ISAIAH 13:11 - Edisana ñwed Abasi Ibom

¹¹ Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 13:11 Referans Kwoze

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 5:15

Ndien owo ɔsuhɔre, ɔbɔŋ onyuŋ ɔduɔ, enyuŋ etuk mbon iseri enyin:

ISAIAH 26:21

Koro, sese, Jehovah ɔmɔŋ oto ke ebiet esiemɔ ɔwɔrɔ, ete inɔ ererimbot ufen ibaŋa mme idiɔk ido mmɔ: ndien isɔŋ eyeyarare iyip esie, idinyuŋ ifukke aba nditɔ esie emi ekpaŋade afai.

ISAIAH 14:21

Mbufo etim mkpa afai enɔ nditɔ esie, ebaŋa mme idiɔk ido mme ete mmɔ; ekuyak mmɔ edaha ke enyɔŋ eda ererimbot enyene, enyuŋ ebɔp obio eyɔhɔ ke iso isɔŋ.

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ISAIAH 3:11

Ifɔnke fɔn inɔ idiɔk owo! ke ɔdiɔk: koro eyenam enye se ubɔk esie anamde.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

ŊWED JOB 40:12

Se kpukpru se ikoŋde koŋ, nyuŋ suhɔre enye nim; nyuŋ digi mme idiɔk owo ke itie mmɔ.

MME ŊKE 8:13

Uteŋe Jehovah edi ndisua idiɔk, ye iseri, ye iseŋ, ye idiɔk ido: ami nnyuŋ nsua abak inua.

ISAIAH 14:5

Anam didie andituk oro atak! obio gold atak! Jehovah omobuŋ esaŋ mme anam-idiɔk, ye mmɔnyɔ mbɔŋ,

ISAIAH 22:14

Ndien Jehovah mme udim ayarare mi ke utɔŋ, ete, Ididahake do ke idiɔk ido emi inɔ mbufo tutu mbufo ekpaŋa mkpa. Ɔbɔŋ Jehovah mme udim ɔdɔhɔ ntre.

ISAIAH 23:9

Jehovah mme udim aduak emi, man enye abiat iseri ofuri ubɔŋ, onyuŋ ɔsuhɔre kpukpru mbon ukpono ererimbot.

ISAIAH 24:21

Ndien ama ekem ke usen oro, Jehovah eyeda ufen etiene udim enyɔŋ, etiene ndidem isɔŋ ke isɔŋ.

ISAIAH 25:3

Mmɔdo ɔkpɔsɔŋ obio eyekpono fi, obio mbon afai eyebak fi.

ISAIAH 29:5

Ndien akwa otu isen owo fo eyebiet obu, akwa otu mbon afai eyenyuŋ ebiet mbio eke ekpɔride efep: ndien ŋkpɔ emi eyebuat ke ini kiet.

ISAIAH 29:20

Koro mbon afai emekure, mbon nsahi emenyuŋ etak, enyuŋ esibe kpukpru mmɔ eke etiede eyom ukwaŋkpɔ efep:

ISAIAH 65:7

koro mmɔ ekefɔpde ŋkpɔ ke enyɔŋ ikpɔ obot, enyuŋ esuenede mi ke enyɔŋ ŋkpri obot: mmɔdo ndidomode akpa utom mmɔ nsin mmɔ ke ikpanesit.

JEREMIAH 48:29

Nyin imokop iseri Moab, enye eseri iseri eti-eti, ye ntaŋ-idem esie, ye ŋkok-idem esie, ye iseŋ esie, ye nte esit esie okoŋde.

HABAKKUK 2:4

Sese, owo ntaŋidem! ukpɔŋ esie inenke enye ke idem: ndien edinen owo eyedu uwem ke mbuɔtidem esie.

MME ŊKE 11:31

Edieke edinamde eti owo usiene ke ererimbot; ŋwaŋwa ediso mme idiɔk owo ye mme oburobut owo.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 25:5

Afo eyesuk iwok isen owo, nte eyo ke edisat ebiet; ikwɔ mbon afai eyesuhɔre nte eyo ke ini obubit enyɔŋ ɔfuhɔde.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana: