ISAIAH 16:12 - Edisana ñwed Abasi Ibom

¹² Ndien ama ekem ke ini Moab owutde idem esie, onyuŋ anamde ŋkpɔ ɔkpɔt ke edikoŋ ebiet esie, ndien enye eyeduk ke edisana ebiet esie ndibɔŋ akam; edi idikwe ŋkpɔ.

ISAIAH 16:12 Referans Kwoze

ISAIAH 15:2

Mmɔ edɔk ke Bayith, ye ke Dibon, ye mme edikoŋ obot, man etua eyet: Moab ke atua ke Nebo, ye ke Medeba: ibɔ odu ke kpukpru ibuot mmɔ, emekporo kpukpru ntaŋebek.

JEREMIAH 48:35

Jehovah onyuŋ ɔdɔhɔ, ete, Nyenam owo eke awade uwa ke ibombom, ye eke ɔfɔpde ŋkpɔ ɔnɔ mme abasi esie etre ke Moab.

1 NDIDEM 18:29

Ekem ke ini ufɔt uwemeyo ama ekebe, mmɔ edama nte idat, tutu oyom ndikem ke ini emi ewade uwa, edi uyo iduhe, baba owo kiet eke eyerede iduhe, baba mkpaŋ-utɔŋ inyuŋ iduhe.

NUMBERS 23:28

Ndien Balak ada Balaam aka ke enyɔŋ ibuot Peor, emi esede edem wilderness.

NUMBERS 23:14

Ndien enye ada enye aka iŋwaŋ Zophim, ke enyɔŋ ibuot Pisgah, ndien anam itie-uwa itiaba, onyuŋ awa enaŋ kiet, ye okukim kiet, ke itie uwa kiet kiet.

NUMBERS 22:39

Ndien Balaam asaŋa ye Balak aka, ndien mmɔ edisim Kiriath-huzoth.

JEREMIAH 48:46

Osuk ɔdɔ-diɔk ɔnɔ fi, Moab! Ikɔt Chemosh emebiara: koro etaŋde nditɔ-iren fo efep, etaŋ nditɔ-iban fo nte mbuot-ekɔŋ.

JEREMIAH 48:13

Ndien but eyenam Moab abaŋa Chemosh, kpasuk nte but akanamde ufɔk Israel abaŋa Bethel mbuɔtidem mmɔ.

JEREMIAH 48:7

Ŋkɔm eyenyuŋ emum fi ŋko, koro afo ɔbuɔtde idem ke se afo akanamde ye ke inyene fo: eyenyuŋ etaŋ Chemosh efep ye mme oku esie, ye mbɔŋ esie, ini kiet.

JEREMIAH 10:5

Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

ISAIAH 47:13

Uwak uduak fo esin fi akpa mba. Yak mmɔ eke ebaharede ikpa-enyɔŋ, ye mmɔ eke esede ntantafiɔŋ, ye mmɔ eke edade mbufa ɔfiɔŋ esiak ŋkpɔ, edaha eda, enyuŋ enyaŋa fi esio ke ŋkpɔ eke edisimde fi.

ISAIAH 37:38

Edikem ke ini enye ɔbɔbɔŋ akam ke ufɔk Nisroch abasi esie, Adrammelech ye Sharezer, nditɔ esie, ewot enye ke ofut; ndien mmɔ ebɔhɔ eka ke edem Ararat; ndien Esarhaddon eyen esie ada ubɔŋ ke itie esie.

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

MME ŊKE 1:28

Ke ini oro mmɔ eyeseme ekot mi, edi ndiyereke; eyebak eyom mi, ndien idikwe mi.

2 NDIDEM 19:12

Nte mme abasi mme idut oro mme ete mi ekebiatde, ekenyaŋa mmɔ, kpa Gozan, ye Haran, ye Rezeph, ye nditɔ Eden emi edude ke Telassar?

2 NDIDEM 3:27

Ndien enye emen akpan esiemɔ, eke akpadade ubɔŋ ke ibuot esie, awa ke edifɔp uwa ke enyɔŋ ibibene. Ndien akwa iyaresit odoro Israel; mmɔ enyuŋ edaŋa ekpɔŋ enye, enyuŋ enyɔŋɔ ke edem mmɔ.

1 NDIDEM 11:7

Ndien Solomon anam edikoŋ ebiet ɔnɔ Chemosh, mbubiam-ŋkpɔ Moab, onyuŋ anam ɔnɔ Molech, mbubian-ŋkpɔ nditɔ Ammon, ke akamba obot emi asakde iso ese Jerusalem.

NUMBERS 24:17

Ŋkut enye, edi idige ke emi: nsese enye, edi ikpereke: ntantafiɔŋ asaŋa oto ke Jacob, esaŋ onyuŋ adaha ke enyɔŋ ke Israel, ndien enye eyenuak mme adaŋa Moab, onyuŋ asuan kpukpru mbon ndutime.

NUMBERS 22:41

Edikem eyo esiere, ndien Balak ada Balaam ɔdɔk ke edikoŋ ebiet Baal, man enye ada do otim okut utit mbio oro.

NUMBERS 21:28

Koro ikaŋ ama oto ke Heshbon, edem-ikaŋ oto ke obio Sihon: enye ama ata Ar Moab, ata mme andinyene edikoŋ ebiet Arnon.

ISAIAH 16:13

Emi edi ikɔ oro Jehovah ɔkɔdɔhɔde ye Moab tutu ko.