ISAIAH 14:1 - Edisana ñwed Abasi Ibom

¹ KORO Jehovah eyedɔŋ Jacob esit, onyuŋ ɔtɔŋɔ ntak emek Israel, onyuŋ onim mmɔ ke isɔŋ mmɔ: ndien isen owo eyedian idem ye mmɔ, enyuŋ esop idem mmɔ ye ufɔk Jacob.

ISAIAH 14:1 Referans Kwoze

ŊWED MME PSALM 102:13

Afo eyedaha ke enyɔŋ atua Zion mbɔm: koro emekem ke ini nte afo ɔfɔnde ido ye enye, kpa ini emi enimde.

ZECHARIAH 1:17

Tɔŋɔ ntak fiori ete, Ntem ke Jehovah mme udim ɔdɔhɔ ete, Mme obio mi eyesiaha nti ŋkpɔ; Jehovah eyenyuŋ osuk ɔdɔŋ Zion esit, onyuŋ emek Jerusalem.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

JEREMIAH 50:33

Ntem ke Jehovah mme udim ɔdɔhɔ, ete, Emefik nditɔ Israel ye nditɔ Judah ɔtɔ kiet: ndien kpukpru owo eke eketaŋde mmɔ efep esɔŋɔ emum mmɔ; inyimeke ndisana mmɔ nyak.

ISAIAH 49:13

Mbufo enyɔŋ, ekwɔ; isɔŋ, nyuŋ dara; mbufo ikpɔ obot ebumere ekwɔ: koro Jehovah ɔdɔŋde ikɔt esiemɔ esit, eyenyuŋ atua ikɔt esie emi etuhɔde, mbɔm.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

ISAIAH 66:20

Ndien mmɔ eyeda kpukpru nditɔ-ete mbufo ke kpukpru mme idut, edisɔk Jehovah ke enɔ, edoro ke horse, ye chariot, ye hammock, ye mule, ye dromedary, ke enyɔŋ edisana obot mi Jerusalem, (emi edi uyo Jehovah), kpa nte nditɔ Israel esinde enɔ ke edisana ŋkpɔ eda edi ke ufɔk Jehovah.

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

ISAIAH 44:1

EDI kop ndien, O Jacob, owo mi, ye Israel emi mmekde:

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

ISAIAH 27:6

Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

ŊWED MME PSALM 143:12

Ndien afo eyeda ima fo ekpeŋe mme asua mi, onyuŋ osobo kpukpru mme asua ukpɔŋ mi: koro ami ndide owo fo.

ŊWED MME PSALM 98:3

Enye emeti ima esie ye akpanikɔ esie emi enye enyenede ye ufɔk Israel: kpukpru mme utit ererimbot emekut erinyaŋa Abasi nnyin.

ESTHER 8:17

Ndien ke kpukpru mme province, ye ke kpukpru obio, ebiet emi uyo edidem ye ewuhɔ esie esimde, mme Jew ekut idara, ye inem, ye akwa udia ye eti usen. Ndien ediwak owo ke otu mme idut ke edem oro ekabare edi Jew: koro ndik mme Jew anamde mmɔ.

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

LUKE 1:54

Enye akanyaŋa Israel owo Esie, Man Enye eti mbɔm Esie,

ISAIAH 41:9

afo emi ŋkadade ke mme utit ererimbot, nnyuŋ ŋkotde fi ke ŋkaŋ esie edi, nnyuŋ ndɔhɔ fi, nte, Afo edi owo mi, mmemek fi, nnyuŋ nsuaha fi:

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

ISAIAH 49:10

Biɔŋ ididɔŋke mmɔ, itɔŋ idinyuŋ isatke mmɔ; eyo ye utin idibɔŋke mmɔ: koro anditua mmɔ mbɔm eyeda mmɔ usuŋ, eyeda mmɔ aka ke ɔtɔ eke mmɔŋ otopde ɔwɔrɔ.

ISAIAH 49:15

Nte ŋwan ekeme ndifre eyen-nsek esiemɔ, nnyuŋ ntre nditua eyen emi enye amande mbɔm? Idem mmɔ ekeme ndifre, edi ami ndifreke fi.

ISAIAH 49:25

koro ntem ke Jehovah ɔdɔhɔ, ete, Eyebɔ idem ɔkpɔsɔŋ owo mbuot ekɔŋ esie, mbume owo ndik eyenyuŋ ɔbɔhɔ: ndien edi ami nditɔhɔ ye mmɔ eke etɔhɔde ye afo, edi ami ndinyuŋ nnyaŋa nditɔ fo.

ISAIAH 54:3

koro afo eyesiaha ke nnasia ye ke ufien; ubon fo eyenyuŋ eda mme idut enyene, enyuŋ eda ndiwure obio eduŋ.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

ISAIAH 56:3

Ndien kuyak eyen idut eke adiande idem ye Jehovah ɔdɔhɔ ete, Jehovah amadianare mi ke ikɔt esie efep; eunuch okunyuŋ ɔdɔhɔ ete, Sese, ami ndi edisat eto.

ISAIAH 60:10

Ndien nditɔ isen owo eyebɔp ibibene fo, ndidem mmɔ eyenyuŋ enam ŋkpɔ enɔ fi: koro ke iyaresit mi ke ŋkamiŋa fi, ndien ke mfɔnido mi ke ŋkatua fi mbɔm.

ISAIAH 60:14

Ndien nditɔ mmɔ emi ekefikde fi, eyedi edinuhɔ enɔ fi; kpukpru mmɔ emi ekesinde fi ke ndek eyenyuŋ enuhɔ ke ikpat ukot fo; ndien mmɔ eyekot fi, ete, “Obio Jehovah, Zion Edisana Abasi Israel.”

EZEKIEL 47:22

Ndien ama ekem mbufo esin afia ebahare enye enɔ idem-mbufo ke udeme, ye isen owo eke eduŋde ke otu mbufo, eke ebonde nditɔ ke otu mbufo: mbufo ebat mmɔ nte mme amana ke otu nditɔ Israel: yak mmɔ eda udeme ke afia ye mbufo ke otu mme esien Israel.

ŊWED MME PSALM 102:14

Koro mme itiat esie enemde ikɔt fo esit, mmɔ enyuŋ etua ntan ŋwure esie mbɔm.

ISAIAH 19:18

Ke ini oro obio ition eke edisemde usem Canaan, enyuŋ eŋwɔŋɔde enɔ Jehovah mme udim, eyedu ke isɔŋ Egypt; kiet eyenyuŋ ekere obio nsobo.

ISAIAH 21:1

UYO Abasi emi abaŋa wilderness inyaŋ. Kpa nte oyobio otode ke usuk, kpa ntre ke enye oto ke wilderness, ke isɔŋ ndik, edi.

ISAIAH 47:1

SUHƆRE, nyuŋ tie ke ntan, adiaha Babylon eyenɔwɔŋ, tie ke isɔŋ; ebekpo iduhe, adiaha mme Chaldean: koro mmɔ midikotke aba fi, ite, Mmem-mmem, ye edinem.

JEREMIAH 16:15

Edi, “ma uwem Jehovah emi akadade nditɔ Israel ke edem edere, ye ke kpukpru mme idut eke enye ekebinde mmɔ, ɔdɔk”: ndien nyeda mmɔ mfiak ke isɔŋ mmɔ emi ŋkɔnɔde mme ete mmɔ.

JEREMIAH 30:8

Jehovah mme udim onyuŋ ɔdɔhɔ, ete, Ama ekem ke usen oro, nyebuŋ fi ɔkpɔnɔ esie ke itɔŋ mfep, nnyuŋ ŋkibi fi uruk ke idem, ndien isen owo idinimke aba enye ke ofin.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 51:51

But akanam nnyin, koro nnyin ikokopde esuene: but okofuk nnyin iso: koro isen owo ekedukde ke edisana ebiet ufɔk Jehovah.

EZEKIEL 16:60

Ndien ami nyeti ediomi mi ye afo ke mme usen uyen fo, nyenyuŋ nsɔŋɔ ŋwuk nsinsi ediomi ye afo.