ISAIAH 14:3 - Edisana ñwed Abasi Ibom

³ Ndien ama ekem ke usen emi Jehovah edisiode fi ke ndutuhɔ fo, ye ke nyomo-nsia fo, ye ke ɔkpɔsɔŋ ufin emi enimde fi, efep, ɔnɔ fi nduɔk-odudu,

ISAIAH 14:3 Referans Kwoze

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

ISAIAH 32:18

Ndien ikɔt mi eyeduŋ ke ufɔk emem, ye ke iduŋ ifure, ye ke ebiet nduɔk-odudu eke edide suŋ-suŋ;

ZECHARIAH 8:8

ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

EZEKIEL 28:24

Ndien ufɔk Israel idikwe aba akpap eke okimde ye ŋkukim eke ayatde, eke otode kpukpru mmɔ emi ekande mmɔ ekuk, emi esede mmɔ ke ndek. Ndien mmɔ eyefiɔk ete ke ami ndi Ɔbɔŋ Jehovah.

JEREMIAH 50:34

Andifak mmɔ edi ɔkpɔsɔŋ, Jehovah mme udim edi enyiŋ esie: enye iditreke ndikpe ikpe mmɔ, man anam isɔŋ etie suŋ, onyuŋ anam mme andiduŋ Babylon enyek idem.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

DEUTERONOMY 28:48

ndien afo eyenam ŋkpɔ mme asua fo eke Jehovah edidɔŋde etiene fi, ke biɔŋ, ye ke nsat-itɔŋ ye ke iferi, ye ke unana kpukpru ŋkpɔ: ndien enye eyekɔŋɔ fi ŋkpɔ ukwak ke itɔŋ, tutu enye osobo fi ama.

ZECHARIAH 8:2

Ŋkofibe akamba ufup nnɔ Zion, ŋkonyuŋ nda akamba ifiopesit mfibe ufup nnɔ enye.

ISAIAH 40:2

Edɔhɔ ye Jerusalem ufan-ufan, enyuŋ ekwɔrɔ enɔ enye, ete, Ke ekɔŋ esie ɔmɔyɔhɔ, ke emefen idiɔk ido esie: ke enye ɔmɔbɔ Jehovah ke ubɔk utim ikaba abaŋa kpukpru mme idiɔk ido esie.

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

JEREMIAH 30:8

Jehovah mme udim onyuŋ ɔdɔhɔ, ete, Ama ekem ke usen oro, nyebuŋ fi ɔkpɔnɔ esie ke itɔŋ mfep, nnyuŋ ŋkibi fi uruk ke idem, ndien isen owo idinimke aba enye ke ofin.