ISAIAH 12:5 - Edisana ñwed Abasi Ibom

⁵ Ebre enɔ Jehovah, koro enye anamde ikpɔ ŋkpɔ: emefiɔk emi ke ofuri ererimbot.

ISAIAH 12:5 Referans Kwoze

ŊWED MME PSALM 98:1

MBUFO ekwɔ obufa ikwɔ enɔ Jehovah; koro enye anamde mme utibe ŋkpɔ: nnasia esie ye edisana ubɔk esie enam erinyaŋa enɔ enye.

EXODUS 15:1

NDIEN Moses ye nditɔ Israel ekwɔ ikwɔ emi enɔ Jehovah, enyuŋ edɔhɔ ete, Nyekwɔ nnɔ Jehovah, koro enye okoŋde; enye ekemen horse ye andidoro-horse, ɔduɔk ke inyaŋ.

HABAKKUK 2:14

esin mme obio ekpa mba ke ikpikpu? Koro ifiɔk ubɔŋ Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 40:9

Afo Zion emi obukde eti mbuk, dɔk ke edikoŋ obot; O Jerusalem emi obukde eti mbuk, sɔŋɔ menere, uyo fo; menere, kudige; dɔhɔ mme obio Judah, ete, Se Abasi mbufo!

EXODUS 15:21

Ndien Miriam ɔbɔrɔ mmɔ, ete, Mbufo ekwɔ enɔ Jehovah, koro enye okoŋde; enye ekemen horse ye andidoro-horse ɔduɔk ke inyaŋ.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.

ŊWED MME PSALM 105:2

Ekwɔ enɔ enye, ebre enɔ enye: ekere kpukpru mme utibe ŋkpɔ esie.

ŊWED MME PSALM 72:19

Enyuŋ ekɔm enyiŋ ubɔŋ esie ke nsinsi: yak ubɔŋ esie onyuŋ ɔyɔhɔ ke ofuri ererimbot.

ISAIAH 24:14

Mmɔ eyemenere uyo mmɔ ke enyɔŋ, ekwɔ, ubom Jehovah eyesin mmɔ eke edude ke inyaŋ efiori.

ISAIAH 42:10

Mbufo ekwɔ obufa ikwɔ enɔ Jehovah, ye itoro esie ke utit ererimbot, mbufo emi esuhɔde ke inyaŋ, ye se iyɔhɔde ke esit, mbufo mme isuo ye mme andiduŋ mmɔ.

ISAIAH 42:11

Wilderness ye mme obio esie eyemenere uyo, mme nna emi Kedar oduŋde: mme andiduŋ akwa itiat eyefiori, mmɔ eyetie ke enyɔŋ ikpɔ obot esio mkpo.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.