ISAIAH 19:21 - Edisana ñwed Abasi Ibom

²¹ Ndien Jehovah eyenam Egypt efiɔk enye, nditɔ Egypt eyenyuŋ efiɔk Jehovah ke usen oro, ndien mmɔ eyewa uwa emem ye inuak-udia; enyuŋ ekaŋa akaŋa enɔ Jehovah, enyuŋ enam enye.

ISAIAH 19:21 Referans Kwoze

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

ZEPHANIAH 3:10

Mmɔ eke ekpede mi ubɔk, eyen-aŋwan ikɔt mi emi esuanade, eyeto ke edem mme akpa Ethiopia oko, ebiom utomo mi edi.

HABAKKUK 2:14

esin mme obio ekpa mba ke ikpikpu? Koro ifiɔk ubɔŋ Jehovah eyeyɔhɔ ke ererimbot, kpa nte mmɔŋ ofukde inyaŋ.

JONAH 1:16

Ndien mbon oro efehe Jehovah akwa ndik eti-eti, enyuŋ ewa uwa enɔ Jehovah, enyuŋ ekaŋa ekaŋa.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

ISAIAH 55:5

Sese, afo eyekot idut eke mufiɔkke, ndien idut eke mifiɔkke fi eyefehe ebine fi, abaŋa Jehovah ye Edisana Abasi Israel: koro enye ɔnɔde fi ubɔŋ.

ISAIAH 44:5

Emi eyedɔhɔ, ete, Ami mmenyene Jehovah; emi ŋko eyeseme okot enyiŋ Jacob, ndien emi eyeda ubɔk esiemɔ ewet, ete, Eke Jehovah, onyuŋ ada enyiŋ Israel adian idem.

ISAIAH 37:20

Mbɔk, ndien, O Jehovah Abasi nnyin, nyaŋa nnyin sio ke ubɔk esie, ndien kpukpru mme idut ererimbot eyefiɔk ete ke afo ikpɔŋ-ikpɔŋ edi Jehovah.

ECCLESIASTES 5:4

Adaŋa-emi afo akaŋade akaŋa ɔnɔ Abasi, kubebigi ndinɔ enye: koro mbon ndisine minemke enye esit: nɔ se afo akaŋade.

ŊWED MME PSALM 67:2

Man efiɔk usuŋ fo ke isɔŋ, efiɔk erinyaŋa fo ke otu kpukpru mme idut.

1 NDIDEM 8:43

afo tie ke enyɔŋ, ebiet iduŋ fo, kop, nyuŋ nam kpukpru se esen owo oro edisemede ɔnɔ fi abaŋa: kpaŋ kpukpru mbio ererimbot emi ekpefiɔk enyiŋ fo, enyuŋ ebak fi, kpa nte ikɔt fo Israel enamde: man mmɔ enyuŋ efiɔk ete ke eda enyiŋ fo esio ufɔk emi ami mbɔpde.

1 SAMUEL 17:46

Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.

ŊWED MME PSALM 61:8

Ntre ke ndikwɔ enyiŋ fo ke nsinsi, nnyuŋ nnɔ akaŋa mi kpukpru usen.

ŊWED MME PSALM 68:31

Mbɔŋ eyeto ke Egypt edi, Ethiopia eyesɔp edi edinɔ Abasi ubɔk esie.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 27:13

Ama onyuŋ ekem ke usen oro, eyefuri akwa ukorowo, ndien mmɔ eke esopde ke isɔŋ Assyria, ye mmɔ eke esuanade ke isɔŋ Egypt, eyedi edituak ibuot enɔ Jehovah ke edisana obot ke Jerusalem.

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

ISAIAH 60:7

Kpukpru otu ufene Kedar eyebono ke ɔtɔ fo, okukim Nebaioth eyenam ŋkpɔ enɔ fi: eyedɔk ke itie-uwa mi nte ŋkpɔ inem; nyenyuŋ mbana ediye ufɔk mi.

ISAIAH 66:23

Ndien ama ekem, ke kpukpru ɔfiɔŋ, ye kpukpru sabbath, kpukpru obukidem eyedi edituak ibuot ke iso mi; uyo Jehovah edi emi.

ŊWED MME PSALM 68:32

Mbufo, mme idut ererimbot, ekwɔ enɔ Abasi; O, mbufo ekwɔ enɔ Ɔbɔŋ. [Selah.]