ISAIAH 19:4 - Edisana ñwed Abasi Ibom

⁴ Ndien nyeda Egypt nsin ke ubɔk ɔsɔŋ-ido ete; ɔsɔŋ-ubɔk edidem eyenyuŋ akan mmɔ; emi edi uyo Ɔbɔŋ Jehovah mme udim.

ISAIAH 19:4 Referans Kwoze

ISAIAH 20:4

kpasuk ntre ke edidem Assyria edida mbuot ekɔŋ ke Egypt, ye mbon ntaŋ-mfep ke Ethiopia, nditɔwɔŋ ye ŋkani iren, ɔnyɔŋ iferi ye ukot ikpikpu, ifuhi onyuŋ ɔfuhɔre mmɔ anam Egypt ŋkpɔ but.

EZEKIEL 29:19

mmɔdo ntem ke Ɔbɔŋ Jehovah ɔdɔhɔ, ete, Sese, mmɔŋ nda isɔŋ Egypt nnɔ Nebuchadrezzar edidem Babylon; ndien enye eyemen ŋkpɔ emi enye okonimde efep, onyuŋ obume enye, onyuŋ ataŋ ŋkpɔ esie ke ŋkan-ubɔk; ndien oro eyedi ŋkpɔ-eyen-utom mbon-ekɔŋ esie.

JEREMIAH 46:26

Nyenyuŋ nda mmɔ nsin ke ubɔk mmɔ eke eyomde uwem mmɔ, ye ke ubɔk Nebuchadrezzar edidem Babylon, ye ke ubɔk ikɔt esie; ndien ke ini oro ebede owo eyeduŋ ke esit kpa nte ke eset: emi edi uyo Jehovah.

ISAIAH 19:2

Ndien nyedemere Egypt aŋwana ye Egypt: ndien owo eyeŋwana ye eyen-ete esie, owo ye mbɔhɔ-iduŋ esie; obio ye obio, idut ye idut.

ŊWED MME PSALM 31:8

ukonyuŋ uyakke mi usin mme asua mi ke ubɔk: edi omonim ukot mi ke akamba ufaŋ.

1 SAMUEL 23:7

Ekem mmɔ etiŋ enɔ Saul, ete, David aka ke Keilah. Ndien Saul ɔdɔhɔ ete, Abasi amayak enye esin mi ke ubɔk: koro ekukde enye esin, koro enye odukde ke obio emi enyenede itim ye eto usin-usuŋ.

EZEKIEL 30:12

Nyenyuŋ nnam mme akpa mmɔŋ esat ŋko, nnyuŋ nnyam idut oro nsin mme idiɔk owo ke ubɔk, nnyuŋ nda isɔŋ ye se iyɔhɔde ke esit nsin ke ubɔk isen owo esobo. Edi ami Jehovah ndɔhɔ.

NAHUM 3:10

Mmɔ eketaŋ enye efep ŋko, enye aka nte mbuot ekɔŋ: mmɔ enyuŋ esuok nditɔ-wɔŋ esie mbak-mbak ke mbuot kpukpru efak: enyuŋ esin afia ebaŋa mbɔŋ esie, enyuŋ ekɔŋ kpukpru ikpɔ owo esie ke ŋkpɔkɔbi.

ISAIAH 20:3

Ndien Jehovah ɔdɔhɔ, ete, Kpa nte owo emi Isaiah asaŋade iferi ye ukot ikpikpu ke isua ita, ke ŋkpɔ idiɔŋɔ ye ndyɔ abaŋa Egypt ye Ethiopia;