ISAIAH 16:5 - Edisana ñwed Abasi Ibom

⁵ Ndien eyenim ebekpo ke ima: owo kiet eyenyuŋ ada akpanikɔ etie ke esit ke tent David, ebiere ikɔ, ebine edinen ikpe, onyuŋ awara ndinam se inende.” Nnyin ikokop iseri Moab; ke eseri iseri eti-eti:

ISAIAH 16:5 Referans Kwoze

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

MICAH 4:7

Ndien nyenim mbufo ke nsuhɔ, nnyuŋ nda mmɔ eke ekebinde efep esin ke anyan ebiet, nnim ke ɔkpɔsɔŋ obio: ndien Jehovah eyedi edidem mmɔ ke obot Zion ke nsinsi ye ke nsinsi.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MME ŊKE 20:28

Ima ye akpanikɔ ekpeme edidem: enye onyuŋ ada ima omum ebekpo esie akama.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

AMOS 9:11

Ke usen oro nyediɔŋ ataya David emi ɔduɔde, nnyuŋ nsiri ŋwure esie; nnyuŋ ndiɔŋ ufɔk esie emi ebiarade, nnyuŋ mbɔp enye, kpa nte ke eyo oko:

ISAIAH 55:4

Sese, mmonim enye ke ntiense mme idut, ɔbɔŋ ye etubom mme idut.

MME ŊKE 29:14

Edieke ɔbɔŋ ekpede ikpe mme ubuene ke akpanikɔ, ebekpo esie eyebigi ke nsinsi.

ŊWED MME PSALM 99:4

Ndien odudu edidem ama ikpe; afo omowuk se inende, afo ekpe edinen ikpe ke Jacob.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ŊWED MME PSALM 89:14

Edinen ido ye ikpe edi itie ebekpo fo: ima ye akpanikɔ eyebem fi iso esaŋa.

ŊWED MME PSALM 85:10

Ima ye akpanikɔ emesobo ɔtɔ kiet; erinen ye emem emetim kiet eken inua.

2 CHRONICLES 31:20

Ndien Hezekiah anam ntem ke ofuri Judah, onyuŋ anam se ifɔnde, inyuŋ inende, inyuŋ idide akpanikɔ, ke iso Jehovah Abasi esie.

1 NDIDEM 10:9

Etoro Jehovah Abasi fo, emi amade fi, onyuŋ emende fi odori ke ebekpo Israel: koro Jehovah amade Israel ke nsinsi esin enye onim fi ke edidem, man afo ekpe ikpe eke enende.

2 SAMUEL 23:3

Abasi Israel ɔdɔhɔ, Akwa Itiat Israel etiŋ ɔnɔ mi, ete, Edinen andikara owo eyedu, ada uteŋe Abasi akara;

2 SAMUEL 5:9

Ndien David oduŋ ke ɔkpɔsɔŋ ufɔk oro: onyuŋ osio enye enyiŋ Obio David. David onyuŋ anam ibibene akan okuk, ɔtɔŋɔde ke Millo oduk ke esit.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.