ISAIAH 13:5 - Edisana ñwed Abasi Ibom

⁵ Ke eto ke anyan idut, ke utit enyɔŋ edi, Jehovah ye ŋkpɔ ikpahesit esiemɔ, ete isobo ofuri isɔŋ.

ISAIAH 13:5 Referans Kwoze

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

JEREMIAH 51:11

Mbufo etuk mme idaŋ, eyɔhɔ mme otu ekɔŋ: Jehovah emedemere spirit ndidem Media: koro enye aduakde ŋkpɔ abaŋa Babylon, ete isobo enye; koro emi edide usiene Jehovah, usiene temple esie.

JEREMIAH 50:9

Koro, sese, ami mmɔŋ ndemere esop ikpɔ mme idut ke idut edere, nyenyuŋ nda mmɔ ndɔk ntiene Babylon: ndien mmɔ eyetim udim ekɔŋ eŋwana ye enye; mmɔ eke etode ke esit eyeda enye: idaŋ mmɔ eyebiet eke owo uko eke enyenede ikike, enye idifiakke ukpɔk.

JEREMIAH 50:3

Koro idut otode ke edem edere ɔdɔk edi ekɔŋ ye enye, enye eyenam isɔŋ esie edi ndon, ndien baba owo kiet eke oduŋde ke esit ididuhe: owo ye ufene emefeŋe, emedaŋa.

ISAIAH 24:1

SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.

ISAIAH 13:17

Sese, mmɔŋ ndemere mme Mede nnɔ mmɔ, ndien mmɔ idikereke silver; gold idinyuŋ inemke mmɔ esit.

ISAIAH 5:26

Ndien enye ke emenere ŋkpɔ idiɔŋɔ ɔnɔ mme idut ke anyan ebiet, onyuŋ esi okot mmɔ ke utit ererimbot, ndien, sese, mmɔ ke ewara edi itɔk-itɔk:

2 SAMUEL 1:27

Mbɔm! mbon uko emeduɔŋɔ, ŋkpɔ-ekɔŋ emenyuŋ esobo.

ISAIAH 7:18

Ndien ama ekem ke usen oro, Jehovah eyesi okot nduyip emi edude ke utit mme akpa mmɔŋ Egypt, okot ɔkwɔk emi edude ke isɔŋ Assyria.

ISAIAH 10:5

Ifɔnke fɔn inɔ Asshur, eto iyaresit mi, ndien esaŋ ke ubɔk mmɔ edi eke ifuresit mi.

ISAIAH 26:20

Ikɔt mi, mbufo eka ekeduk ke mme ubet mbufo, enyuŋ eberi itim mbufo ebaha idem mbufo: edibe ini esisit ntem, tutu ikpahesit ebe.

ISAIAH 30:27

Sese, enyiŋ Jehovah ke oto ke anyan ebiet edi, iyaresit esie ke asak, edemikaŋ onyuŋ odobi: ifuresit ɔyɔhɔ enye ke mkpɔk-inua, edeme esie onyuŋ ebiet ikaŋ eke asakde.

ISAIAH 34:2

Koro Jehovah ayatde esit ye kpukpru mme idut, onyuŋ ofutde esit ye kpukpru mme udim ekɔŋ mmɔ: enye omonim mmɔ ɔnɔ nsobo; ɔnɔ mmɔ, ete eda ekewot.

ISAIAH 48:14

Mbufo kpukpru esop idem, enyuŋ ekop; anie ke otu mmɔ akasiak ŋkpɔ emi? Jehovah ama enye; enye eyenam se amade ke Babylon, ubɔk esie eyenyuŋ anam mme Chaldean.

ISAIAH 66:14

Ndien mbufo eyekut, ndien esit mbufo eyedara, mme ɔkpɔ mbufo eyenyuŋ efiari nte mbiet: ndien ikɔt Jehovah eyediɔŋɔ ubɔk esie, ndien enye eyefut esit ye mme asua esie.

JEREMIAH 8:19

Sese, uyo eseme adiaha ikɔt mi oto ke anyan idut: nte Jehovah iduhe ke Zion? Nte edidem esie iduhe ke esit? Nsinam mmɔ ekedade ndisɔi mbiet mmɔ ye mbukpo ŋkpɔ isen idut eyat mi esit?

JEREMIAH 50:25

Jehovah emeberere usuŋ unim-ŋkpɔ esie, ɔmɔnyuŋ osio ŋkpɔ ifuresit esie: koro Ɔbɔŋ Jehovah mme udim enyenede utom ke isɔŋ mme Chaldean.

EZEKIEL 22:31

Ndien ŋŋwaŋa mmɔ ikpahaesit mi ke idem; nnyuŋ nsobo mmɔ ke ifuresit mi; nnyuŋ nda usuŋ mmɔ ndori mmɔ ke ibuot. Uyo Ɔbɔŋ Jehovah edi emi.