ISAIAH 2:11 - Edisana ñwed Abasi Ibom

¹¹ Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 2:11 Referans Kwoze

ŊWED MME PSALM 18:27

Koro afo eyenyaŋa mbon ukut, eyenyuŋ ɔsuhɔre mmɔ eke enyin mmɔ okoŋde.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

ISAIAH 24:21

Ndien ama ekem ke usen oro, Jehovah eyeda ufen etiene udim enyɔŋ, etiene ndidem isɔŋ ke isɔŋ.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 12:4

Ndien mbufo eyedɔhɔ ke usen oro, ete, Mbufo ekɔm Jehovah, eseme ekot enyiŋ esie, emen se enye anamde etaŋa enɔ mme idut, eti owo ete ke enyiŋ esie okoŋ.

MICAH 4:6

Jehovah ɔdɔhɔ, ete, Ke usen oro nyemen mbuŋɔ, nnyuŋ ntaŋ mmɔ eke ekebinde mmɔ efep, ye mmɔ eke ŋkotukde mbon.

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

EZEKIEL 39:22

Ndien ufɔk Israel eyefiɔk ete ke ami Jehovah ndi Abasi mmimɔ, ɔtɔŋɔde ke usen oro ye ke nsinsi.

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

2 ŊWED CORINTH 10:17

Yak owo emi oburede mbure obure ke Ɔbɔŋ.

2 ŊWED CORINTH 10:5

Nnyin iwuri ekikere esit owo, ye kpukpru edikoŋ ŋkpɔ eke emenerede idem ke enyɔŋ eŋwana ye ifiɔk Abasi; inyuŋ imum kpukpru ekikere nte mbuot-ekɔŋ, inam mmɔ esuk ibuot enɔ Christ;

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

ZECHARIAH 9:16

Ndien Jehovah Abasi mmɔ eyenyaŋa mmɔ ke usen oro, eyenyaŋa ikɔt esie nte otu ufene: koro mmɔ edide itiat anyaŋa, eke emenerede ke enyɔŋ isɔŋ esie nte banner.

ZEPHANIAH 3:16

Ke usen oro eyedɔhɔ Jerusalem, ete, Kufehe ndik: O Zion, kuyak ubɔk emem fi.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

MICAH 5:10

Jehovah onyuŋ ɔdɔhɔ, ete, Ndien ama ekem ke usen oro, nyesibe mme horse fo mfep ke otu fo, nye-nyuŋ nsobo mme chariot fo mfep:

OBADIAH 1:8

Jehovah ɔdɔhɔ ete, Nte ndisoboke mme ɔfiɔkŋkpɔ owo mfep ke Edom, ye eti-ibuot ke obot Esau ke usen oro?

AMOS 9:11

Ke usen oro nyediɔŋ ataya David emi ɔduɔde, nnyuŋ nsiri ŋwure esie; nnyuŋ ndiɔŋ ufɔk esie emi ebiarade, nnyuŋ mbɔp enye, kpa nte ke eyo oko:

JOEL 3:18

Ndien ama ekem ke usen oro, ikpɔ obot eyetɔi obufa wine, ŋkpri obot eyenyuŋ efiɔrɔ mmɔŋ-eba; kpukpru akpa mmɔŋ Jerusalem eyefiɔrɔ mmɔŋ, idim eyenyuŋ oto ke ufɔk Jehovah ekebit itihere Shittim.

HOSEA 2:21

Jehovah ɔdɔhɔ ete, Ndien ama ekem ke usen oro, nyeyere, nyeyere enyɔŋ, ndien enyɔŋ eyeyere isɔŋ;

HOSEA 2:16

Ndien Jehovah ɔdɔhɔ, ete, Ama ekem ke usen oro afo eyekot mi, ete Ishi (Ebe mi) ndien udukotke aba mi, ete, Baali (Ɔbɔŋ mi).

EZEKIEL 39:11

Ndien ama ekem ke mme usen oro nyeda ebiet ubuk owo do ke Israel nnɔ Gog, kpa ebedeŋ mmɔ eke esaŋade ebe ke edem inyaŋ emi utin asiahade: enye onyuŋ akpan mmɔ eke esaŋade ebe: ndien do ke mmɔ edibuk Gog ye ofuri otu owo esie; enyuŋ esio enye enyiŋ, Hamon-gog.

EZEKIEL 38:19

Nyenyuŋ nda ufup mi, nda ikaŋ ifuresit mi ndɔhɔ, nte, Akamba unyek-isɔŋ iditreke ke isɔŋ Israel;

EZEKIEL 38:14

Enyen owo, tiŋ ndien prophecy, nyuŋ dɔhɔ Gog, ete, Ntem ke Ɔbɔŋ Jehovah ɔdɔhɔ, ete, Nte afo udufiɔkke ke usen eke ikɔt mi Israel ediduŋde ke ifure?

JEREMIAH 9:24

edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

ISAIAH 52:6

Mmɔdo ikɔt mi eyefiɔk enyiŋ mi: mmɔdo ke usen oro mmɔ eyefiɔk, ete ke ami ndi enye emi ɔdɔhɔde, ete, Se mi.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

ISAIAH 29:18

Ndien ke usen oro mbon-inan eyekop ikɔ ŋwed, enyin mme nnan eyenyuŋ ewɔrɔ ke mfuhɔ ye ekim ekut ŋkpɔ.

ISAIAH 28:5

Ke usen oro Jehovah mme udim eyekebare edi diadem uyai, ye anyanya ubɔŋ ikɔt esie eke esuhɔde;

ISAIAH 26:1

NDIEN ke usen oro mmɔ eyekwɔ ikwɔ emi ke isɔŋ Judah, ete, Nnyin imenyene ɔkpɔsɔŋ obio; Abasi onim erinyaŋa ke ibibene ye ɔkɔ ekɔŋ.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 4:1

NDIEN ke usen oro iban itiaba eyemum erenowo kiet, ete, Nnyin iyedia udia idem-nnyin, inyuŋ isine edisine-ŋkpɔ idem nnyin, edi yak eda enyiŋ fo ikpɔŋ esio nnyin: men nnyin but ke idem fep.

2 ŊWED THESSALONICA 1:10

edibɔ ufen nsinsi nsobo, ke ini Enye edidide ndida ubɔŋ ke idem nti ikɔt Esie, ndinyuŋ nnyene owo ndyɔ ke idem kpukpru mmɔ emi enimde ke akpanikɔ ke usen oro; koro mbufo ema enim ikɔ ntiense nnyin ke akpanikɔ.

2 SAMUEL 22:28

Eyenyuŋ anyaŋa mbon-ukut: edi enyin fo ese mbon iseri: afo ɔsuhɔre mmɔ.

ŊWED MME PSALM 20:8

Mmɔ ebeŋere eduɔŋɔ: edi nnyin idaha ke enyɔŋ ineŋere ida.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

MME ŊKE 30:13

Emana odu: ekoŋ didie enyin mmɔ! Didie ke mmɔ etan enyin!

ISAIAH 23:9

Jehovah mme udim aduak emi, man enye abiat iseri ofuri ubɔŋ, onyuŋ ɔsuhɔre kpukpru mbon ukpono ererimbot.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

MICAH 2:3

Mmɔdo ntem ke Jehovah ɔdɔhɔ, ete, Sese, ami mmɔŋ ŋkere idiɔk-ŋkpɔ kiet mbaŋa idiɔk ufɔk emi, ŋkpɔ eke mbufo mikemeke ndisio itɔŋ mbufo ke esit mfep: midinyuŋ isaŋake iseri-iseri: koro enye edide idiɔk ini.

ŊWED MME PSALM 18:28

Koro afo eyedomo utuen-ikaŋ mi: Jehovah Abasi mi eyeŋwaŋa ekim mi.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ŊWED MME PSALM 94:2

Ebierikpe ererimbot, menere idem fo, nɔ mbon-iseri usiene.

MME ŊKE 16:5

Jehovah abat kpukpru okpon-esit ke mbubiam: ubɔk okposuk adadiana ye ubɔk enye idibɔhɔke.

ISAIAH 10:12

Ndien eyedi nte Ɔbɔŋ edisibede ofuri utom esiemɔ efep ke obot Zion, ye ke Jerusalem; ndien nyeda ufen ntiene mfri iseri esit edidem Assyria, ye ubɔŋ mmenere iso esie.

ISAIAH 14:15

Edi eyesuhɔre fi ke obio ekpo tutu osim edem obube.

ISAIAH 40:23

emi onimde mbɔŋ ke se miduhe du; anam mme ebier-ikpe ererimbot edi ikpikpu.

JEREMIAH 12:9

Nte udeme mi etie ye ami nte ekpaŋ-ekpaŋ inuen? Nte mme inuen ekan enye ekuk? Mbufo eka ekebon kpukpru mme unam ikɔt, eda mmɔ edi ke itie udia

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana: