ISAIAH 17:10 - Edisana ñwed Abasi Ibom

¹⁰ Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

ISAIAH 17:10 Referans Kwoze

JEREMIAH 2:32

Nte eyen-aŋwan edifre ŋkpɔ mbana esie? Nte ŋwan ndɔ edifre ubɔp-isin esie? Edi ikɔt mi emefre mi usen inyeneke ibat.

ISAIAH 26:4

Mbufo ebuɔt idem ye Jehovah ke nsinsi; koro Jah Jehovah edide nsinsi itiat:

DEUTERONOMY 32:18

Afo utihe Akwa Itiat emi okobonde fi, onyuŋ efre Abasi emi okobotde fi.

ŊWED MME PSALM 106:21

Mmɔ efre Abasi, andinyaŋa mmɔ, emi akanamde ikpɔ ŋkpɔ ke Egypt;

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

HOSEA 8:14

Israel omonyuŋ efre Andibot enye, omonyuŋ ɔbɔp temple; Judah omonyuŋ ɔbɔp ediwak obio ibibene: edi ami nyekim ikaŋ ke mme obio mmɔ, ndien enye eyeta ufɔk mbɔŋ mmɔ.

JEREMIAH 17:13

Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.

JEREMIAH 12:13

Mmɔ eketɔ wheat ke isɔŋ, ndien ekpeŋe mbarekpe: ekpa mba, edi idikwe udori: mmɔ eyekut but ebaŋa mbuŋwum mbufo, oto ke ikaŋ iyaresit Jehovah.

ISAIAH 51:13

onyuŋ efre Jehovah emi akanamde fi, emi ekeneŋerede enyɔŋ, onyuŋ onimde isɔŋ ke itie esie; ndien osuk edikhe kpukpru ini ke ofuri usen abaŋa iyaresit owo utuk, ke ini enye otimde ŋkpɔ, ete ibiat?

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ŊWED MME PSALM 106:13

Mmɔ esɔp ndifre se enye akanamde; mmɔ ibetke item esie.

ŊWED MME PSALM 85:4

Fiak tiene nnyin, O Abasi erinyaŋa nnyin; nyuŋ tre iyaresit fo ye nnyin.

DEUTERONOMY 32:31

Koro itiat mmɔ mibietke Akwa Itiat nnyin, edi mme asua nnyin edomo ese.

ŊWED MME PSALM 79:9

O Abasi erinyaŋa nnyin, bɔ nnyin ubɔk, baŋa ubɔŋ enyiŋ fo: nyuŋ babare nnyin, nyuŋ dahado ke mme idiɔk ido nnyin, baŋa enyiŋ fo.

1 CHRONICLES 16:35

Mbufo enyuŋ edɔhɔ, ete, Nyaŋa nnyin, O Abasi emi anyaŋade nnyin, nyuŋ sio nnyin ke mme idut, taŋ bon ɔtɔ kiet, man nnyin ikɔm edisana enyiŋ fo, inyuŋ ibure ke itoro fo.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 28:30

Afo eyebem ŋwan onim, edi owo efen edida enye ɔdɔ: eyebɔp ufɔk, ndien ududuŋke ke esit: eyetɔ iŋwaŋ vine, ndien udutetke mfri esie.

DEUTERONOMY 8:19

Ndien ama ekem, edieke afo edifrede Jehovah Abasi fo, edinyuŋ etienede mme abasi eŋwen, onyuŋ anamde ido mmɔ, onyuŋ ɔnuhɔde ɔnɔ mmɔ, mmɔdɔhɔ mbaŋa mbufo mfin emi, nte ke edisobo mbufo tak-tak.

DEUTERONOMY 8:14

ndien esit fo edikpon, afo onyuŋ efre Jehovah Abasi fo, emi okosiode fi ke isɔŋ Egypt, ye ke ufɔk ufin;

DEUTERONOMY 8:11

Tiŋ enyin mbak afo edifre Jehovah Abasi fo, ke eritre ndinim mbet esie, ye mme item esie, ye mme ewuhɔ esie emi ami ŋwukde fi mfin emi.

DEUTERONOMY 6:12

ndien kpeme idem fo mbak afo edifre Jehovah, emi okosiode fi ke isɔŋ Egypt, ke ufɔk ufin efep.

LEVITICUS 26:20

Ndien ŋko nyema odudu mbufo ke ikpikpu: isɔŋ mbufo idinyuŋ inɔŋɔ mbufo eduek, eto iŋwaŋ idinyuŋ iŋwumke mfri mmɔ.

LEVITICUS 26:16

ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

ZEPHANIAH 1:13

Ndien inyene mmɔ eyeka-bare edi se ebumede, mme ufɔk mmɔ eyenyuŋ ewure: ndien mmɔ eyebɔp ufɔk, edi ididuŋke; eyenyuŋ etɔ iŋwaŋ-vine, ndien idiŋwɔŋke wine mmɔ.

HABAKKUK 3:18

Ndien ami nyedara Jehovah, nyebre mbaŋa Abasi erinyaŋa mi.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

ŊWED MME PSALM 65:5

Afo eyeda akpakop ŋkpɔ ndik ɔbɔrɔ nnyin ke edinen ido, O Abasi, andinyaŋa nnyin, iberedem kpukpru mme utit ererimbot, ye eke inyaŋ, kpa eke mmɔ eke eyomde usuŋ.

ŊWED MME PSALM 31:2

Kpaŋ utɔŋ fo nɔ mi; wara di nyaŋa mi: di ɔkpɔsɔŋ itiat mi, ye edikoŋ ufɔk eke ekpemede mi.

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

ŊWED MME PSALM 9:17

Mme idiɔk owo eyefiak edem eduk ke hell, kpukpru mme idut

ISAIAH 17:9

Ke usen oro mkpɔsɔŋ obio esie oro ekekpɔŋde ebak nditɔ Israel, eyebiet se ekpɔŋde ke mfuhɔ ikɔt, ye ke edikoŋ ŋkɔk: ndien enye (obio) eyebiara.

ISAIAH 18:5

Koro ke mika-ikemke ke ini ukpeŋe, ke ama asiak ikɔŋ ama, ikɔŋ oro ama onyuŋ akabare edi ŋkim-ŋkim mfri eke akade ke eridat enye eyekpi ŋkɔk esie ke ikwa, onyuŋ esep ubɔk esie osio efep.

ISAIAH 25:4

Koro afo edide ɔkpɔsɔŋ ebiet owo unana, ɔkpɔsɔŋ ebiet eyen ubuene ke nnanenyin esie, ubɔhɔ edim, ufuk eyo, koro oyobio mbon afai ebietde edim eke ɔbɔŋde ibibene.

ISAIAH 30:29

mbufo eyekwɔ ikwɔ kpa nte ke okoneyo eke enimde ederi; esit eyenyuŋ adat mbufo, nte owo emi etienede ifium asaŋa aka obot Jehovah, etiene akwa itiat Israel.

ISAIAH 33:2

O Jehovah, fɔn ido ye nnyin; nnyin imebet fi: di ubɔk mmɔ ke usenubɔk, ye erinyaŋa nnyin ŋko ke ini ukut.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 62:11

Sese, Jehovah ɔmɔkwɔrɔ osim utit ererimbot, ete, Mbufo edɔhɔ adiaha Zion, ete, Sese, erinyaŋa fo ke edi; sese, utip esie odu ye enye, ŋkpɔ-eyen-utom esie onyuŋ odu enye ke iso.

JEREMIAH 3:21

Emekop uyom ke enyɔŋ ikpɔ obot-eyet ye mkpe-ubɔk nditɔ Israel: koro mmɔ emekwaŋa usuŋ mmɔ, emefre Jehovah Abasi mmɔ.

EZEKIEL 23:35

Mmɔdo ntem ke Ɔbɔŋ Jehovah ɔdɔhɔ, ete, Koro afo efrede mi, onyuŋ emende mi ɔduɔk ke edem fo; afo ŋko enyene ndibiom oburobut ido fo ye use fo.

JOEL 1:17

Mkpasip amabiara ke idak ebok ntan mmɔ, mme ebiet unim-udia emesobo, mme ufɔk unim-ibokpot emewure; koro ibokpot oforode ayara.

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.