ndien ibɔk kpukpru eyetak.

ISAIAH 2:18 Referans Kwoze

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

ZEPHANIAH 1:3

Nyetaŋ owo ye ufene, nyetaŋ inuen enyɔŋ, ye iyak akwa mmɔŋ, ye ŋkpɔ eke esinde mmɔ edue, ŋkɔrɔ ye mme idiɔk owo: Jehovah onyuŋ ɔdɔhɔ; ete, Nyesibe owo ke iso idut emi mfep.

HOSEA 14:8

“Ami Ephraim nsaŋa nso ŋko ye ibɔk?” “Ami nyere: nyenyuŋ ntiŋ enye enyin ke idem:” “Ami mbiet awawa cypress.” “Ekut nte mfri fo otode mi.”

EZEKIEL 37:23

Idinyuŋ idaha aba ibɔk mmɔ ye ŋkpɔ ndek mmɔ, ye baba mme idiɔk ido mmɔ kiet isabare idem mmɔ: ndien ami nyenyaŋa mmɔ nsio ke kpukpru ebiet iduŋ mmɔ emi mmɔ ekenamde idiɔk ke esit; nnyuŋ nnam mmɔ edi edisana: ndien mmɔ eyedi ikɔt mi, ami nyenyuŋ ndi Abasi mmɔ.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

ISAIAH 21:9

Ndien enye ɔbɔrɔ ete, Babylon ɔmɔduɔ, ɔmɔduɔ; enye omonyuŋ anuak kpukpru edisɔi mbiet mme abasi esie adian ke isɔŋ.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

ISAIAH 46:1

BEL ɔnuhɔ, Nebo ɔtuhɔ, eda mbiet mmɔ enɔ unam ye ufene: emenere mbiomo mbufo edori; mmɔ edi se mfum-mfum unam obiomde.

JEREMIAH 10:11

Ntem ke mbufo edidɔhɔ mmɔ, ete, Eyesobo mme abasi oro mikenamke enyɔŋ ye isɔŋ, efep ke isɔŋ ye ke idak ikpa-enyɔŋ emi.

EZEKIEL 30:13

Ntem ke Ɔbɔŋ Jehovah ɔdɔhɔ ete, Nyenyuŋ nsobo ibɔk, nnyuŋ nnam mbukpo ibɔk mmɔ etre ke Noph; ndien Ɔbɔŋ isɔŋ Egypt ididuhe aba; nyenyuŋ nda ndik ndori isɔŋ Egypt.

MICAH 1:7

Eyenyuŋ enuak kpukpru ndisɔi mbiet esie mbai-mbai: enyuŋ efɔp kpukpru ndisɔi mbiet ndem esie: koro enye ɔkɔde mmɔ ke utip akpara, ndien mmɔ eyekabare edi utip akpara.

MICAH 5:13

nyenyuŋ nsibe ndisɔi mbiet fo, ye mbio-eto fo ke ufɔt fo mfep; ndien afo udutuakke aba ibuot unɔ se ubɔk fo akanamde.

JEREMIAH 51:18

Mmɔ edi ikpikpu, edi utom abiaŋa: eyetak ke ini ufen mmɔ.

EZEKIEL 6:6

Mme obio eyewure ke kpukpru ebiet iduŋ mbufo, ŋkokoŋo ebiet eyenyuŋ ebiara, man mme itie-uwa mbufo ekpesobo, enyuŋ edi ndon, mme ibɔk mbufo enyuŋ enuaha enyuŋ ekure, man mbiet ŋkpɔ mbufo esiaha, man enyuŋ esɔhi utom mbufo efep.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.