ISAIAH 16:10 - Edisana ñwed Abasi Ibom

¹⁰ Emenyuŋ esio idaresit ye mbre ke eti iŋwaŋ efep; ndien mmɔ idikwɔhɔ ikwɔ, idinyuŋ ifiorike, ke mme iŋwaŋ vine: andidigi ididigike aba wine ke itie udigi: ami nnam mkpo odop.

ISAIAH 16:10 Referans Kwoze

JEREMIAH 48:33

Enyuŋ esioŋo idara ye mbre ke eti iŋwaŋ ye ke isɔŋ Moab efep; mma nnyuŋ nnam wine etre ke ebiet udigi: owo ididigike ye mkpo: mkpo ididige mkpo.

AMOS 5:17

Ntuaŋa onyuŋ odu ke kpukpru iŋwaŋ-vine: koro nyesaŋa ke ufɔt fo mbe; Jehovah ɔdɔhɔ.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

JUDGES 9:27

Ekem ke adaŋemi mmɔ ewɔŋɔde eka iŋwaŋ eketet mfri vine mmɔ, enyuŋ edigi, ndien mmɔ enam usɔrɔ, enyuŋ eduk ke ufɔk abasi mmɔ, edia ŋkpɔ, enyuŋ eŋwɔŋ,

ZEPHANIAH 1:13

Ndien inyene mmɔ eyeka-bare edi se ebumede, mme ufɔk mmɔ eyenyuŋ ewure: ndien mmɔ eyebɔp ufɔk, edi ididuŋke; eyenyuŋ etɔ iŋwaŋ-vine, ndien idiŋwɔŋke wine mmɔ.

ISAIAH 32:10

osuk isua kiet ye udori, mbufo iban ndue-idem eyetimere: koro utet vine eyekpa, eritaŋ ididige.

ŊWED JOB 24:11

Enam aran ke esit ibibene mmɔ, edigi ke ɔtɔ udigi-wine, ndien itɔŋ asat mmɔ.

ISAIAH 24:11

Eseme wine ke aŋwa; ofuri idaresit omokure, idara ererimbot amatak.

JOEL 1:12

Vine amasat: eto fig ŋko etie meŋe-meŋe: pomegranate, ye eyop ŋko, ye apple, kpa kpukpru eto iŋwaŋ, emesat; koro idara asatde ke otu nditɔ owo.

AMOS 9:13

Jehovah ɔdɔhɔ, ete, Sese, mme usen ke edi, ndien owo eke ofuŋde isɔŋ eyesim owo eke ekpeŋede ibokpot: owo eke anuakde wine eyenyuŋ osim andiwari mkpasip; ikpɔ obot eyenyuŋ etɔi obufa wine, kpukpru ŋkpri obot eyenyuŋ etara.

EZEKIEL 7:7

Usenubɔk omosim fi, O andiduŋ isɔŋ: ini emedi; usen ndutime emekpere: ndien idige mkpo ikpɔ obot.