ISAIAH 19:2 - Edisana ñwed Abasi Ibom

² Ndien nyedemere Egypt aŋwana ye Egypt: ndien owo eyeŋwana ye eyen-ete esie, owo ye mbɔhɔ-iduŋ esie; obio ye obio, idut ye idut.

ISAIAH 19:2 Referans Kwoze

JUDGES 7:22

Ntre ke owo ikie ita oro efuri obukpoŋ; ndien Jehovah esin kpukpru owo eda ofut eŋwana ye mbɔhiduŋ mmɔ, ye ofuri nna: ndien nna efeŋe esim ke Beth-shittah ke Zererah, ye ke mben Abel-meholah ebe Tabbath.

1 SAMUEL 14:20

Ndien Saul owuk kpukpru owo oro edude ye enye: ndien mmɔ eka ekeduk ke ekɔŋ: ndien, sese, ofut kpukpru owo ke ekpeŋe ekemɔ owo, nsobo onyuŋ okpon eti-eti.

MATTHEW 10:36

ndien mme asua owo eyedi mbon ufɔk esie.

MATTHEW 12:25

Edi sia Enye ɔdiɔŋɔde ekikere mmɔ, ɔdɔhɔ mmɔ ete, kpukpru obio edidem eke abaharede ada aŋwana ye idem esie oduk nditaha; kpukpru obio mme ufɔk eke onyuŋ abaharede aŋwana ye idem esie idisɔŋɔke ida.

MATTHEW 10:21

Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

EZEKIEL 38:21

Ɔbɔŋ Jehovah ɔdɔhɔ ete, Ami nnyuŋ ŋkot ofut edi etiene enye ke kpukpru ikpɔ obot mi; ofut kiet eyesobo ofut eken.

ISAIAH 9:21

Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

1 SAMUEL 14:16

Ndien mbon-ukpeme Saul ke Gibeah Benjamin ese; ndien, sese, otu owo oro ke esuana, enyuŋ edediɔŋ esuana eka iso.

JUDGES 9:23

Ndien Abasi ɔdɔŋ idiɔk spirit esin ke ufɔt Abimelech ye mme enyene Shechem; ndien mme enyene Shechem ebiaŋa Abimelech;

MATTHEW 24:7

Koro idut eyedaha aŋwana ye idut, obio edidem kiet enyeyuŋ adaha aŋwana ye obio edidem efen: akaŋ ye unyek-isɔŋ eyenyuŋ edu ke nsio-nsio ebiet.

JEREMIAH 46:12

Mme idut emekop esuene fo, mfiori fo omonyuŋ ɔyɔhɔ ke isɔŋ: koro owo uko atuakde owo uko ke idem, mbiba eduɔ ɔtɔ kiet.

JEREMIAH 51:46

Ndien ekuyak esit emem mbufo, ekunyuŋ edikhe ebaŋa etop eke edikopde ke isɔŋ, etop eyenyuŋ edi mbun, etop eyenyuŋ etiene edem ke ebem, ndien afai eyedu ke isɔŋ, andikara aŋwana ye andikara.

ZECHARIAH 8:10

Koro ke mika-ikemke kaŋa ke mme usen oro, ŋkpɔ-eyen-utom owo ikoduhe, ŋkpɔ-eyen-utom unam ikonyuŋ iduhe; nnanenyin oro ikonyuŋ iyakke baba owo kiet eke odukde onyuŋ ɔwɔrɔde, okut ifure: ndien ndɔŋ kpukpru owo,

1 NDIDEM 16:21

Ndien nditɔ Israel ebahare edem iba: ubak mmɔ kiet etiene Tibni eyen Ginath, ete inim enye ke edidem; ubak eken enyuŋ etiene Omiri.

2 CHRONICLES 15:6

Ndien idut asuan idut, obio onyuŋ anuak obio: koro Abasi adade kpukpru oruk nnaneyin etimere mmɔ.

ISAIAH 3:5

Ndien kpukpru owo eyesɔŋ ido kiet ye kiet, owo ŋko ye mbɔhɔ-iduŋ esie: mmɔ eyenam iseri-iseri, eyenɔwɔŋ eyenam ye ebio-owo, obukpo owo eyenam ye ɔbɔŋ.

MARK 3:24

Edieke obio edidem abaharede ada aŋwana ye idem esie, obio oro ikemeke ndisɔŋɔ nda.