ISAIAH 11:11 - Edisana ñwed Abasi Ibom

¹¹ Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 11:11 Referans Kwoze

MICAH 7:12

Ndien ke usen oro, owo eyeto ke Assyria, ye ke mme obio Egypt edi ke ebiet fo, ɔtɔŋɔde ke Egypt ŋko tutu osim akpa, ye ke inyaŋ kiet tutu osim inyaŋ eken, ye ke obot kiet tutu osim obot eken.

ŊWED MBON ROME 11:26

ndien ke usuŋ emi ke eyenyaŋa ofuri Israel; kpa nte ewetde ete, Andinyaŋa eyeto ke Zion edi, Enye eyesio ukwaŋido efep ke Jacob:

ISAIAH 10:20

Ndien ama ekem ke usen oro, nditɔ Israel emi esukde, ye nditɔ ufɔk Judah emi ebɔhɔde, iditɔŋɔke aba ntak iberi edem ye enye emi akasuande mmɔ; edi eyebere-edem ye Jehovah, Edisana Abasi Israel, ke akpanikɔ.

HOSEA 11:11

mmɔ eyeto ke isɔŋ Egypt esɔp itɔk nte ntarusuŋ, eyenyuŋ eto ke isɔŋ Assyria nte ibiom; ndien ami nyeyak mmɔ eduŋ ke mme ufɔk mmɔ. Uyo Jehovah edi emi.

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

ISAIAH 42:4

Esit ididuɔhɔ enye, idem idinyuŋ ikpaha enye, tutu enye onim ikpe ke ererimbot: mme isuo eyenyuŋ ebet mme ewuhɔ esie.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

ISAIAH 10:9

Nte Calno ibietke Carchemish? Nte Hamath ibietke Arpad? Nte Samaria ibietke Damascus?

GENESIS 11:2

Ekem ke mmɔ ema ekedaha ke edem usiaha utin mmɔ edisim ke una isɔŋ kiet ke isɔŋ Shinar; ndien etie do.

GENESIS 10:22

Nditɔ-iren Shem; Elam, ye Asshur, ye Arpachshad, ye Lud, ye Aram.

GENESIS 10:10

Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

2 ŊWED CORINTH 3:16

Edi ini ekededi mmɔ ewɔŋɔrede etiene Ɔbɔŋ, emen ufuk-iso oro efep.

ŊWED MBON ROME 11:15

Koro edieke eriduɔk emi eduɔkde mmɔ akabare ɔwɔrɔ erinam ererimbot etie ke emem ye Abasi, erida mmɔ nduk ke Obio Ubɔŋ Abasi ndien ediwɔrɔ nso ke mibɔhɔke erito ke mkpa ndu uwem.

ZECHARIAH 9:2

Hamath ŋko emi adianade enye ke adaŋa, ye Tyre ye Zidon ŋko, koro enye ɔfiɔkde ŋkpɔ akan.

ZECHARIAH 5:11

Ndien enye ɔbɔrɔ mi, ete, Ndibɔp ufɔk ke isɔŋ Shinar nnɔ enye: ndien eyewuk enye, enyuŋ ediɔk enye do ke itie esiemɔ.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

HOSEA 1:11

Ndien nditɔ Judah ye nditɔ Israel eyesop idem ɔtɔ kiet, enyuŋ enim etubom kiet ke idem mmɔ, ndien eto ke isɔŋ edɔk: koro usen Jezreel eyekpon.

DANIEL 11:18

Ndien enye eyekabare iso esie ese mme isuo, onyuŋ ada ediwak; ndien etubom ekɔŋ kiet eyenam esuene esie okure, man esuene esie okutɔŋɔ ntak osim enye.

DANIEL 8:2

Ndien ŋkut ke ŋkukut oro; ndien edikem ke ini ŋkutde, ami ndu ke Shushan ufɔk edidem, emi odude ke esien Elam; ndien ŋkut ke ŋkukut oro, ndien ami ndu ke mben akpa mmɔŋ Ulai.

EZEKIEL 30:14

Nyenyuŋ nsobo Pathros, nnyuŋ ŋkim ikaŋ ke Zoan, nnyuŋ nnam ikpe ke No.

EZEKIEL 27:6

Eda ofriyo ke Bashan enam udeŋ fo; enam deck fo ke oduk enin esine ke box eke otode ke isuo Kittim.

JEREMIAH 49:23

Eke Damascus. But anam Hamath ye Arpad: koro mmɔ ekopde idiɔk etop: mmɔ eyemere: ndutime mmɔdo ke inyaŋ ibom; enye ikemeke ndina suŋ.

JEREMIAH 44:1

IKƆ emi okosim Jeremiah abaŋa kpukpru mme Jew emi eduŋde ke isɔŋ Egypt, emi eduŋde ke Migdol, ye ke Tah-panhes, ye ke Noph, ye ke isɔŋ Pathros, ete,

JEREMIAH 31:10

Mbufo mme idut ekop uyo Jehovah, ndien ekwɔrɔ enye ke mme-isuo eke eyomde usuŋ, enyuŋ edɔhɔ, ete, Enye emi akasuande Israel eyetaŋ mmɔ obon, onyuŋ ɔbɔk mmɔ nte ɔbɔk-erɔŋ ɔbɔkde ufene esie.

JEREMIAH 25:25

ye kpukpru ndidem Zimri, ye kpukpru ndidem Elam, ye kpukpru ndidem Media:

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

ISAIAH 42:12

Eyenim ubɔŋ enɔ Jehovah, enyuŋ ebuk itoro esie ke otu mme isuo.

ISAIAH 42:10

Mbufo ekwɔ obufa ikwɔ enɔ Jehovah, ye itoro esie ke utit ererimbot, mbufo emi esuhɔde ke inyaŋ, ye se iyɔhɔde ke esit, mbufo mme isuo ye mme andiduŋ mmɔ.

ISAIAH 11:16

Ndien ɔkpɔ-usuŋ eyena ɔnɔ nsuhɔ ikɔt esie, eke Asshur edisuhɔde; kpa nte akanade ɔnɔ Israel ke usen oro enye otode ke Egypt ɔdɔk.

ŊWED MME PSALM 68:22

Ɔbɔŋ ɔdɔhɔ ete, Nyeda (mmɔ) ke Bashan mfiak ndi: nyeda (mmɔ) ke udem inyaŋ mfiak ndi:

GENESIS 14:1

EDIKEM, ke usen Amraphel edidem Shinar, Arioch edidem Ellasar, Chedorlaomer edidem Elam, ye eke Tidal edidem mme idut;

ESTHER 10:1

NDIEN Ahasuerus odori edem oro, ye isuo ke akamba inyaŋ, utomo.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 19:21

Ndien Jehovah eyenam Egypt efiɔk enye, nditɔ Egypt eyenyuŋ efiɔk Jehovah ke usen oro, ndien mmɔ eyewa uwa emem ye inuak-udia; enyuŋ ekaŋa akaŋa enɔ Jehovah, enyuŋ enam enye.

ISAIAH 19:22

Jehovah eyenyuŋ amia Egypt; amia, onyuŋ ɔkɔk: ndien mmɔ eyekabare etiene Jehovah, ndien enye eyekop ɔnɔ mmɔ, onyuŋ ɔkɔk mmɔ.

ISAIAH 37:31

Ndien ubak ufɔk Judah emi ɔbɔhɔde onyuŋ ɔsuhɔde eyetɔŋɔ ntak omum oruŋ esie ke isɔŋ, onyuŋ oŋwum idem ke enyɔŋ:

EZEKIEL 29:14

ndien nyeda mbon ntaŋ-mfep Egypt mfiak; nnyuŋ nda mmɔ nnyɔŋ ke isɔŋ Pathros, ke isɔŋ emana mmɔ; ndien do ke mmɔ edidi obukpo idut.

EZEKIEL 32:24

Elam mmɔdo, ofuri otu owo esie enyuŋ ekan mme udi esie ekuk, kpukpru mmɔ eda unan eduɔŋɔ ke ofut; emi esuhɔrede nte mbon edut ke idak isɔŋ, emi enamde mmɔ edikhe ke isɔŋ mme odu-uwem; mmɔ enyuŋ ebiom esuene mmɔ ye mmɔ oro ekesuhɔrede ke obube.

EZEKIEL 38:8

Ke ediwak usen ema ebe eyenim fi ke etubom: ke utit mme isua oro afo eyesim idut emi ekesiode enye efep ke ubɔk ofut efiak edi, emi eketaŋde ke ediwak mme idut ebon, ke enyɔŋ obot Israel, emi ekedide nditaha kpukpru ini: edi esioŋo mmɔ ke mme idut efep, kpukpru mmɔ enyuŋ eduŋ ke ifure.

DANIEL 1:2

Ndien Ɔbɔŋ emen Jehoiakim edidem Judah esin enye ke ubɔk, ye ubak mkpoduoho ufɔk Abasi; ndien enye ada mmɔ ɔnyɔŋ ke edem shinar ke ufɔk abasi esie; onyuŋ ada mkpoduoho oro esin ke ufɔk unim-ŋkpɔ abasi esie.

GENESIS 2:13

Enyiŋ ɔyɔhɔ akpa ita onyuŋ edi Hiddekel: edi enye asaŋa ke iso Assyria.

DEUTERONOMY 9:29

Edi mmɔ edi ikɔt fo, ye udeme fo, emi afo akadade akwa odudu fo ye edimenere ubɔk fo osio mmɔ efep.

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

ISAIAH 21:2

Ke ewut mi ɔkpɔsɔŋ ŋkukut; andibume ke obume, andibiat ke abiat. Elam, dɔk: Media, kankuk. Mmanam ofuri eseme esie odop.

ISAIAH 22:6

Ndien Elam akama odibe-idaŋ ke chariot, ye mme asaŋa ikpat, ye mme odoro horse, Kir onyuŋ ɔfuhɔre otu-ekɔŋ.

ISAIAH 49:12

Sese, mme mmɔ emi eyeto ke anyan idut edi: sese, mmɔ emi ŋko eto ke edem edere, ye ke edem inyaŋ; mme mmɔ emi ŋko enyuŋ eto ke idut Sinim.

HOSEA 11:10

Mmɔ eyesaŋa etiene Jehovah: enye eyekuni nte lion: koro enye edikunide, ndien nditɔ eyeto ke edem usop-utin esɔp edi;

ZECHARIAH 8:7

Ntem ke Jehovah mme udim ɔdɔhɔ, ete, Sese, ami nyenyaŋa ikɔt mi ke idut edem usiaha-utin, ye ke idut usop-utin mfep; nnyuŋ nda mmɔ ndi,